Македонија
Меѓународен тренинг-семинар на специјални полициски нуркачки тимови во Охрид

Директорот на Бирото за јавна безбедност, Сашо Тасевски, присуствуваше на завршната церемонија и доделувањето на сертификати на Меѓународен заеднички тренинг-семинар на специјални полициски нуркачки тимови. На завршната церемонија свое обраќање пред присутните учесници на семинарот имаше командантот на ЕСЗ, Митко Даневски, во присуство на директорот на БЈБ, Тасевски, и началникот на Одделот за специјални полициски операции, Бранко Трајановски.
Единицата за специјални задачи во периодот од 30 август до 6 септември 2018 година на Охридското Езеро успешно реализира меѓународен заеднички тренинг-семинар на специјални полициски нуркачки тимови. На семинарот покрај специјалниот полициски нуркачки тим од ЕСЗ учествуваа и нуркачки тимови од специјалните полициски единици на Хрватска, Унгарија, Србија и Црна Гора.
Сите претставници успешно ги завршија задачите и мисиите на длабочина до 39 метри. По завршувањето на целата програма, сите учесници добија сертификати за учество на Меѓународен заеднички тренинг-семинар на специјални полициски нуркачки тимови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека околу 45 минути, зголемена фреквенција на возила поради летните одмори

Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила на ГП Табановце, времето на чекање за влез и излез од државата е околу 30-45 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Викендов сончево време со услови за локален пороен дожд

Утре и во деновите од викендот ќе преовладува сончево и потопло време со мала до умерена облачност. Ќе има услови за локална појава на пороен дожд и грмежи, информира УХРМ.
В понеделник на повеќе места ќе биде нестабилно со пороен дожд и грмежи, а од вторник се очекува стабилизирање на времето.

Извор: УХРМ
Македонија
Исчистен паркот спроти „Нова Македонија“

Денеска, во раните утрински часови во координирана акција на инспекциските служби на Општина Центар и Министерството за внатрешни работи, беше расчистен јавниот простор спроти зградата на „Нова Македонија“, познат и како Паркот на новинарите.
Акцијата беше спроведена по теренска проценка и по пријава од страна на центарци, кои изразија сериозна загриженост за безбедноста и изгледот на просторот. Жителите пријавија случаи на нарушување на јавниот ред и мир, поставени шатори и физички пресметки, за кои постојат и видео-снимки кои се доставени до општината.
Градоначалникот Горан Герасимовски потенцира дека јавните простори мора да се користат согласно нивната намена и ги охрабрува сите граѓани навремено да пријавуваат неправилности до надлежните служби.
„Притоа, се водевме и од социјалната димензија на проблемот – на терен беше затекнато и едно лице со посебни потреби, што дополнително ја нагласува потребата од институционална поддршка. Иако Министерството за социјална политика, демографија и млади не беше дел од денешната акција, сметаме дека е морално и неопходно да се вклучи во понатамошниот процес за да се обезбеди соодветна грижа за ранливите категории. Јавниот простор мора да остане чист, безбеден и достапен за сите“, изјави Герасимовски.