Македонија
Медицински центри во странство каде се лекуваат пациенти од пожарот во Кочани, објави Таравари

Министерот за здравство Арбен Тараври на социјалните мрежи објави список со медицински центри во странство каде се лекуваат пациентите од пожарот во Кочани.
„БУГАРИЈА
1.Болница Пирогов, Софија, Булевар 21, 1606 Софија – 9 хоспитализирани пациенти
2.Военомедицинска академија-МБАЛ, Варна, „Христо Смирненски” №3, п.к. 9000 – 3 хоспитализирани пациенти
3.Болница „Свети Ѓорги“ ЕАД, Пловдив – 3 хоспитализирани пациенти
СРБИЈА
1.Военомедицинска академија ВМА, Белград – „Црнотравска“ 17, 11040 Белград –10 хоспитализирани пациенти
2. Универзитетски клинички центар Србије – „Пастерова“ 2, 11000 Белград –17 хоспитализирани пациенти
3. Универзитетски Клинички центар Ниш – Булевар „Др. Зорана Ђинђића“ 48 – 18108 Ниш – 3 хоспитализирани пациенти
СЛОВЕНИЈА
1.Универзитетски клинички центар Љубљана, ул. Zaloška cesta,7 – 2 хоспитализирани пациенти
2.УКЦ Марибор, 2000 Марибор, Словенија – 2 хоспитализирани пациенти
ХРВАТСКА
1.Клинички болнички центар „Сестри милосрдници“, Клиника за трауматологија – Ул. Драшковичева 19, Загреб – 4 хоспитализирани пациенти
2.Клиника за детски болести Загреб, ул. Вјекослав Клаиќ 16, Загреб – 1 хоспитализиран пациент
ГРЦИЈА
1.Thessaloniki General Hospital „George Papanikolaou” – Papanikolaou Ave., Exochi 570 10, Солун; – 3 хоспитализирани пациенти
2.424 General Military Training Hospital – Peripheral Road N. Efkarpia, P.C. 564 29, Солун – 2 хоспитализирани пациенти
3.401 General Military Hospital of Athens – Panagiotis Kanellopoulos Ave., 115 25, Атина – 6 хоспитализирани пациенти
4.251 General Aviation Hospital – 3 Panagiotis Kanellopoulos Ave., 115 25, Атина – 1 хоспитализиран пациент
ИТАЛИЈА
1.Ospedale Niguarda Milano – Piazza dell’Ospedale Maggiore, 3, 20162, Милано – 2 хоспитализирани пациенти
2.Ospedale Maggiore Parma – Viale Antonio Gramsci, 14, 43126 Парма –1 хоспитализиран пациент
3.Ospedale IL NUOVO SANTA CHIARA CISANELLO – Via Paradisa 2 Cisanello Пиза – 1 хоспитализиран пациент
АВСТРИЈА
1.University Hospital Graz, Auenbruggerplatz 29, 8036 Graz , Австрија – 4 хоспитализирани пациенти
2.Universitätsklinikum AKH Wien, Währinger Gürtel 18-20, 1090 Wien, Австрија , Австрија – 2 хоспитализирани пациенти
БЕЛГИЈА
1.Queen Astrid Military Hospital – Rue Bruyn 1 1120 Neder-over-Heembeek, Белгија – 2 хоспитализирани пациенти
2.Hospital ZAS Cadix – Kempenstraat 100, 2030 Antwerp,Белгија – 1 хоспитализиран пациент
3.Hopital Les Viviers Charlerois – Rue du Campus des Viviers 1, 6060 Gilly, Белгија – 1 хоспитализиран пациент
ЛИТВАНИЈА
1.Lithuanian University of health sciencies, A. Mickeviciaus g. 9, LT-44307 KaunasKaunas” – 1 хоспитализиран пациент
2. Vilnius University Hospital, Santariskiu st. 2, 08661 Vilnius, Lithuania, Литванија – 3 хоспитализирани пациенти
ТУРЦИЈА
1.Istanbul Basaksehir cam ve Saakura hospital, Турција – 6 хоспитализирани пациенти
2.Ankara Bilkent city hospital, Турција – 6 хоспитализирани пациенти
ШВЕДСКА
1.Karolinska University Hospital – Gävlegatan 55, NB6:01-02, Солна – 2 хоспитализирани пациенти
УНГАРИЈА
1.„Будимпешта, Észak-Pesti Centrumkórház – Honvédkórház Hungary” – 6 хоспитализирани пациенти
ПОЛСКА
1.Eastern Centre of Burns Treatment and Reconstruction in Leczna, Krasnystawska 52, 21-010 Łęczna, Полска – 2 хоспитализирани пациенти“, објави Таравари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Образец за пријавување прекршок во случај кога не е овозможен визуелен пристап до струјомерите

