Македонија
Мицкоски: Безбедносните служби лажно ме претставиле како организатор на параполициска воена формација и ме следеле физички
Премиерот Христијан Мицкоски вели дека според Извештајот на работата на Агенција за национална безбедност, кој е декласифициран за јавноста, тогашните безбедносни служби го назначиле како организатор на „параполициска воена формација“ и физички го следеле, но не само него туку предмет на следење било и неговото семејство, двата малолетни сина и неговата сопруга.
„Една од неколкуте институции кои што треба да се занимаваат со безбедноста на државата, наместо да се занимава со безбедноста на Македонија, се занимавала со физичко следење на претседателот на најголемата опозициска партија. И тоа го правеле на многу интересен начин. Како? Измислуваат извор во случајот „цилиндар“ кој што според нив доставува веродостојна информација. Конкретно таква информација доставил од објективни причини, нема да ја кажам точната дата, туку ќе кажам некаде од почетокот на 2020 година, чудно тоа коинцидира со изборите кои што тогаш се случуваат, во која што вели, внимавајте, пара полициско воено вооружена формација. Претпоставувам најголем дел од вас биле пара полициско воено вооружена формација составена од внимавајте го ова, македонски радикални екстремни и националистички настроени државјани кои имаа за цел во предизборието да вршат заплашување и закани на македонски граѓани за да издејствуваат поддршка за ВМРО-ДПМНЕ. И ова е многу интересно, нарачател и финансиер на оваа пара полициско воено вооружена формација на македонски радикални екстремни и националистички настроени елементи, е професор д-р Христијан Мицкоски. Јас сум тој кој што оваа пара полициско воено вооружена формација ја финансирал, ја формирал итн.
Но, ова е оставено како трага таму и точно се знае кои се тие кои што ова го работеле. Точно се знае. Ова служело како покритие за да бидеме покриени физички сите. Сите најголем дел од вас се дел од оваа пара полициско воено вооружена формација“, порача Мицкоски.
„Одиме понатаму некаде во втората половина од оваа година истиот овој извор „цилиндар“ вели дека јас сум виден со две женски особи на Водно, во нивно друштво на Водно како пешачам. Во името на приватноста не сакам да ги кажам, како што не е вистинита информацијата, не е ни првата, не е ниту оваа втората вистинита, како пешачам и замислете тие ми презентирале информации од мој политички интерес. А додека пешачам, изворот „цилиндер“ мене ме покривал“, нагласи Мицкоски и рече дека во 2021 година за време на локалните избори бил следен, но овој пат изворот го добил името „џокер“.
„Понатаму, исто така, пред избори во 2021 година тогаш се локалните избори, изворот сега го добива името „џокер“ не е веќе „цилиндар“ вели дека во Манастирот Св. Јоаким Бигорски мојата средба со припадници на патриотско друштво не била случајна, туку тоа било средба во која што јас сум ја остварил за да ја нарушуваме безбедноста и стабилноста на Македонија. Повторно алиби за да бидам физички покриван“.
Премиерот Мицкоски во насока на ова, праша дали ова се европските вредности кои ги промовираше тогашната власт на СДСМ и ДУИ, посочувајќи дека мора преку реформи еднаш засекогаш да се стави крај на овие злоупотреби со безбедносните служби.
„Е сега ова ли се европските вредности. Ајде за тоа што крадеа, крадеа, за тоа ќе има одговорност. Има институции во оваа држава“, истакна премиерот и додаде:
„И тоа не е сè. Тука се покривани и мојата сопруга, моето семејство и мојот малолетен син. И двајцата, едниот е поголем, другиот е помал. Но, и тие се покривани физички. И затоа е сега стравот, затоа е сега стравот. Не е стравот заради друго нешто. Овие европски вредности ги промовираа овие луѓе. Дали ова се вистинските европски вредности, дали јас ви личам на човек кој што може да финансира пара полициско воено вооружена формација.
Затоа треба на овие злоупотреби еднаш засекогаш со реформа во овие служби да им се стави крај, за да не им се случува на оние генерации кои што доаѓаат по нас. Затоа што ако ова им се случува, ништо не сме направиле, за бадијала ни е сè и европски фронтови и Балкански фронтови и било што, ако ние во 21 век имаме ваков начин на злоупотреба на работата на безбедносните агенции“, дециден е Мицкоски.
На крај премиерот Мицкоски нагласи дека не само што и него што го следеле, туку за неговиот малолетен син што го следеле, ќе одговараат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Обвинителството со детали за возачот кој ја усмрти Фросина: бил гонет и за други кривични дела, Судот го упатил во поправен дом
Обвинителството соопшти детали за возачот од Скопје кој ја усмрти 22-годишната Фросина Кулакова на „Партизански одреди“.
„Против лицето МВР поднело кривична пријава на 30.03.2024 година за член 215 од Кривичниот законик. Уште истиот ден јавен обвинител донел Наредба за поведување истражна постапка против осомничениот и предлог за притвор, за што обвинителството тогаш веднаш ја извести јавноста.
