Македонија
МЖСПП: Засилени активности од општините за почист воздух во последната недела од јануари
Во согласност со обврските од акцискиот план со краткорочни мерки за чист воздух за грејната сезона 2024 – 2025., општините Охрид, Битола, Штип, Тетово, Прилеп, Гази Баба, Кисела Вода, Струмица и Крушево доставија извештаи за реализирани активности за периодот од 27 до 31 јануари 2025 година.
Во Охрид акцентот е ставен на контрола на исправноста на возилата и намалување на издувните гасови од сообраќајот, а извршен е вонреден инспекциски надзор на две градилишта, при што не се забележани недозволени емисии од загадувачки супстанции, информираа од Министерството за животна средина и просторно планирање (МЖСПП).
Инспекциските служби на Општина Битола во втората половина на јануари извршиле контролни надзори во три инсталации со Б-дозволи и ги задолжиле да преземат мерки за сведување на емисиите во воздухот во законски дозволените граници. Во моментот се чекаат резултати од нови мерења. Исто така, извршени се надзори во 11 автосервиси за постапување со отпад и не е констатирано согорување отпадно масло и со него се постапува во согласност со законот: привремено е безбедно складирано и им се предава на овластени субјекти. При континуираните контроли комуналните инспектори не констатирале горење отпад на отворено.
Во општина Штип извршени се 5 инспекциски надзори кај правни субјекти што поседуваат Б-ИЕД, од кои кај 3 се издадени решенија за постапување, односно тие се задолжени да извршат мерења пропишани во самите дозволи. Исто така, извршени се 14 вонредни инспекциски надзори кај субјекти што поседуваат елаборат за заштита на животната средина, од кои кај 6 правни субјекти што извршуваат дејност – преработка на дрво и дрвни производи, вклучувајќи и изработка на мебел, е издадено решение за постапување за мерења во согласност со елаборатот.
Во општина Тетово инспекциските служби извршиле инспекциски надзор. Инспекциските служби во Охрид спровеле изспекциски надзор кај 5 правни субјекти што поседуваат Б-интегрирана еколошка дозвола и елаборат за заштита на животната срдина и кај нив не се забележани неправилности. Во процесот на производство два субјекта користат електрична енергија, а три огревно дрва (главно пекарници).
Општина Прилеп во текот на наведената седмица спровела 5 инспекциски надзори, од кои 4 се автосервиси, а еден е кај правен субјект што врши ископ на мермер.
Кај автосервисите се извршени мерења на емисии од стациониран извор.
Во скопскта општина Гази Баба спроведени се инспекциски надзори во согласност со одредбите од Законот за урбанота зеленило, при што комуналните инспектори на Општина Гази Баба изрекле 12 казни. Исто така, изречени се 7 казни во согласност со Законот за јавната чистота, а направена е обиколка на сите критични точки, каде што најчесто се случуваат прекршоци во поглед на депонирање и/или спалување отпад и изречена е една казна за несоодветно депонирање отпад.
Во однос на инспекторирање на правните субјекти со Б-интегрирана еколошка дозвола, направена е обиколка на 2 автомеханичарски сервиса на територијата на општина Гази Баба, при што не се констатирани неправилности. Во текот на споменатата седмица при редовната обиколка и контрола на загревањето на малите сервиси не е затекнато согорување отпад. Констатирано е дека сериозен проблем за општина Гази Баба се домаќинствата што се загреваат согорувајќи дрвен отпад (иверки, отпадни штици и слично). Опоменати се 2 физички лица по овој основ и наложено е итно отстранување на отпадот од дворните места и користење огревно дрво за затоплување.
Општина Гази Баба постапила и во однос на мерката 8 од акцискиот план и направила обиколка на градилиштата, при што е извршена проверка на спроведувањето на мерките за намалување на загадувањето (правилно депонирање отпад, работа со посебни маневри што нема да предизвикуваат прав и сл.). Се врши редовна контрола на возилата што излегуваат од градилиштата и на инвеститорите им се препорачува да ги мијат тркалата на возилата пред излез од градилиштата.
