Македонија
(Видео) Мисајловски: Не е баш сè така розово како што презентира власта

По средбите со жителите на Бутел, потпретседателот на ВМРО-ДПМНЕ, Владо Мисајловски, и пратеникот Дарко Костовски, истакнаа дека животниот стандард не е толку розов како што власта го презентира.
„Денеска, со многу пензионери исто така се сретнавме и имавме убав настан, каде што можевме да слушнеме каков е животот во Македонија и колку се задоволни од стандардот. Јас можам да кажам дека не е баш така сè толку розово како што оваа власт сака да презентира. Односно, слушнавме пред извесно време министерката за труд и социјала спомна дека сите граѓани се среќни од кога СДСМ дошол на власт. Но, не е така“, потенцира Мисајловски.
„Денеска слушнавме дека граѓаните не се задоволни воопшто од последниве години како расте пензијата. Слушнавме дека многу нивни основни потреби не може да си ги остварат. Слушнавме дека не може за еден обичен преглед да дојдат на ред во амбулантите и поликлиниките. Не може и немаат можност да се вакцинираат. Не може да гледаат како нивните деца немаат работа тука бидејќи сè повеќе гранки се затвораат“, додаде Мисајловски.
Според него, добро е што ВМРО-ДПМНЕ е на терен и разговара за овие прашања со граѓаните бидејќи сите забелешки, како што рече подоцна, ќе бидат преточени во програма за подобар живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
One Stop Shop од средината на април ќе се воведе на границата со Косово

Министерството за внатрешни работи ја информира јавноста дека од средина на месец април (14.04.2025) официјално ќе започне со работа заедничката гранична контрола (One Stop Shop) на заеднички граничен премин Долно Блаце – Елез Хан.
„Овој чекор претставува конкретна реализација на билатералната соработка помеѓу Република Северна Македонија и Република Косово, со цел олеснување на прекуграничното движење, намалување на времето на чекање и зголемување на ефикасноста на граничните контроли“, соопштуваат од МВР.
Македонија
ВМРО-ДПМНЕ: СДС е партија чиј премиер Ковачевски даваше земја за фотоволтаици на сопствената сопруга, и Заев кој даваше лиценци на брат му

„СДС да каже кој закон е прекршен, со набавката во Министерството за дигитализација? Дали вработениот кој го посочуваат е некој функционер или член на комисија која одлучува во однос на набавките? Наместо да манипулираат СДС треба да ја прифатат реалноста дека не се работи како до сега“, велат од ВМРО-ДПМНЕ.
„Да потсетиме дека премиерот од СДС, Ковачевски даваше земјиште за фотоволтаици на својата сопруга, и тоа со одлука на владата со која тој управуваше. Премиерот на СДС, Заев, даваше тендери и лиценци на фирмите на братот, братучедот и роднините“, посочувааат од партијата и додаваат:
„СДС е партија чии претседатели делеа бизниси на своите семејства“.
Претходно Методија Илиевски, потпретседател на СДСМ рече дека постои нов скандал во министерството на Андоновски и дека тендер добиле родители на негов вработен.
Скопје
Скопјанец нашол граната на Водно и ја земал со себе

Вчера во 14.11 часот во СВР Скопје, З.Н.(71) од Скопје пријавил дека на 29.03.2025 околу 12.30 часот, додека се движел по падините на Водно, пронашол граната, по што истата ја зел со себе.
Утврдено е дека гранатата е со калибар 75 мм, од Втората светска војна и била земена за понатамошна постапка