Македонија
Меџити-Велиај: Сега мора да работиме за новата генерација Албанци, за дигитална генерација која е подготвена да навлезе во светот

Првиот вицепремиер и министер за животна средина и просторно планирање Изет Меџити за време на официјалната посета на Тирана беше примен од градоначалникот Ерјон Велиај.
Меџити и Велиај на средбата разговарале за реализација на проекти во интерес на граѓаните на главните градови.
„Во главниот град на Албанија, во мојот втор дом, средбата со градоначалникот на Тирана, Ерион Велиај, тоа беше повеќе од официјален разговор; тоа беше братски момент. Средбата ги надмина административните прашања и се претвори во споделување чувства и идеи за зајакнување на врските меѓу нашите две земји“, рече Меџити на средбата со градоначалникот на Тирана.
Меџити рече дека топлото гостопримство и впечатоците од страна на Велиај се доказ за длабоките и братски врски што не обединуваат, додека оваа средба ја зајакнува посветеноста за соработка и заеднички развој.
Градоначалникот на Тирана Велиај рече дека сега мора да работиме за новата генерација Албанци, за дигитална генерација која иако доаѓа од мали земји како нашата, е подготвена со своето знаење длабоко да навлезе во светот.
Секогаш сте добредојдени во Тирана, а нашата врата е секогаш отворена за нашите браќа и сестри Албанци од Северна Македонија, рече Ерјон Велиај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.