Контакт

Македонија

Мицкоски во Кавадарци: ВМРО-ДПМНЕ ќе победи на изборите со разлика од над 100.000 гласа

Објавено пред

„Веќе третиот месец поминува откако ја минуваме Македонија, поминавме неколку илјадници километри, поминавме стотици села, поминавме десетици градови ширум Македонија, разговараме со наши сограѓани и можам да кажам дека до ВМРО-ДПМНЕ стигнаа  повеќе од 35.000 писма, сугестии, проблеми, насоки коишто се резултат на оваа наша активност на терен, но и она што стигнува во седиштето на партијата. Со тоа можам да кажам дека ги надмина очекувањата кога всушност ја започнавме оваа наша акција, а тоа беше да добиеме што е можно повеќе сугестии и што е можно повеќе насоки, совети и да ги слушнеме проблемите на нашите сограѓани за да можеме во програмата што ја подготвуваме за следните предвремени парламентарни избори да излеземе со решенија за тие проблеми“, рече претседателот на ВМРО-ДПМНЕ, Христијан Мицкоски, во рамките на кампањата „Разговори за обнова на Македонија – Проблеми, решенија и програма“ во Кавадарци.

dobivaj vesti na viber

„За волја на вистината, кога започнавме таму крајот на септември месец сè уште не беше извесно дека ќе има предвремени парламентарни избори иако ние како ВМРО-ДПМНЕ, како најголема политичка партија во Македонија, како опозиција во случајот, континуирано повторувавме и инсистиравме народот на непосредни и предвремени парламентарни избори час поскоро одлучи дали навистина ‘блескаме’ како што вели Зоран Заев или, пак, Македонија никогаш не била во полоша состојба како што велевме ние како најголема политичка партија и како опозиција во Македонија.

Тоа се случи по она фијаско на Зоран Заев и владата којашто тој ја предводи, се охрабри и одлучи заедно со парламентарното мнозинство да се согласат на такви предвремени парламентарни избори на 12 април 2020 година. Зошто го споменувам ова? Затоа што ние ќе ја поминеме Македонија неколку пати до тогаш и ќе се видиме уште неколку пати овде, во Кавадарци, ќе разговараме и на плоштадите и на улиците, ќе разговараме и по месните комитети, ќе разговараме за актуелната состојба во државата, но не треба да заборавиме дека 12 април 2020 година е денот кога граѓаните треба да одлучат дали Македонија ќе продолжи да ја води води неспособен радикал или Македонија ќе ја водат умерени патриоти.
Јас сум убеден во мудроста на граѓаните, јас сум убеден дека граѓаните на сметка не нереализираните ветувања, на сметка на неисполнетите очекувања на сметка на лагите, на сметка на привитимизмот дека декаденцијата, понижувањата и омаловажувањата коишто, за жал, се наше секојдневие, ќе изберат честитост, чесност, ќе изберат иднина што ќе значи обнова на Македонија“, додаде Мицкоски.

Тој рече дека е убеден дека на 12 април  ќе победи историски најголемата коалиција во независна Македонија, а тоа е коалицијата што ја предводи ВМРО-ДПМНЕ заедно со народот и коалицијата за обнова на Македонија.

„И тоа не го зборуваат само анкетите, тоа почнаа да го зборуваат и перјаниците на СДСМ. Го слушнавте оној поразениот претседателски кандидат од изборите во 2013 година којшто вели дека се очекува ВМРО-ДПМНЕ да победи со разлика од 3 проценти. Но, тука не е искрен бидејќи е од СДСМ и тие не можат да бидат искрени. Разликата е повеќе од 5 проценти, разликата е повеќе од 100.000 гласа и разликата ќе биде доволна за да не се случи желбата на Зоран Заев од постизборен инжинеринг. Идната влада ќе ја формира ВМРО-ДПМНЕ и ВМРО-ДПМНЕ ќе ја Обновува Македонија.

Кога тргнавме и кога прв пат зимата 2017-та и пролетта 2018-та година ја обиколувавме Македонија, сите ни велеа што правите, готови се, толку е гледате дека поддршка има од Заев од таму, ВМРО-ДПМНЕ е на колена, ќе треба време да застанете на нозе, но денеска сите зборуваат дали ВМРО-ДПМНЕ сама ќе направи влада со 61 пратеник или пак ќе требаат коалициони партнери. Тоа го направивте вие, тоа го направија граѓаните на Македонија, тоа го направија активистите на ВМРО-ДПМНЕ и Коалицијата за Обнова на Македонија, затоа што веруваа, затоа што работеа и затоа што знаеја дека ќе успееме, затоа што Македонија нема друга алтернатива освен влада која што ќе ја предводи ВМРО-ДПМНЕ“, рече тој.

