Македонија
Меѓународното училиште „Маариф“ ја почна новата учебна 2021 – 2022 година отворајќи ги вратите и во новоотворениот кампус во Скопје

Иако беше неизвесно дали новата учебна година ќе почне со физичко присуство, Меѓународното училиште „Маариф“ ѝ посака добродојде на првата генерација ученици што избраа да бидат дел од ова училиште, односно новиот кампус во Скопје.
Првата генерација ученици во новоотвореното училиште во Скопје веќе се чувствува како дома, а за тоа придонесоа и образовниот кадар на професори, како и самата средина, околината и можностите што ги нуди „Маариф“.
Новиот кампус располага со најнови и модерни лаборатории, паметни училници, библиотека, ресторан и кафетерија, спортски терени, како и клубови за стрелаштво, шах итн., во кои учениците може да се зачленат и да имаат дополнителна активност покрај задолжителните наставни предмети.
Директорот на училиштето во Скопје, г. Зекирија Арслантурк, на свое задоволство како нов член во училиштата на „Маариф“ во земјата испрати неколку клучни пораки за кои тој е уверен дека ќе ја достигнат својата важност и имплемтација:
Г. Арслантурк, Вие го раководите кампусот во Скопје на Меѓународното училиште Маариф, иако сте тука само два месеци, сигурно може да направите некоја споредба на образовниот систем во училиштата на Маариф и кај тие во земјата?
„Рано е да се оцени ова за толку краток период од еден и пол месец. Тешкотиите и убавината во образованието се речиси исти насекаде. Добро обучените наставници се многу важни. Добро обучени и квалификувани наставници се важни како тука, така и на други места.Токму поради оваа причина, ние даваме значење на квалитетот на наставникот. Преферираме наставници со искуство, експерти во своите области, магистри и докторанти“.
Кон што се стреми образованието во училиштата Маариф?
„Во една реченица, се стремиме кон оформување на лица кои ќе бидат самодоволни, кои носат мир во себе и ќе бидат смирени во својата средина и ќе имаат почит кон различните култури“.
Како индивидуалец, која е вашата визија за генерациите кои ќе имаат можност да станат дел од ова училиште – ако се има предвид дека образованието во ова училиште е приватно?
„Мојата визија е да се оформат поединци кои се среќни, смирени со себе, кои имаат почит кон другите култури и цивилизации, лица со моќен академски статус, кои ќе познаваат неколку јазици и ќе бидат добри и корисни за човештвото и за себе си“- објасни Г-н Арслантурк.
Инаку, на 13 април годинава Турската Фондација МААРИФ купи дел од студентскиот кампус на Американскиот Универзитет на Европа-ФОН, со што на учениците од Скопје им овозможи врвно меѓународно образование.
Локацијата сама по себе, во населбата Аеродром, овозможува безбедно пристигнување и користење на градски превоз како и организиран превоз за учениците од самото училиште. Капацитетот на новото Меѓународно училиште „Маариф“ во Скопје е 1200 ученици, а за реализација на образовниот процес кој ќе се одвива на англиски јазик, предвидени се и во тек се околу 100 нови вработувања, наставен кадар и помошно технички персонал.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Паника во Катланово и Петровец поради голем пожар, Ангелов смирува дека нема опасност да се запали бензинската

Попладново пожар изби и помеѓу Катланово и Петровец. Директорот на Дирекцијата за заштита и спасување Стојанче Ангелов вечерва во видео-изјава посочи дека пожарот е пресечен и не претставува закана за бензинската пумпа која е во близина.
„Пожарот кој што изби помеѓу Катланово и Петровец во близина на безинската пумпа е делумно локализиран, односно е пресечен и не претставува опасност за блиската бензинска пумпа. Се движи кон село Чифлик, а на негово ставање под контрола работат скопските пожарникари. Рано наутро ќе се упати и ер-трактор, а ќе упатиме и неколку возила. Се работи за непријатен пожар кој се наоѓа на непристапно место, но верувам дека утре пожарникарите ќе го стават под целосна контрола. Видлив е од автопатот и предизвикува вознемиреност, но граѓаните да не се плашат бидејќи не може да ја зафати бензинската пумпа“, изјави Ангелов.
Македонија
До 18 часот вкупно 29 пожари на отворен простор, гори уште на 14 места

До 18 часот вкупно 29 пожари на отворен простор, од нив 14 активни, четири под контрола и 11 изгаснати.
Како што информираат од ЦУК активни пожари има во Општина Василево, Радовиш и Берово – с. Нивичино (планината Голем Готен и Малешевските планини – нискостеблеста шума, смрека, грмушки и ниска вегетација), Општина Прилеп – с. Бешиште, Бешишки Рид, кон с. Градешница (опш. Новаци) и кон границата со Р. Грција (мешана шума), Прилеп и Кавадарци – помеѓу с. Царевиќ, Смолани, Радобил, Дрен, Галиште и Трстеник (мешана шума и ниска вегетација), Македонски Брод – помеѓу с. Црешево, Локвица и Крапа (деградирана дабова шума и грмушки, Желино – помеѓу с. Церово и Групчин (нискостеблеста и деградирана шума),Крива Паланка – с. Нерав (висока борова шума), Старо Нагоричане и Куманово – с. Облавце, Бељаковце, Довезенце, Орах и Ругинце (ниска вегетација), Битола – с. Велушина (ниска вегетација), Битола 2 – с. Миџитлија (ниска вегетација), Кичево – с. Горно Трско (ниска вегетација и ниска шума), Македонска Каменица – с. Косевица (борова шума), Струга – с. Ново Село и с. Делогожда (ниска вегетација и стрниште), Штип – помеѓу с. Драгоево и Селце (нискостеблеста шума, прнар и сува трева),Петровец – с. Ржаничино (ниска вегетација).
Пожарите кај Македонски Брод 1 – с. Грешница, Македонски Брод 2 – с. Латово, Карбинци – с. Јунузлија и кај Петровец – с. Средно Коњаре кај р. Пчиња се ставени под контрола.
Македонија
Алиу ветува 205 милиони евра за болници кои инспирираат доверба, а не страв

Верувам дека здравството е повеќе од систем. Тоа е нераскинливо морално ветувањето што си го даваме едни на други: дека кога најмногу ни треба, ќе има некој тука за нас“, порачува во видео обраќање министерот за здравство, Азир Алиу.
Тој нагласува дека тоа ветување денес има потреба да се врати во системот, но без импровизирани одлуки, туку со јасна визија. Без носталгија, со податоци и храброст.
-Визијата станува реалност со голем прв чекор: 205 милиони евра за болници кои инспирираат доверба, а не страв, вели министерот Алиу, додавајќи дека во Штип ќе се гради модерна клиничка установа и Факултет за медицина за идните генерации лекари.
-Во Тетово, болницата ќе добие современа медицинска опрема и два нови објекти, со што ќе прерасне во симбол на грижа и достоинство. Во Кичево, каде што болницата остана нереализирано ветување од минатиот век, од темел ќе градиме нова, светла, топла и достојна за секој од вас, вели министерот Алиу.
Тој истакнува дека ова е само почеток, бидејќи хоризонтот на неговата визија е многу подалеку.
-Да изградиме модерно, хумано и дигитализирано здравство. Ние не сме тука да чекориме по патеки од минатото кои не водат никаде, ние сме овде да градиме доверба за идните генерации. И заедно со вас, ќе ја направиме оваа визија реалност, порачува министерот за здравство, Азир Алиу во неговото видео обраќање.