Македонија
Милевски: Сензорните соби се важни за психофизичкиот развој на децата
Преку набавка на опрема и градење на „сензорни соби“ во мулти-сензорни простории во основното училиште „Малина Попиванова“ во Кочани, градинката „Астибо“ во Штип и Дневниот центар за деца со попреченост во Делчево, во комбинација со обуки за кадарот, во рамки на проектот „Здрави деца – сигурна иднина“ постепено ќе се решава проблемот со кој се соочуваат децата со потешкотии во развојот до различен степен, кај предучилишна возраст во Источниот плански регион.
Проблем со којшто се соочуваа установите каде посетуваат настава овие деца е недоволната опременост на просториите, како и недоволна стручна подготвеност на кадарот кој работи со овие деца. Целта на овој проект чија вкупна вредност е 2 милиони денари, е преку набавка на опрема и градење на таканаречени „сензорни соби“, во комбинација со обуки за кадарот, да се постигне решавање на проблемот. Сензорните соби преставуваат специјално дизајнирана околина која треба да овозможи за детето (лицето) со посебни потреби контролирано изложување на едно или повеќе сетилни доживување со цел поттикнување на сензорната интеграција која е основа за оформување на нашите одговори кон надворешната средина. Долгорочниот ефект од овој проект би бил зголемена интеграција на децата со потешкотии во развојот во образовниот систем и понатаму во општеството.
Министерот за локална самоуправа Милевски, беше во посета на градинката „Астибо“ во Штип, како дел од проект Одржлив и инклузивен рамномерен регионален развој, кој го водат во соработка со Швајцарска агенција за развој и соработка.
„Првите месеци од нејзиното функционирање навистина максимално се користеше и тоа е добро, затоа што на децата со попреченост му се овозможи да ги развиваат своите психофизички способности. Директорката нè информираше дека собата е одлична за децата, бидејќи релаксира, одмара и позитивно влијае врз сите деца кои учат во оваа градинка. Се надевам дека корона кризата брзо ќе заврши и дека ќе можеме повторно да ја ставиме во функција и во користење на сите оние кои им е потребна, не само од Штип туку и од регионот кои имаат потреба да ја користат оваа соба“, вели Милевски.
Според Билјана Трајчевска директорката на детска градинка „Астибо“ во Штип, сензорната соба беше пуштена во употреба некаде во месец декември минатата година, следните два месеци неа ја користеа дел од 20-те дечиња поради тоа што добар дел од нив не посетуваа градинка, поради тоа што изминатите месеци посетата на дечињата во градинката е малку намалена.
„Сега имаме детектирано седум деца кои што ја посетуваат нашата установа, меѓутоа со надминување на кризата ние сме отворени, тоа значи дека сензорната соба ќе можат да ја користат и други дечиња, поточно оние кои што не ја посетуваат нашата установа ако имаат потреба за користење на истата. Би сакала да ја истакнам важноста на проектот кој го реализиравме, бидејќи во текот на минатата година во нашата установа беа детектирани некаде околу 20-тина деца кои што имаат одредени потешкотии во развојот и за чии што поефикасно вклучување воспитно-образовниот процес е од голема помош работата со дефектологот, и користење на опремата од сензорната соба.
„Она што можам да кажам е дека овој проект под името „Здрави деца-сигурна иднина“ е финансиран од Швајцарската агенција за развој и соработка и од Министерството за локална самоуправа, имплементиран, реализиран од Центарот за развој на Источниот плански регион со буџет во висина од два милиони сто триесет и седум денари“, вели Јане Миланов в.д. градоначалник на општина Штип.
Сензорната соба сама по себе е основа за една здрава, добра сензорска терапија која што дава гаранција дека дечињата со посебни потреби ќе можат да, од најмала возраст да се интегрираат, да се образуваат, и оспособуваат за да се вклучат во високото образование, со што би се оспособиле за сите нормални текови во нивниот натамошен живот со што пак би го збогатиле и својот живот, но и животот на нивните семејства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.