Мицкоски понатаму порача: „За бидеме поуспешни утре во владата, за да бидете вие поуспешни, за да биде Македонија поуспешна тргнавме да поминеме илјадници села, да поминеме стотици населени места, општини градови, да разговараме, да учиме заедно со вас, да учиме од вас, тоа што сме го погрешиле да го исправиме, тоа што не е добро да понудиме решение, таму каде што не можеме, не умееме да понудиме решение чесно и искрено да кажеме тука нe можеме да понудиме решение поради тие и тие причини, ова не се решава преку ноќ, таму каде што ни е потребно повеќе време за да најдеме решение да кажеме искрено и чесно, да се погледнеме во очи и да кажеме нас ни е потребно повеќе време за да го решиме ова.
Само со искрен и честит пристап можеме да одиме напред.

Ги слушам секојдневно како велат дека „блескале“ дека направиле реформи, дека Македонија ја однеле ваму, ја однеле таму. Но, донесоа само срам, понижување и омаловажување. Зоран Заев и СДСМ во 2016 та година, нашиот политички противник, некој ќе рече зошто само за нив зборуваме, но мораме да зборуваме за да се потсетат граѓаните на таа најголема историска политичка лага наречена „Живот“ кога всушност Зоран Заев бараше спас да не оди таму каде што заслужува да оди, бидејќи беше фатен како бара мито, се сеќавате на онаа политика евро за евро. Затоа што знаеше дека ќе заврши, таму каде што треба да заврши, да понесе одговорност и тогаш одлучи да уништува државен имот, тогаш одлучи да пишува писма во светот да ја кодоши Македонија. Да ја кодоши и да собира ситни политички поени за да може да се дограби до позицијата каде што сега се наоѓа. Па ги лажеше родителите на Мартин Нешковски, ја злоупотреби судбината на тоа невино човечко чедо, ги лажеше родителите и за Смилковско, велеше дека тој знаел што била причината зошто тие млади животи прерано згаснаа. Тој ја знаел вистината, а вистината лежела во тогашната влада. Лажеше и за петто мајските настани во Куманово во Диво Насеље, лажеше дека тоа било наместено.

Одеше по Македонија ги лажеше земјоделците, велеше гласајте за мене, јас сум тој кој што ќе донесе поголеми субвенции, јас сум тој кој што ќе ви обезбеди достоинствен откуп по достоинствена цена. Тоа го правеше и во Ресен, тоа го правеше и во Кочани и кочанско, тоа го правеше и во Радовиш и радовишко, во Струмица и струмичко, во Битола и битолско, во Тетово и тетовско, тоа го правеше овде во Тиквешијата во Кавадарци, во Неготино. Ветуваше и лажеше, ги гледаше луѓето во очи и играше со човечките судбини.

Зошто? За да може да дојде и да седне во кожната фотелја да гази дебели персиски килими, но првата задача му беше како себе си да се спаси од случајот Поткуп. Денеска три години потоа, Македонија никогаш не била во полоша состојба, денеска Македонија никогаш не била попонижена, поомаловажена, поразграбана, поопљачкана. Повеќе полна со криминал и корупција, декаденција и примитивизам од принципот на „мало сутра“ или тепсијата која што била изедена со баклавата. Денеска тоа е за жал политичкото секојдневие кое што ни го сервираат политички маргиналци од типот на Зоран Заев. Додека коленичат и ја распродаваат секоја педа која што некој со живот ја платил, не им пречи да си ги договараат тендерите во четири очи во оној ресторан недалеку одовде во југоисточна Македонија да врват провизиите во зависност од зделката од 5 до 15%. Таа Македонија ние не ја замислуваме таква“.

Мицкоски порача дека не замислува Македонија каде што ќе ги лаже младите, дека ќе обезбеди за нив младинска гаранција, дека ќе обезбеди веднаш работно место после дипломирањето, дека ќе обезбеди реновирани студентски домови.

„Таа Македонија не е таа која што ја ние ја гледаме и ја сакаме. Тоа што ќе го кажеме, тоа и ќе го испорачаме. Ќе ветиме и ќе испорачаме дека следната влада на ВМРО-ДПМНЕ за секој млад човек кој што ќе има месечно примање до 500 евра, до 29 години ќе биде ослободен од даноци.За секој млад човек кој што ќе има годишни примања не помали од 6.000 евра ќе биде ослободен од плаќање даноци и тоа ќе го испорачаме.Сите студентски домови ќе ги реновираме затоа што знаењето нема цена, затоа што мора да продуцираме млади луѓе кои што утре ќе бидат авангарда, луѓе кои што ќе ја носат Македонија на своите плеќи, кои што ќе ја развиваат и ќе ја направат достоинствено место за живеење, модерна европска држава. Коишто нема да редат чевли пред владата и кои што ќе велат дека младите ја напуштиле, туку ќе ги враќаат тие кои што ги заборавија своите чевли таму да ги облечат. Таа е Македонија која што сакаме да ја видиме после 4 години влада на ВМРО-ДПМНЕ.

