Македонија
Митева: Немаме кредибилна влада која може да се справи со предизвиците во 2022-та, затоа се потребни предвремени избори

ТЕЦ Неготино во моментот станува и во разговор меѓу нив за продажба и како што е владеењето на СДСМ во минатото, секогаш е со авантуристички политики кои што секогаш завршуваат со продавање на државните капитали, тоа го гледаме сега и со ТЕЦ Неготино, вели Марија Митева, портпарол на ВМРО-ДПМНЕ на денешната трибина насловена „Високи цени, ниски плати – Што може да се очекува од 2022“.
Митева нагласи дека 2022та година е година на предизвици за Македонија во однос на справување со енергетската, економската, како и здравствената криза, заклучувајќи дека како ВМРО-ДПМНЕ мора да дадат се од себе за справување со ова, бидејќи како што рече таа Македонија нема кредибилна влада која што може да се справи со сето она кое што допрва не чека.
„ Можеме да заклучиме дека иднината секогаш е неизвесна, но сосема можеме да предвидиме дека 2022та година ќе биде година со сериозни предизвици за Македонија, по однос на енергетската, економската, а и здравствената криза. Но, она кое што навистина е од голема важност и искрено ме плаши е тоа што немаме кредибилна влада која што ќе може да се справи со сето тоа што не чека. Имаме сосема делегитимирана влада, влада без доверба од страна на граѓаните, со навистина кревко парламентарно мнозинство и тоа се предизвици кои што навистина треба да се справи како можеме и да дадеме како опозиција во однос на тоа“, истакна таа.
Митева е децидна дека единствен начин за решавање на предизвиците со кои се соочуваат и граѓаните и државата се предвремените парламентарни избори.
„ Оваа влада на СДСМ/ДУИ е влада која што во моментот по секоја цена сака да ја задржи власта без притоа да размисли како ќе се справи со сите предизвици кои што не чекаат во 2022та година. Начинот на кој што е составена владата е јасен, начинот на кој што се додели мандатот на Ковачевски е повеќе од очигледен, така што ценам дека предвремени парламентарни избори се единственото решение кое што треба да го имаме за доброто на сите граѓани во Република Македонија“ порача Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионална иницијатива за превенција од пожари на Западен Балкан

Во услови на зголемени ризици од пожари, започна регионална иницијатива за подигање на свеста за управување со пожари на ниво на предел во земјите од Западен Балкан. Иницијативата, поддржана од Министерството за земјоделство, шумарство и водостопанство, има за цел да го поттикне интегрираното и одржливо управување со екосистемите, наместо традиционалниот пристап што се фокусира исклучиво на гаснење.
Пожарите оставија сериозни последици врз природата, економијата и животот на граѓаните, а над 90% од нив се предизвикани од човечка невнимателност — факт што укажува дека превенцијата е клучна.
Преку интерсекторска соработка, јакнење на локалните капацитети и активности на терен, иницијативата тежнее да создаде предели и заедници отпорни на пожари.
„Природата е наша заедничка одговорност. Со здружени напори можеме да постигнеме нула пожари предизвикани од човечки фактор,“ велат од Министерството.
Македонија
Гром го предизвикал пожарот во велешката фабрика, велат од „Мирана“

Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат од компанијата „Мирана“ преку официјално соопштение.
Од ударот се оштетени дел од просториите на „Биокосмос“ и, како што посочуваат од таму, тие привремено ќе бидат надвор од употреба додека не се санира штетата.
Фабриката „Мирана“, која се наоѓа во истиот индустриски комплекс, не била зафатена од пожарот и производствениот процес таму продолжува непречено.
Во пожарот нема повредени лица.
Центарот за управување со кризи, претходно денес информира дека пожарот бил целосно локализиран рано утрово, околу 4 часот. Според информациите на ЦУК, огнот зафатил магацински простор со фрижидери и канцеларии со документација, а на неколку места сè уште се забележува слабо чадење.
Иако пожарот е ставен под контрола, службите сè уште се на терен за да спречат повторно разгорување, со оглед дека на одредени локации сè уште се јавуваат чадења.
Македонија
(Видео) Едниот качен на хауба, друг вози без дозвола – поднесени пријави за скопјаните кои дивееа низ улиците

Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и непромислена „возачка забава“ по скопските булевари.
Во видеото се гледа како едно лице стои на хаубата од автомобил во движење, а возачот, покрај тоа што управува без дозвола, вози и без регистарски таблици. Станува збор за 20-годишниот С.З. и 19-годишниот Р.Ѓ., двајцата од Скопје. Против нив се покренати поднесоци по неколку основи, вклучително и управување без возачка дозвола, загрозување на сопствената и туѓата безбедност, како и дозволување управување на лице без дозвола.
Од МВР информираат дека лицата биле веднаш повикани на службен разговор, а полицијата презема и дополнителни активности за целосно расчистување на случајот.