Македонија
МВР откако падна системот на Деве Баир: Селективно се пропуштаат итните случаи

Само итни случаи последниве два часа ја минуваат македонско – бугарската граница, откако падна системот на нашиот граничен премин.
Веќе е формирана долга колона возила кои од Бугарија чекаат за влез во Македонија пред полицискиот пункт на нашата граница.
„Системот на граничните премини не е во функција, но екипи работат на негово оспособување. Селективно се пропуштаат само итни случаи“, соопшти МВР.
Заглавени на граничниот премин се и дел од граѓаните од Бугарија тргнати на чествувањето по повод 151 – година од раѓањето на Гоце Делчев.
Бугарските здруженија најавија дека околу 150 граѓани со автомобили ќе дојдат да се поклонат на гробот на Гоце Делчев, а се уште не е пристигната ниту официјалната бугарска делегација предводена од министерот за внатрепни работи.
Тие на гробот на великанот во црквата Св. Спас ќе стигнат со дополнително полициско обезбедување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.