Македонија достоинствена, Македонија каде што принципите и аргументите ќе бидат средство за разбирање. Ние велиме доста е со овој примитивен, популистички радикализам кој што го слушаме од Зоран Заев, неспособен радикализам. Ние сакаме да видиме умерен патриотизам. Каде што ќе обезбедиме со методологија која што емпириски ќе ја докажеме, реформа во судството и правосудството, за да можат инвеститорите да се чувствуваат сигурни кога ќе инвестираат во Македонија, без разлика дали се тоа странски или домашни. Набргу од сега ќе излеземе со детална презентација од како ќе ја завршиме рецензијата на Зоран Заев. Со нивни инвестиции ќе има отворени работни места, ќе има повеќе пари во буџетот, а со повеќе пари во буџетот ќе има и повеќе пари и во здравството ќе има и повеќе пари во образованието, ќе има повеќе пари и за пензии на пензионерите, повеќе пари за субвенции на земјоделците. Тоа е пристапот којшто ВМРО-ДПМНЕ го има, ние немаме пристап коцкарско ко принципот „all in“ , туку пристап со јасна стратегија и методологија како да стигнеме до крајната цел. Подготвени сме пред секого да го аргументираме со факти и емпириски да го докажеме. Тоа ќе биде програмата на ВМРО-ДПМНЕ на следните предвремени парламентарни избори, тоа ќе биде програмата која ќе победи на следните предвремени парламентарни избори“, рече Мицкоски.

Според него, Заев се расфрла со нашите пари коишто ги нема, планира Македонија да ја задолжи за една милијарда евра, за да си купи уште еден мандат како премиер на владата.

„Зарем толку го навредува македонскиот граѓанин? Зарем мисли дека ние ќе заборавиме што правеше сите овие три години и ќе се продадеме за неговите жолтици? Сетете се само како тој човек се колнеше во жицата и во најмилото и што правеше. Сетете се за човекот кој секогаш не ја говореше вистината, сетете се на човекот којшто е подготвен се да направи, за да остане, не за да им биде подобро на граѓаните, не за да и биде подобро на Македонија, туку за да може да се спаси од одговорност. Затоа што знае, доби повратна информација преку куририте што стигаат до мене, дека после 12-ти април 2020 одговорност ќе има за сето она коешто и го направи на Македонија овие три години. За целото понижување, за целото омаловажување, за криминалот, за корупцијата, мора да има одговорност, нема да има повластена политичка каста во оваа држава.

Го гледа како вели дека ги качувал платите, вложувал во човечкиот потенцијал, тогаш тие советници коишто тоа лажно му го кажале ја испуштиле лекцијата дека човечки потенцијал се инвестира со знаење, со трансфер на знаење, а со пари се поткупува и се понижува човечкиот потенцијал. Тоа можеби така во неговата глава може да биде вложувањето со пари, ние вложуваме со знаење, со трансфер на знаење, така се вложува во човечкиот потенцијал.
Па ќе каже ги зголемил платите во образованието, на наставниците на професорите, во основното и средното образование. Каква е вистината ? Не само што не ги зголемил, туку и ги намалил платите, зошто ? Затоа што кога го зголемуваше прагот за минимална плата не водеше сметка дека на тој начин ќе ги осакати сите оние вработени коишто имаат потпишан Колективен договор, а меѓу нив и вработените во основното и средното образование коишто се дефинирани со коефициент. Па така, денеска ќе каже дека ја зголемил платата во образованието за 10 проценти и требало да издејствува 26.000 денари од први јануари 2020-та. Каква е вистината ? Денеска со Законот за минимална плата, којашто до денес изнесуваше 12.500 денари, наставниците и професорите во средните и во основните училишта, требаше да земат плата од 31.600 денари, 5.600 денари повеќе од тоа коешто денеска вели Зоран Заев дека го зголемил.

