Македонија
Министерство за правда: Немаме дадено согласност за употреба на името „Иван Михајлов”

Министерството за правда информира дека немаат никаква надлежност да вршат надзор над работата на здруженијата и немаат дадено согласност за употреба на името „Иван Михајлов” за бугарскиот културен центар во Битола.
Реакцијата следи откако претходно денес, Комисијата за спречување и заштита од дискриминација (КСЗД) утврди индиректна дискриминација извршена од страна на Министерството за правда, поради пропуштање на извршување на своите законски надлежности, со коишто му овозможиле на Здружението да врши дејствија спротивни на Законот. Комисијата препорача Министерството за правда да изврши надзор над законитоста на примената на одредбите на Законот за здруженија и фондации.
Од Правда велат дека во однос на постапката за регистрација на здружението „Иван Михајлов“, до Министерството на 27 февруари 2019 година доставено е барање за давање на согласност за регистрација во Централен регистар. Министерството за правда со допис од 5.3.2019 година доставило одговор на барањето со кое се известува подносителот дека согласно член 9 став (1) од Законот за здруженија и фондации Министерството за правда издава одобрение за употреба на зборот „Македонија“, зборовите изведени од него, како и неговите кратенки, за употреба во името на организацијата. Со оглед на тоа дека во називот на здружението – Културен центар Иван Михајлов, кое било во постапка и регистрирање во Централниот регистар на Република Северна Македонија, содржано е името на историска личност, а земен e предвид фактот дека не постои регистар на историски личности или кој било друг документ со кој може да се утврди статусот на историската личност, Министерството за правда не издало одобрение за употреба на името „Иван Михајлов“ во името на здружението.
„Известувањето дека не може да се даде согласност, значи дека нема одобрение од страна на Министерството за правда“, се наведува во дописот на Министерството.
Претходно денес, Комисијата за спречување и заштита од дискриминација (КСЗД) утврди и дискриминација по основ на национална и етничка припадност за основањето на здружението Културен центар „Ванчо Михајлов“ – Битола, соопшти Весна Бендевска, членка на Комисијата.
Ова се однесува на елементите кои предизвикуваат вознемирување врз национална, етничка основа, што е детално опишано во мислењето на Комисијата. Се препорачува здружението да ги отстрани содржините на својата Фејсбук страница кои предизвикуваат вознемирување во форма на давање и поттикување инструкции за вознемирување поврзани со ликот, делото на личноста Иван Михајлов во најкус можен рок, но не подолг од 30 дена.
Комисијата постапи по овој случај по претставка поднесена од Сојузот на борците – ОО Битола од народноослободителната и антифашистичката војна на Македонија 1941-1945 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Живеат во странство, а добивале помош од државата – пријава за вработени во Центарот за вработување Струмица

Неколку лица кои живеат во странство си добивале помош од државата. Поднесена е пријава против седум вработени во Центарот за вработување – Струмица.
Според информациите на МВР, СВР Струмица поднесе кривична пријава против Р.К.(62), Ж.Д.(56), Е.Д.(42), Ж.К.(67), З.Ј.(56), Ј.Т.(45) и Р.А.(55), сите од Струмица, поради постоење основи на сомнение за сторено кривично дело „несовесно работење во службата“.
Во периодот од 2021 до 2025 година, пријавените-вработени во Агенција за вработување на РСМ – Центар за вработување Струмица, во системот на АВРМ пријавиле лица државјани на Македонија како активни баратели на работа, кои биле надвор од државата, и на тој начин постапиле спротивно од Законот за вработување и осигурување во случај на невработеност.
Лицата кои биле во странство користеле и гарантирана минимална помош, а која требало да биде укината и со тоа на државата и нанеле штета во вкупен износ од 333.968 денари.
Македонија
(Видео) Филипче до Мицкоски: Ветивте промени во Преговарачката рамка, ветивте подобри позиции во преговорите, но нема ништо од тоа

На денешната седница на пратенички прашања, претседателот на СДСМ Венко Филипче му се обрати на премиерот Христијан Мицкоски со низа критики за неисполнетите ветувања во надворешната политика и европските интеграции.
„Тврдевте дека може да се смени нашата позиција во рамки на Преговарачката рамка. Практично ветувавте промена на Преговарачката рамка. Ќе бараме решение со новата влада во Бугарија, ова го рековте во јуни 2024 година. Во деветти месец 2024 рековте дека уставни измени со одложено дејство се едно од можните решенија. Во октомври рековте повторно дека Преговарачката рамка може да се смени“ му рече Филипче на Мицкоски.
По ова Филипче го потсети Мицкоски за сите променети ставови на владата и неговите како премиер.
„Потоа рековте лага е дека сме барале промени на Преговарачката рамка. Нашата позиција останува, уставни измени со одложено дејство како гаранција дека ќе нема нови условувања. Ова беше објаснето во ноември лани,“ рече Филипче.
Филипче го обвини Мицкоски за непоследователност и политичко манипулирање со европската агенда.
„Најавивте писмено обраќање до целата Европска унија, ама се откажавте. Чекавте да се формира нова влада во Бугарија – се формира. Има Самит на НАТО во Хаг, таму е бугарскиот премиер. Отиде претседателката, значи – средба и таму нема да има,“ му рече Филипче на Мицкоски.
„Се добива впечаток дека сите овие барања треба да предизвикаат некаква сатисфакција кај граѓаните, дека нешто се прави, дека може да се направи. Можеби се разбуди надеж дека таа наша позиција во рамки на преговорите може да се подобри, но ништо од тоа не се случува“, истакна Филипче.
Македонија
(Видео) СДСМ Прилеп: „Црвен картон“ за Владата – прилепчани одбија да присуствуваат на срамната партиска претстава на Мицко и ДПМНЕ

Во режија на ВМРО-ДПМНЕ, во градот на театарот, Прилеп, синоќа се одигра срамна партиска претстава каква не паметат ниту најдоследните хроничари на политичките збиднувања во градот.
Трагикомедија без преседан – Христијан Мицкоски, премиерот чија Влада за само една година ги задолжи граѓаните на Mакедонија за фрапантни 7 милијарди евра, синоќа зборуваше за економски раст, истакна на прес-конференција Петра Лукароска од СДСМ.
Истиот тој Мицкоски, вели таа, бесрамно лажеше за виртуелниот раст на платите на работниците, додека во исто време генералниот Директорат на Европската Комисија, Евростат, укажува на драматичен пад на животниот стандард и на висината на работничките плати. Не во некоја друга земја, туку овде кај нас, во Македонија.
Мицкоски, како што додаде, не собра храброст да проговори за корупцијата во владините институции како главна причина за кочанската трагедија, за енормното финансиско задолжување на неродените генерации Македонци, за “дивеењето“ во дивото градење и мафијашките пресметки во главниот град.