Осомничениот станал достапен на органите на прогонот од 02.04.2024 година и веднаш започнал да ја издржува мерката притвор.
Истрагата е завршена за помалку од 2 месеци и на 21.05.2024 година јавниот обвинител поднесе обвинителен акт при што побарал и продолжување на мерката притвор. И тој предлог е прифатен и на лицето му е продолжен притворот се до 31.07.2024 година кога Основниот кривичен суд Скопје донесе пресуда – решение со кое го огласи за виновен и му изрече воспитна мерка – упатување во воспитно поправен дом во согласност со Законот за правда на децата при што ја укина притворската мерка.
На 30.09.2024 година јавниот обвинител незадоволен од пресудата вложи жалба и предметот се уште е во жалбена постапка. Жалбата е во однос на воспитната мерка, бидејќи во однос на притворот жалба не е дозволена со оглед на тоа дека не е изречена казна туку воспитна мерка.
Против истото лице до обвинителството е поднесена само уште една пријава на 01.02.2023 година за кривично дело од член 297 за сообраќајна незгода случена на 04.11.2022 година во која едно лице се здобило со полесни повреди. Јавниот обвинител спровел постапка и со изјавена согласност на оштетената донел Решение со кое не се презема кривично гонење согласно чл.43 од ЗКП, а осомничениот се согласил да постапи по напатствијата на јавниот обвинител и да уплати паричен износ од 18.000 денари во корист на Буџетот на РСМ.
Освен ова МВР повело и прекршочна постапка за возење без возачка дозвола. Други кривични пријави за лицето не се поднесени во јавното обвинителство“, се додава во соопштението на Обвинителството.
Македонија
ВМРО-ДПМНЕ: Хаосот и криминалните шеми на Филипче и СДС на Онкологија се запрени, нема повеќе лекови на реверс и профити врз грбот на граѓаните
Филипче и СДС направија хаос на Онкологија, ги оставија пациентите без терапија, без лекови, во агонија и недостаток на медицински кадар, профитирале на здравјето на македонските граѓани, оценуваат од ВМРО-ДПМНЕ.
„Филипче треба да знае дека нема веќе лекови на реверс од омилената веледрогерија на Филипче, здравјето на граѓаните не смее да биде заложник на бизнис мафијата блиска до СДС. Филипче и СДС креирале криминални шеми на Онкологија од кои профити имаа Филипче и блиските до СДС. Филипче треба да знае дека нема повеќе како до сега, кога со години, Клиниката за онкологија набавувала лекови на реверс од омилената веледрогерија на Филипче, Д-р Пановски, за потоа истите тие лекови да се враќаат веднаш штом компанијата ќе добие нов тендер“.
Хаосот, велат од партијата на власт, е запрен и стабилизиран.
Според нив, кадарот на Онкологија е зголемен, основниот буџет за следната година е зголемен, и сега има двојно повеќе медикаменти од претходно.
Македонија
Силно ги поддржуваме граѓаните во денешниот бојкот, Дурмиши ќе се сретне со граѓаните, велат од „Вреди“
Како коалиција која потекнува од народот, нема да ги оставиме граѓаните сами во овој бојкот од мака. „Вреди“ ја разбира потребата на граѓаните да го извршат овој бојкот, велат од коалицијата.
„Дека преку ова се алармираат профитерите на сметка на народот дека не можат да постават цени надвор од секоја економска логика. Ја разбираме нашата тежина и одговорност како коалиција, дека сме дел од владата и имаме институционални одговорности. Но, пред се, за нас примарна одговорност е да бидеме блиску до граѓаните и да ги поддржуваме во секоја иницијатива што ја преземаат за колективно добро. Затоа, денеска министерот за економија, Бесар Дурмиши, одблиску ќе се сретне со многу граѓани за да ги поддржи во овој неопходен бојкот“.
Како што додаваат во соопштението, не стојат со скрстени раце како претходната влада.
„Ние донесовме мерки за заштита на стандардот на граѓаните со замрзнување на маржата на основните прехранбени производи за да не дојде до енормно поскапување онаму каде што нема основа и во оваа насока ги поздравуваме ваквите иницијативи“.
Оценуваат дека претходната власт изминативе години ги толерирала трговците кои за дополнителна добивка преку нереално поскапување се збогатувале на сметка на граѓаните. И ваквото однесување, според „Вреди“ мора да престане.
„И ако продолжи вака, имаме институционални механизми како што е Државниот пазарен инспекторат, кои се веќе на терен, ги контролираат цените на производите, а доколку дојде до неразумно енормно зголемување на цените и нарушување на пазарната логика, ќе ги искористиме сите механизми што ги имаме на сила и ќе донесеме одлуки и мерки за заштита на стандардот на граѓаните“, потенцираат од коалицијата.
Регионот денеска ги бојкотира продавниците: Македонија, Србија, Црна Гора, Хрватска и БиХ против големите супермаркети поради енормно високите цени
По повиците на социјалните мрежи, денеска се очекува граѓаните во државата да ги бојкотираат маркетите поради високите цени на прехранбените...