Еве помина минималната плата лажеа, кодошеа, видоа дека ВМРО-ДПМНЕ не е против минималната плата, немаа кворум во Собранието, пратениците на ВМРО-ДПМНЕ затоа што веруваа и се обврзаа со програмата на изборите во 2016 дека ќе ја зголемат минималната плата, за волја на вистината на поинаква основа беа и гласаа во собранието изгласаа минимална плата од 14.500 денари. Ајде еве го повикувам и Синдикатот и Министерството за образование и наука и Владата ајде утре да ја зголемиме платата согласно Колективниот договор и Законот за минимална плата, ајде секој вработен да добие примање онолку колку што му следува, а му следува просечна плата без додатоци од 36.600 денари.

Зошто толку? Затоа што кога ќе ги помножите 14.500 денари минимална плата со коефициентот на сложеност на работно место што го има секој вработен во образованието, а тоа е 2,533 тогаш добивате сума од 36.600 денари. Ајде да не ги лажеме и да не ги манипулираме луѓето, ајде да го испорачаме тоа кое што им следува согласно закон и согласно колективниот договор. Еве го повикувам и Министерството и Владата и Зоран Заев и Синдикатот утре да ја исправиме заеднички таа грешка на која што сакаат да печалат ниски пари и ниски страсти.Веднаш и одма утре тоа да го направиме, но тоа почитувани кавадарчани нема да се случи затоа што си имаме работа со човек кој што не ја говори вистината, каде што неправдата е дел од неговото секојдневие. Тој мислеше дека со малкумина кои што коленичат покрај него кој што го опсипуваат со комплименти и хвалоспеви за неговата работа дека ќе владее вечно. Дојде крајот, дојде денот кога ќе се збогува со местото кое што три години го узурпираше. Дојде денот а тоа е 12 Април кога ќе следи одговорност за сите оние кои што се погрешиле пред законот и се осрамотиле пред граѓаните. 12 Април 2020 е тој ден и јас ве уверувам дека ќе има одговорност, ќе има и мора да има“, рече Мицкоски.

Лидерот на опозициската партија се осврна и на најавеното зголемување на пензиите од 720 денари, и го нарече уште една невистина.

„Уште една груба манипулација од како го смени законот и го избриша делот каде што пензиите два пати годишно се усогласуваа со средната плата во државата и ги скрати пензионерите за овие речиси три години за најмалку 1.500 денари месечно, денеска вели бидејќи доаѓаат избори, а немам каде да бегам уплашен сум затоа што следи одговорност еве половина ќе ви вратам 720 денари. Е тоа така не може. Тоа така нема да биде, луѓето за 700 денари месечно не си ја продаваат својата гордост и своето достоинство , ќе те казнат и тебе и тие околу тебе кои што ти аплаудираат на 12 Април во 2020 година затоа што сакаат луѓето да видат одговорност.

Сакам да зборувам и за она насекаде каде што го зборувам, а тоа е последниот столб од нашата програма а тоа е не е за антиквизација , не за севернизација, туку ајде да си се вратиме кон корените и едно големо да за македонизација на Македонија, да си го вратиме македонизмот во Македонија. Со сета почит на нашите сограѓани, но ние сме Македонци горди кои што говорат македонски јазик и се од Македонија. Но тоа не е наше ексклузивно право не е македонизмот наше ексклузивно право. Сите ние кои сме се родиле во оваа држава без разлика на нашата етничка припадност тука сме се образувале тука сме растеле тука сме се радувале тука сме тагувале и најверојатно најголемиот дел од нас тука ќе ги завршиме и нашите животи.

Ние најмалку што и должиме сега во овие тешки моменти на оваа наша татковина е да прашаме и да си го поставиме прашањето што можеме ние да направиме за нејзе а не што може таа да направи за нас. Од 13 април 2020тата доаѓа одговорот ако ништо друго треба да ги засукаме ракавите да работиме и да го исправиме сето она кое што ова арамиска влада на чело со Зоран Заев го и СДСМ го направи.

Работа тоа е иднината, тоа е она за кое што ние ќе се бориме секојдневно. Сите тие почитувани Кавадарчани браќа и сестри кои што ќе ви велат дека е завршено се дека нема излез за нас тие се жртви на пропагандата на СДСМ и Зоран Заев тие не ја говорат вистината ништо не е завршено мора да веруваме во себе мора да веруваме во секој еден од нас мора да се обединиме мора да се сплотиме заедно сме посилни рамо до рамо еден до еден без разлика на вера без разлика на нација без разлика на политичка припадност сите оние кои што се незадоволни од политиките на Зоран Заев и актуелната влада сите оние кои што не ја препознаваат сопствената иднина таму се добредојдени“, рече Мицкоски.

