Македонија
Мисајловски: Силјановска-Давкова кога беше најтешко застана во борба за Македонија

За неколку недели од сега професорката Гордана Силјановска Давкова ќе биде претседателка, секој еден граѓанин треба да биде спокоен дека ќе се грижи за Македонците, за сите етникуми и ќе се бори за сите кои се и надвор од државата, секој да знае дека ќе има свој претседател, изјави потпретседателот на ВМРО-ДПМНЕ и носител во ИЕ2, Владо Миајловски во Отвореното студио пред митингот пред владата.
Мисајловски истакна дека кога беше најтешко за ВМРО-ДПМНЕ и за Македонија, многумина молчеа и ги немаше, но професорката Силјановска Давкова беше бедем, застана во онаа битна рамо до рамо со нас и навистина за борба за Македонија, застана во првите редови.
„Чест ми е што можам да седам до професорката Силјановска Давкоа во собранието, да размениме многу мислења но и да ја слушаме како го крева гласот против неправдите. Имаме моментално претседател кој потпиша кривичен закон за една минута за да ги спаси овие тука ја владеат владата и тие луѓе мора да си заминат, а тој што ги штитеше е Стево Пендаровски“, рече тој.
Мисајловски додаде дека за разлика од Пендаровски, професорката Гордана Силјановска Давкова е човек, експерт во својата област, секогаш го кажува тоа што го мисли, но најважно кажува со аргументи и факти.
„Моментално дипломатијата која ја води Бујар Османи кој е и кандидат, ја донесе на ниво за потсмев, лош кадар и луѓе кои работат по негови насоки, се потпишуваат штетни договори и како да се погазува македонскиот народ, Гордана Силјановска Давкова нема да подлегне под ниту еден притисок, ќе се бори за секој човек, за секој еден да го добие вистинското место, Македонецот и секој граѓанин на прво место“, нагласи Мисајловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Секој има право да протестира, но барањата за минимална плата синдикатите треба да ги кажат на седница на ЕСС, а не на улица, вели Дурмиши

Министерот за економија и труд Бесар Дурмиши ја потпишал минималната плата без согласност од Економско – социјалниот совет(ЕСС), што е законска обврска, за да не се блокира целата држава. Најави дека ќе закаже седница на ЕСС во моментот кога комисијата за утврдување репрезентативност ќе донесе одлука кој синдикат е репрезентативен, обврска која досега не е завршена оти Владата ги повлече своите членови па назначуваше нови, а новиот состав не успеа да ја донесе одлуката пред истекот на законскиот рок за зголемување на минималната плата. Денешниот протест на Сојузот на синдикати на Македонија (ССМ) за 500 евра минимална плата министерот Дурмиши вели дека е нивно демократско право, но нагласи дека минималната плата треба да се договара на седница на ЕСС, а не на улица.
„Живееме во демократија. Секој има право да излезе на улица и да протестира, да го искаже својот револт, но јас пак ќе кажам дека на синдикатите им е истечен мандатот и веќе не се репрезентативни. Ние како Влада ја формиравме комисијата која требаше да утврди репрезентативност на синдикатите, таа комисија веќе работи. Очекувам да заврши со работа час поскоро, таа комисија упорно работи. Веднаш откога ќе се определи кој синдикат е репрезентативен јас ќе свикам седница на Еконосмко – социјалниот совет. Синдикатите треба таму да ги кажат своите барања, а не на улица“, вели министерот Дурмиши.
Минималната плата министерот вели дека е покачена за 1800 денари според важечката методологија за која дале согласност и синдикатите и работодавачите. Со усогласувањето, минималната плата изнесува 400 евра, но за објавена е без согласност на ЕСС.
„Согласност нема поради тоа што нема репрезентативност од синдикатите. Јас според законот кој е на сила и кој е потпишан и од синдикатите и од работодавачите обврзан сум и по одлука на Влада пред 31 март, да ја објавам минималната плата. Знаеме дека од минималната плата потоа се пресметува и просечната плата и другите плати. Замислете ако не ја објавевме ние до 31 март, ќе се блокираше целата држава, ќе се блокираа сите институции и приватниот сектор немаше да може да пресмета плати за вработените“, рече министерот Дурмиши.
ССМ не отстапува од барањето минималната плата да биде 500 евра и затоа денес излегува на протест. На улица ќе излезат 300 челнови на највисокото раководство на ССМ заедно со работниците. Пред Собранието ќе им порачаат на пратениците дека не може да има за пратениците, а да нема за работниците, а пред Влада на владините функционери ќе им порачаат дека не може да се одлучува за работниците беа работниците.
Македонија
Од недела заладување и снег на планините