Обвинителството со детали за возачот кој ја усмрти Фросина: бил гонет и за други кривични дела, Судот го упатил во поправен дом
Обвинителството соопшти детали за возачот од Скопје кој ја усмрти 22-годишната Фросина Кулакова на „Партизански одреди“. „Против лицето МВР поднело...
Протест на „Партизанска“ за трагичната смрт на Фросина
Голем број граѓани на социјалните медиуми за денеска во 13 часот повикуваат на протестен собир на местото каде што смртно...
Студент од Србија: Го одбив помилувањето на Вучиќ, сакав на суд да ја докажам мојата невиност
Студентот на Правниот факултет во Нови Сад, Михаило Младеновиќ, одбил помилување од претседателот на Србија. Тој рече дека ниту еден...
(Фото) 418 лица уапсени за фалсификувани лекови во голема операција на Европол низ Европа
Операцијата на Европол од април до ноември минатата година резултираше со повеќе од 400 апсења за трговија со фалсификувани лекови,...
Трамп: Кина мора да престане да испраќа фентанил во нашата земја и да го убива нашиот народ
Американскиот претседател Доналд Трамп синоќа по американско време најави дека наскоро ќе одлучи дали ќе го исклучи увозот на нафта...
Објавени фотографии од екипата на урнатиот американски хеликоптер, жена била главниот пилот
Тројца членови на екипажот на хеликоптерот Блек Хок на американската армија загинаа во четвртокот кога се судри со патнички авион...
(Видео) Интересот на Трамп за Гренланд не е шега, тврди шефот за надворешна политика на САД
Интересот на американскиот претседател Доналд Трамп за купување на Гренланд „не е шега“, изјави државниот секретар Марко Рубио во вчерашното...
Возачот кој ја усмрти Фросина бил гонет за дрога, а судот го пратил во поправен дом третирајќи го како помлад полнолетник
Обвинителството го потврди минатото со дрога на младиот возач од Скопје (В.Ј.) кој синоќа ја усмрти 22-годишната Фросина Кулакова на...
Возачот кој ја усмрти Фросина на „Партизанска“ возел под дејство на алкохол, без возачка и поминал на црвено светло
Дваесетгодишникот кој синоќа усмрти 22-годишна девојка на Партизанска, управувал возило на неговиот татко, без возачка дозвола, а бил и под...
Мицкоски: Го разбирам бојкотот на граѓаните на маркети, а јавноста ќе дознае како функционери на СДСМ манипулирале со пресметките
Премиерот Христијан Мицкоски на денешната собраниска седница за пратенички прашања истакна дека легитимно право е на граѓаните да изразат револт...
(Видео) „Во оваа несреќа нема преживеани“: полека исчезнува надежта за семејствата по судирот на патничкиот авион и американскиот воен хеликоптер
Се стравува дека голем број луѓе загинале кога патничкиот авион на „Американ ерлајнс“ се судрил со хеликоптерот на американската армија...
Гаши за смената во Судскиот совет: Досега неколкупати сме избрзале, сега сакаме да дојдеме до издржливо решение
Собранискиот спикер Африм Гаши оценува дека во правосудството се потребни подлабоки реформи, но дека треба да се внимава. „На сите...
Пријавете мито во полиција, во Здравство или на клиниките, повика Таравари откога хирург беше фатен со бележани 150 евра
Министерот за здравство Арбен Таравари ги повика граѓаните да привајат доколку од нив се бара мито за вршење услуги во...
(Видео) Се појави нова снимка од судирот меѓу патничкиот авион и хеликоптерот над Вашингтон
Регионален патнички авион на „Американ ерлајнс“ се судри во воздух со хеликоптер „блек хок“ на американската армија во близина на...
Финансиската полиција поднесе две кривични пријави до ОJO Струмица за даночно затајување
Управата за финансиска полиција до Основното јавно обвинителство Струмица поденсе кривична пријава против К.Х поради основано сомнение дека го сторил...
22-годишна девојка усмртена кај „Партизанска“, ја прегазил 20-годишник
Вчера 22-годишна девојка била удрена од автомобил на булеварот „Партизански одреди“. Подлегнала на повредите и починала на лице место. Несреќата...
(Видео) Во авионот што се урна во Вашингтон се наоѓале и поранешни светски шампиони во уметничко лизгање
Руските уметнички лизгачи и тренери Евгенија Шишкова и Вадим Наумов биле во авионот на „Американ ерлајнс“, кој се урна во...
Успешно пронајдено изгубено лице на планината Скопска Црна Гора
Синоќа, беше успешно пронајдено изгубено лице на планината Скопска Црна Гора во координирана акција на АМСМ, МВР и на ЦУК,...
Трамп очаен по падот на патничкиот авион во Вашингтон: „Не е добро!“
Американскиот претседател Доналд Трамп е информиран дека патнички авион се урнал во Вашингтон, откако авионот се судрил со воен хеликоптер....