Според извештајот, Општина Гази Баба спровела редовни и вонредни инспекциски надзори на правни субјекти што имаат елаборати за заштита на животна средина според уредбата за чие одобрување е надлежен градоначалникот на општината, градоначалникот на град Скопје и градоначалниците на општините во град Скопје, а посебен акцент при спроведувањето на инспекциските надзори ставиле на правните субјекти што како отпад при вршење на дејноста добиваат отпадно моторно масло, отпадни гуми и друго. Извршени се 10 инспекциски надзори и изречени се 2 казни за горење на отворено. Спроведени биле 10 инспекциски надзори на активни градилишта и стоваришта и наложено е миење на гумите на камионите и други активности за спроведување на Законот за јавната чистота.
Инспекциските служби во општина Струмица извршиле вонредни инспекциски надзори на 5 инсталации и издадени се 4 решенија (задолжување за вршење мерења на емисии од стационирани извори, продолжување на Б-интегрирана еколошка дозвола) и едно решение со опомена за изработка на елаборат со потребни договори за одложување отпад. Извршен е вонреден надзор на 2 градилишта, при што не се утврдени неправилности.
Во меѓувреме, за периодот од 1 до 4.2.2025 г,. во Струмица се извршени уште шест вонредни инспекциски надзори, од кои четири кај правни субјекти со дејност за производство на мебел, еден кај правен субјект за производство на амбалажа од пластични маси за пакување и еден инспекциски надзор кај правен субјект што се занимава со изработка на метални конструкции и кај сите шст констатирани се неправилности, и тоа: кај два правни субјекта ќе биде поведена прекршочна постапка во согласност си Законот за управување со отпадот со издавање прекршочен платен налог со казна во висина од 9.000 евра за правниот субјект и 500 евра за управителот на правниот субјект на надзор, за три правни субјекти ќе се донесе решение за изработка на елаборат за животна средина и преземање соодветни технички мерки за вградување филтер, со кој ќе се намали, спречи и контролира негативното влијание врз квалитетот на амбиенталниот воздух, а за еден правен субјект ќе се донесе решение во согласност со дејноста што ја врши да се изработи елаборат за животна средина. Дополнително, во периодот што следува вонредните надзори што се спроведуваат од страна на инспекторот за животна средина на Општина Струмица ќе се објавуваат на официјалната страница на Општината.
Општина Крушево акцентот го ставила на зајакнати акциски контроли на техничката исправност на возилата што учествуваат во сообраќајот на патиштата со акцент на издувните гасови, особено на оние со дизел-горива, тешките товарни возила и нерегистрираните возила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост поради магла на Плетвар, Ѓавато и Пресека
Сообраќајот на државните патишта се одвива во зимски услови, по влажни коловози, на некои повисоки места со остатоци од кашест снег на коловозот по интервенција на дежурните екипи на ЈП МакедонијаПат.
Намалена видливост до 100 метри поради магла има на планинскиот превој Плетвар, Ѓавато и Пресека, извести АМСМ.
Од 05:25 часот на патниот правец P1105 Удово-Валандово има излевање на Калковска Река на коловозот, се воведува забрана за сообракајот на тој патен правец и се пренасочува на патниот правец Р1401 село Марвинци-Валандово.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно со повремен слаб дожд и ветер
Времето денеска ќе биде облачно со слаб ветер од променлив правец. Минималната температура ќе биде во интервал од -4 до 2, а максималната ќе достигне од 2 до 9 степени.
Во Скопје, променливо облачно со повремен слаб дожд. Минималната температура ќе се спушти до 2, а максималната ќе достигне до 7 степени.
Времето во наредните денови
Денеска наместа ќе има услови за слаби врнежи од дожд и снег. Потоа во следните два дена времето ќе биде променливо облачно со сончеви периоди. Нови врнежи од дожд, а на планините снег се очекуваат од четврток.
Македонија
(Видео) Безбеден град денес регистрираше 500 казни
Министерот за внатрешни работи Панче Тошковски вечерва преку објава на социјалната мрежа Фејсбук им порача на граѓаните дека треба да бидат горди на себе.
-Први февруари 2026 година, околу 20 часот. Има драстично намалување на бројката на сообраќајни прекршоци споредено со пред 2 месеци кога почнавме со тест периодот. Имаме околу 500 сообраќајни прекршоци констатирани од страна на паметните камери и сакам да укажам огромна благодарност до македонските граѓани и совесните учесници во рамки на сообраќајот зашто вие сте тие кои овозможивте драстично да се намали бројката за период од околу 2 месеци од 120 илјади прекршоци на 500, порача министерот.

