Македонија
Мицкоски: ВМРО-ДПМНЕ останува против уставните измени

ВМРО-ДПМНЕ останува против уставните измени и ќе ја следи волјата на граѓаните, рекол претседателот на ВМРО-ДПМНЕ, Христијан Мицкоски, на средба со претседателот на комисијата за надворешна политика на Европскиот парламент и потпретседател на Европската народна Партија, Дejвид Мекалистер.
Како што соопштија од партијата, тие разговарале и за актуелната политичка состојба, процесите врзани со стратешките цели на Република Македонија – членството во Европската Унија и НАТО.
„Мицкоски објасни дека Република Македонија се соочува со деликатна политичка состојба и со еден период на црно владеење, каде што доминираат неправдите и политичкиот прогон. Воедно, посочи дека се случуваат скандали на дневно ниво, каде што до израз доаѓа неподготвеноста на Владата за реформи и менаџирање на политичките процеси. Мицкоски истакна дека таквата непосветеност на власта државата ја турка кон економско и политичко фијаско слабеејќи им го стандардот на граѓаните. Тој на средбата истакна дека врвен интерес за ВМРО-ДПМНЕ е напредокот на европските интеграции, но и дека Владата има недоволен учинок на тој план, што е резултат на нејзината неспособност. Во таа насока ВМРО-ДПМНЕ е подготвена квалитативно да ги помогне реформските процеси што би гарантирале напредок, но пред сè тоа зависи од волјата и способноста на Владата да биде носител на тие процеси“, соопштија од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.