Македонија
МЕПСО купува кожени столчиња од 90.000 евра

Откако кон почетоков на годинава АД МЕПСО се поднови со мебел од над 200 илјади евра, сега компанијата повторно се подновува со различни видови столчиња, за кои ќе потроши над 90 илјади. Во договорот склучен со фирмата ОФИС и КО. ДОО увоз-извоз Скопје стои дека се купени над 400 столчиња – најскапите чинат 18.500 денари по столче, а најевтините околу 5 илјади денари.
Во договорот за набавка за поголем дел од столчињата со кои ќе се поднови компанијата се бара да бидат „ергономски, со висок наслон, гумирани тркала, седиштето да биде обложено со огноотпорна пена, соодветна сакрална, лумбална и торакална поддршка, фиксирање во пет позиции, а седиштето и наслонот да се тапацирани со природна кожа“.
Цените на столчињата за АД МЕПСО се движат од 5 илјади денари, се нарачуваат столчиња и од над 14 илјади денари, 50 столчиња од 15 илјади, едно столче од 18.500, а најмногу, односно 165 столчиња чинат по 9.500 денари без вклучен ДДВ. За сето ова, со вклучен ДДВ, МЕПСО ќе плати 5,6 милиони денари или над 90 илјади евра.
Кон почетокот на годинава МЕПСО се поднови и со фотелји од телешка кожа. Компанијата склучи договор вреден 212 илјади евра, со „Леснина ми“, фирма од која беа купени кујни, канцелариски мебел и гарнитури, но во јавноста посебен впечаток оставија фотелјите од 14 илјади евра за кои беше потенцирано дека треба да бидат тапацирани со природна телешка кожа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно со повремени врнежи од дожд и со умерен северен ветер

Времето денеска ќе биде променливо облачно со повремени врнежи од дожд и со слаб до умерен северен ветер. Попладне и во вечерните часови наместа ќе биде нестабилно со пороен дожд и грмежи, локално во форма на краткотрајно невреме со пообилен пороен дожд (за кратко време над 15 л/м2) и засилен ветер. Минималната температура ќе биде во интервал од 4 до 10, а максималната ќе достигне од 11 до 18 степени.
Во Скопје, променливо облачно со повремен дожд и слаб до умерен ветер од северен правец. Попладне и во вечерните часови ќе биде нестабилно со пороен дожд и грмежи, а во делови од котлината ќе има услови за краткотрајно невреме со пообилен пороен дожд и засилен ветер. Минималната температура ќе се спушти до 10, а максималната ќе достигне до 16 степени.
Времето во наредните денови
До петок ќе се задржи променливо облачно време со повремени врнежи од дожд. Во попладневните и вечерните часови локално ќе биде нестабилно, со пороен дожд и грмежи наместа во форма на краткотрајно невреме со пообилен пороен дожд (за кратко време над 15 л/м2) и засилен ветер. Во сабота ќе настапи преодно стабилизирање на времето, а во недела се очекуваат нови врнежи од дожд.
Македонија
Петрушевски: Ако ССМ не ги криел платите, тогаш на кој сајт или друго јавно место се објавени?

Ако ССМ не ги криел платите, тогаш на кој сајт или друго јавно достапно место се објавени?, прашува Бране Петрушевски, пратеник од ВМРО-ДПМНЕ.
„Пешевски е на чело на синдикат каде работниците на скелиња земаат минимална дневница, за разлика од таа на Пешевски, кој е поставен таму не од граѓаните како пратениците, туку од тесен круг од неговите пријателчиња од ССМ. И таа позиција си ја наследуваат од колено на колено, како и неговите пријатели и ментори од црвената буржоазија на СДС.
Ако Пешевски со имот и примања како комунистички директор е претставник на работничките права, тогаш неговиот ментор Заев е чесен човек, а тие Лехваленса, објави на ФБ Бране Петрушевски, пратеник од ВМРО-ДПМНЕ“.
Македонија
One Stop Shop од средината на април ќе се воведе на границата со Косово

Министерството за внатрешни работи ја информира јавноста дека од средина на месец април (14.04.2025) официјално ќе започне со работа заедничката гранична контрола (One Stop Shop) на заеднички граничен премин Долно Блаце – Елез Хан.
„Овој чекор претставува конкретна реализација на билатералната соработка помеѓу Република Северна Македонија и Република Косово, со цел олеснување на прекуграничното движење, намалување на времето на чекање и зголемување на ефикасноста на граничните контроли“, соопштуваат од МВР.