Врз основа на официјалниот одговор добиен од Министерството за енергетика, рударство и минерални суровини, Инжинери на Република Македонија (ИНРМ) изработи урнек за поднесување на претставка до Државниот инспекторат за енергетика, рударство и минерални суровини, кој може да го користи секој граѓанин што смета дека му е повредено правото на визуелен пристап до сопствениот струјомер.
Министерството потврди дека токму Државниот инспекторат за енергетика е надлежен за спроведување инспекциски надзор во случаите кога операторот на електродистрибутивниот систем (ЕВН Македонија АД) не овозможува пристап до мерниот уред, што претставува повреда на член 164 став (1) точка 19 од Законот за енергетика. Истовремено, овој прекршок е санкциониран со глоба од 1.000 до 3.000 евра во денарска противвредност согласно член 286 од истиот закон.
Со цел да се олесни поднесувањето на пријави од страна на граѓаните, ИНРМ изработи шаблон што секој засегнат корисник може слободно да го преземе, пополни и достави по електронски пат или редовно по пошта.
Претставката е достапна на следните линкови:
🔗 ИНРМ веб-страница (преземање на документи):
https://www.inzenerinarm.com/prevzemanje-dokumenti
🔗 Facebook група на ИНРМ каде е објавен документот:
https://www.facebook.com/share/p/16P8CmATVr/
Ги повикуваат сите граѓани на кои не им е овозможен директен увид во бројките на сопствениот мерен уред, да го искористат правото на пријавување, со цел да се заштитат како потрошувачи.
Македонија
Потпишани договори за 40 научно – истражувачки проекти на универзитетите, научните институти и МАНУ

Министерството за образование и наука потпиша договори за финансирање на 40 научно-истражувачки проекти со државни факултети, научни институти и МАНУ.
Од нив, 15 проекти се од природно-математичките науки, инженерството и технологијата, медицинските и здравствените науки како и од земјоделските и ветеринарните науки.
Исто толку проекти се од општествените и хуманистичките науки.
За прв пат оваа година, се финансираат 10 проекти од областите кои со Стратегијата за паметна специјализација се утврдени дека имаат висок иновациски, истражувачки и економски потенцијал: паметното земјоделство и храна со повисока додадена вредност, ИКТ технологиите, електромашинската индустрија и одржливите материјали и паметни згради.
Проектите беа одбрани на јавен конкурс, вкупниот износ за финансирање по проект изнесува до 8 милиони денари, а истражувачките тимови треба да ги завршат до крајот на октомври 2026 година.
Министерската за образование и наука Весна Јаневска рече дека ова е трет конкурс по кој се одобруваат средства за финансирање на научно-истражувачки проекти, што јасно ја покажува насоката кон која сакаме да ја придвижиме државата.
„За оваа Влада науката е стратешки ресурс за развој. Затоа ги интензивираме вложувањата во научно-истражувачки проекти, врз основа на прецизни критериуми за селекција: поттикнуваме оригинални и иновативни идеи, поддржуваме млади истражувачи и меѓународно конкурентни и релевантни проекти. Наша цел е да создадеме услови за квалитетна наука која носи реални резултати и има потенцијал да го забрза општествено-економскиот развој на државата“, нагласи Јаневска.
Претходно, Министерството за образование и наука одобри и средства за пет научно-истражувачки проекти од посебен научен и јавен интерес кои се резултат на соработката помеѓу академскиот и бизнис секторот во рамки на паметната специјализација на државата, во вкупен износ од 30,4 милиони денари.
Минатата недела беа склучени договори со осум јавни научни установи за финансирање на научно-истражувачки проекти, во вкупен износ од 23,7 милиони денари.
Оваа година Министерството за образование и наука издвои буџет од 680 милиони денари за финансирање на наука, што е речиси двојно зголемување во споредба со Буџетот од 2024 година.
Македонија
Германски државјанин протеран од државата: на натпреварот Шкендија-Карабаг во Скопје веел знаме „Голема Албанија“

По извршена идентификација и поднесена кривична пријава, Основното јавно обвинителство Скопје по итна постапка процесуираше државјанин на Германија за кривично дело – Предизвикување омраза, раздор или нетрпеливост врз национална, расна, верска и друга дискриминаторска основа.
Против него беше поднесено обвинение, бидејќи на 5 август, непосредно пред фудбалскиот натпревар помеѓу ФК „Шкендија“ и ФК „Карабаг“ што се одигра на градскиот стадион во Скопје, со истакнување и веење знаме на „Голема Албанија“ и со натпис „Автохтона“, предизвикал чувство на омраза, раздор и нетрпеливост врз основа на етничка припадност. Тоа го забележале полициски службеници, кои го лишиле од слобода.
Врз основа на обезбедените докази во координација меѓу полицијата и надлежното обвинителство, Основниот кривичен суд Скопје веднаш изрече пресуда со која обвинетиот го огласи за виновен и го осуди на условна казна затвор од две години, која нема да се изврши доколку осудениот не стори ново кривично дело во следните 5 години.
Во исто време, бидејќи станува збор за странски државјанин, Судот донесе одлука да го протера и да му забрани влез во државава во следните пет години.
Од Обвинителството најавија дека тие и МВР продолжуваат да преземаат координирани активности за откривање и идентификување на сторители на кривични дела на ширење на омраза и нетрпеливост поврзани со спортски натпревари. Веднаш по идентификацијата на сторителите, тие ќе бидат процесуирани во согласност со надлежностите на јавното обвинителство.