Од недела нè очекува пад на температурите и врнежи од снег на планините, информира УХМР.
До сабота ќе има локална појава на нестабилност со пороен дожд, грмежи и засилен ветер. В недела, поради продор на студена воздушна маса од север, ќе има врнежи од дожд, на планините снег. Температурите значително ќе опаднат и врнежи од снег се очекуваат и на повисоките места.
Времето денеска ќе биде променливо облачно со повремени локални врнежи од дожд. Ќе дува слаб до умерен, а наместа по должината на Повардарието повремено засилен ветер од северен правец. Максималната температура ќе биде во интервал од 11 до 18 степени.
Македонија
Безбедноста на храната, влијанието врз здравјето на граѓаните: АХВ и годинава дел од кампањата на EFSA Safe2eat

Како контакт точка на Агенција за безбедност на храната на Европската унија (EFSA), Агенцијата за храна и ветеринарство (АХВ) повторно е дел од кампања Safe2Eat насочена кон зголемување на довербата на потрошувачите за безбедноста на храната, во Европската унија (ЕУ) и кај нас. Во рамки на кампањата која EFSA ја реализира со земјите партнери од ЕУ, годинава со проширен опсег, продлабочувајќи ја поврзаноста со граѓаните, Агенцијата за храна и ветеринарство во оваа кампања акцент ќе стави на темите кои се однесуваат на додатоците во исхраната, безбедното ракување со храна, здравствените тврдења и влијанието на храната врз здравјето на граѓаните, соопштија од агенцијата.
Во петтата година од реализацијата, кампањата, EFSA, настојува на потрошувачите да им обезбеди јасни, научно поддржани факти за безбедноста на храната и совети, со цел да им помогне да прават избор на храна како информирани потрошувачи. Годинава означувајќи значајна пресвртница во нејзината мисија да им помогне на повеќе Eвропејци да ги прават своите избори на храна со доверба, во кампањата Safe2Eat 2025, учество земаат 23 земји (Албанија, Австрија, Белгија, Босна и Херцеговина, Хрватска, Кипар, Чешка, Естонија, Финска, Грција, Унгарија, Ирска, Италија, Латвија, Луксембург, Црна Гора, Северна Македонија, Норвешка, Полска, Романија, Словачка, Шпанија и Турција).
Активностите поврзани со темите кои ги одбра АХВ во рамки на оваа кампања на EFSA, ќе се реализираат во соработка со операторите, науката, стопанските и независната Лекарска комора и со претставници од невладиниот сектор. Во соработка со граѓаните како потрошувачи, согласно Акцискиот план на кампањата, ќе бидат направени неколку јавни анкети поврзани со прашањата кои се однесуваат на додатоците во исхраната, здравствените тврдења, безбедното и правилно ракување со храната и за влијанието на храната врз здравјето на потрошувачите. Резултатите од анкетите АХВ ќе ги сподели со македонските граѓани и со Европската агенција за безбедност на храната ( EFSA) за понатамошна евалуација.
Како еден од најригорозните системи за безбедност на храна на глобално ниво, европскиот, поддржан од најсовремената наука, вклучува тесна соработка меѓу Европската агенција за безбедност на храната (EFSA) и националните власти за безбедност на храната низ Европа, вклучително и со Северна Македонија, при што, сите имаат клучна улога. Врвни научници од Европа прават проценка на безбедноста и хранливата вредност на храната и даваат совети, тесно соработувајќи со национални и меѓународни партнери, произведители, организации на потрошувачи и групи од граѓанското општество. Заедно, тие ја комбинираат експертизата на ЕУ и националната, обезбедувајќи примена на најновите докази и пристапи со цел обезбедување на безбедност на храната за европските и за македонските граѓани.
Мината година според оценките на EFSA, кампањата Safe2Eat достигнала рекордни нивоа на влијание допирајќи до 45 проценти од целната публика низ Европа, односно до повеќе од 50 милиони Европејци. Нагласувајќи ја важноста на безбедноста на храната во секојдневните одлуки и потврдувајќи го и влијанието врз донесувањето на одлуки од страна на потрошувачите, според резултатите од анкетата која ја спровела EFSA во декември минатата година, оние граѓани кои ја прифатиле кампањата, биле повнимателни при изборот на храна, водејќи сметка за нејзината безбедност.
Годинашнава кампања, изградена на постигнувањата на ланската, има за цел да го продлабочи своето влијание преку проширување на нејзината реализација вклучувајќи пет нови земји учеснички, да ги реши клучните грижи на потрошувачите за безбедноста на храната како што се улогата на науката за обезбедување безбедна храна, ставајќи акцент и на важноста на јасното означување на храната и придобивките од намалувањето на отпадот од храна. Зголемена ќе биде и достапноста на информациите за безбедноста на храна со нови, лесно разбирливи содржини, прилагодени на различни демографски и културни контексти.
Агенцијата за храна и ветеринарство ги повикува потрошувачите од Македонија да ја посетат официјалната интернет страна на кампањата (https://www.efsa.europa.eu/mk/safe2eat) да ги проучат едукативните материјали и да се поврзат со содржината на кампањата на социјалните мрежи користејќи го #Safe2EatEU.