Македонија
Милошоски: Анкетна комисија да утврди политичка одговорност за тоа кој го правел морбидниот профит на Онкологија
Пратеникот на ВМРО-ДПМНЕ, Антонијо Милошоски, на денешната седница во Собранието уште еднаш ја повика власта да се формира анкетна комисија за утврдување политичка одговорност за тоа кој го правел морбидниот профит на Онкологија.
„Тоа што можеме да го видиме денес во здравството по скандалот на Онкологија е дека немало ниту стручност ниту хуманост. На Онкологија доминирал принципот за профит, пациентите биле натерани да купуваат лекарства, а истите лекарства, наместо да им бидат дадени, биле препродавани на црниот пазар. И ова е заклучок на Државниот завод за ревизија. Затоа, за да има одговорноста име и презиме, за да нема паушални нагаѓања кој е одговорен, предложивме формирање анкетна комисија за да се утврди политичката одговорност на тие што дозволиле ваков морбиден профит на сметка на здравјето и животот на пациентите на Онкологија. Се сомневаме дека тоа бил директорот од СДСМ, господинот Васев, и директорот од ДУИ, господинот Нухи. Тие двајца заедно со една веледрогерија, која е голем спонзор на СДСМ, веледрогеријата ‘Пановски’, чиј сопственик има и ќерка директор на една од клиниките, наместо да им бидат лекари на пациентите од канцер, директорите на СДСМ и ДУИ и сопственикот на веледрогеријата ‘Пановски’ биле канцерот во македонското здравство. Во нивно време не знаеме ни колку е бројот на пациенти што го загубиле животот од канцер, ова е дел од извештаите за кои вие не сакате да бидат разгледани на оваа собраниска седница“, нагласи Милошоски.
Пратеникот од ВМРО-ДПМНЕ, Милошоски, праша и зошто се попречува формирањето на анкетната комисија за утврдување политичка одговорност за морбидниот профит на Онкологија.
„Во Собранието поднесовме иницијатива за да се формира анкетна комисија, кој го попречува формирањето на анкетната комисија за утврдување на одговорноста за морбидниот профит на Онкологија. Го попречува Талат Џафери затоа што не ја става точката на дневен ред да ја формираме комисијата, го попречува мнозинството од СДСМ и ДУИ, кои молчат. Нека се формира анкетната комисија и за кратко време ќе се утврди политичката одговорност за тоа кој правел морбиден профит на Онкологија“, посочи Милошоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Илинден и Кисела Вода
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, денеска, без електрична енергија ќе останат делови од општините Илинден и Кисела Вода.
Од 08:30 – 09:30 часот, корисниците од улицата бр. 34 во населба Илинден, општина Илинден ќе немаат струја.
Без електрична енергија од 09:00 – 13:00 часот, ќе бидат корисниците од дел од улицата Востаничка во општина Кисела Вода.
Македонија
Управен оформи предмети за седумте тужби на „Европскиот фронт“ против решенијата на ДИК
Управниот суд оформи седум предмети за поднесените тужби од „Европскиот фронт“, кои се против одлуката на Државната изборна комисија (ДИК) за одбивање на приговорите за парламентарните избори.
„Со оглед на роковите за постапување и одлучување, Управниот суд итно ги презема сите процесни дејствија согласно Изборниот законик“, се вели во соопштението.
- Решение бр.УП1 бр.10-21/2 од 14.05.2024 година на Државната изборна комисија на РСМ, оформен е предмет УРП.бр.87/24;
- Решение бр.УП1 бр.10-21/1 од 14.05.2024 година на Државната изборна комисија на РСМ, оформен е предмет УРП.бр.88/24;
- Решение бр.УП1 бр.10-15/1 од 14.05.2024 година на Државната изборна комисија на РСМ, оформен е предмет УРП.бр.89/24;
- Решение бр.УП1 бр.10-17/2 од 14.05.2024 година на Државната изборна комисија на РСМ, оформен е предмет УРП.бр.90/24;
- Решение бр.УП1 бр.10-17/1 од 14.05.2024 година на Државната изборна комисија на РСМ, оформен е предмет УРП.бр.91/24;
- Решение бр.УП1 бр.10-6 од 14.05.2024 година на Државната изборна комисија на РСМ, оформен е предмет УРП.бр.92/24;
- Решение бр.УП1 бр.10-19/1 од 14.05.2024 година на Државната изборна комисија на РСМ, оформен е предмет УРП.бр.93/2
Попладнево Управниот суд одржа јавна седница по тужбата на „Вреди“. Судот одлучи дека постапката се прекинува откако претставникот на коалицијата изјави дека тужбата ја повлекува во целост.
Македонија
Мицкоски: Главен предизвик ќе бидат реформите во Судскиoт совет и Советот на јавни обвинители
Главен предизвик ќе бидат реформите во Судски совет и Советот за јавни обвинители. Наша цел е да ги распуштиме овие кои довербата во правниот систем ја сведоа на едноцифрена бројка проценти, и наместо нив самите судии и обвинители да си ги изберат своите претставници преку тајно гласање, изјави претседателот на ВМРО-ДПМНЕ, Христијан Мицкоски во неговото обраќање на Самитот Македонија 2025.
Мицкоски потенцираше дека владата предводена од ВМРО-ДПМНЕ нема намера ниту да поставува и предлага свои луѓе преку измени во законот, нити има намера да се мешаме, во овие две тела.
– Исто така наша обврска ќе биде да обезбедиме независен буџет, врзан со проценти од централниот за да бидат целосно автономни, за да не бидат потоа политичарите изговор на некој од тие корумпирани поединци во судство и обвинителство дека тие им правеле притисок. Сами да се изберат и сами да функционираат, а ние ќе правиме оверсајт на таа работа преку собраниска комисија во која ќе има претставници и на власта и на опозицијата, истакна Мицкоски.
Мицкоски нагласи дека целта е комплетна автономија во правниот систем.
Но ако забележиме било какво влијание од поранешни политички елити или други точки на влијание ќе има сериозна кривична одговорност. Немаме намера ниту милиметар да отстапиме, изјави Мицкоски.