Тој ги повика граѓаните да се обединат околу обновата за Македонија. „Сите до еден да го оставиме Зоран Заев и тие малкумина околу него љубители самите со нивниот примитивизам од типот на мало сутра и тепсијата да си ги изгубат изборите на 12 април а потоа да им покажеме како честито како вредно и како напорно може да се работи за сопствената држава а истата да успее“, рече Мицкоски.

Македонија

Нека се препелкаат во национализмот, во лажниот патриотизам и во својата неспособност, вели Филипче за ВМРО-ДПМНЕ

Објавено пред

Претседателот на СДСМ Венко Филипче од вечерашнава граѓанска трибина во Центар порача дека ВМРО-ДПМНЕ зборува за загари и орли додека младите се селат. Филипче испрати порака дека жално е што зад црната кампања не се крие само неспособна власт, туку власт која не сака напредок, не сака дијалог и не сака компромиси. Тој исто така рече дека ВМРО-ДПМНЕ со ваквото владеење е непријател на државата.

dobivaj vesti na viber

„Тоа е власт која се храни и одржува од внатрешни поделби, од сиромаштија која ја контролира со корупција и од хаос во кој се создава апатија. Ова е целта. Но јас во нивната кал нема да влегувам, туку ќе продолжам да ги разобличувам. Нека се препелкаат во национализмот, во лажниот патриотизам и во својата неспособност самите тие. Ги слушам, едните биле загари и орли, другите за врапчиња и што уште не. Театар за деца“, рече Филипче.

Филипче на трибината исто така рече дека подмолните обиди на ВМРО-ДПМНЕ за поделба на граѓаните, секојдневните етикетирања на опозицијата како „предавници“, режимските практики се доблестите кои и оваа влада ги носи се едни од најлошите времиња на груевизмот.

„Не е времето кратко да се види дека имаме власт отуѓена од народот, власт која партизира, узурпира и одбива да го слушне крикот на граѓаните за подобар живот и за напредок. Сведоци сме на одвратна лажна и црна кампања против СДСМ која ја водат од првиот ден власт. Оваа мизерна и ниска кампања на ВМРО-ДПМНЕ е одраз на нивната немоќ и неспобност. Но суштина е уште поболна, а тоа е дека зад кампања се кријат нивните лоши намери за иднината на оваа земја“, рече Филипче.

Прикажи повеќе...

Македонија

Герасимовски: Центар е нова приказна, целосно реновирани сите училишта, учениците добиваат два затворени базени

Објавено пред

Кандидатот за Градоначалник на Општина Центар од СДСМ, Горан Герасимовски, вечерва пред центарци истакна дека во изминатите четири години постигнато е многу за развој на општината.

dobivaj vesti na viber

Тој, информираше дека е изградена најдобрата градинка во Македонија, и подготвена е изградба на уште една нова.

„Ги реновиравме целосно сите училишта. На две училишта веќе поставивме фотоволтаици. Нашиот План е сите училишта и градински да имаат фотоволтаици на крововите. Нашите ученици добиваа ранци и прибори, сигурност и најдобро образование, добија униформи, а од сега ќе имаат и бесплатни здрави оброци и национална екскурзија за да ги сакаат уште повеќе и Центар и Македонија. Нашите ученици добиваат и два затворени базени и нови внатрешни и надворешни спортски терени“, рече Герасимовски.

Потенцираше дека во ова, како што рече, невреме за Скопје, кога граѓаните се дават во ѓубре и ефтини политички битки, решил да работи поинаку, не заради себе, туку заради граѓаните, затоа што тие не сакаат јалови кавги.

„Граѓаните не сакаат докажувања кој е полош. Од такви кавги не се живее подобро, од такви политичари нема резултати. Во овие четири години се водев од основните човечки вредности и принципи, да работам без пардон, и да не мислам на себе. Да работам чесно. Да работам одговорно. Да давам отчет цело време. Да работам за сите. Да ги слушам сите. Да обединувам. Да не ги делам луѓето. Да мислам за сите искрено, да помагам на сите. Да бидам достапен за сите. Така почнав од самиот почеток, така живеев и работев секој ден. Сакав Центар да стане подобро место за живеење за сите, и уверен сум дека во тоа и успеавме“, изјави Герасимовски.

Прикажи повеќе...

Македонија

По изборите ресет на системот, да изградиме правна држава и непристрасно правосудство, порача Мицкоски

Објавено пред

Христијан Мицкоски, претседателот на ВМРО-ДПМНЕ, се обрати на денешниот народен митинг во Македонски Брод, во рамки на изборната кампања за локалните избори 2025 година, со слоган ,,Вистинскиот избор! Твојот човек! Твоето место! За твојата иднина! Мицкоски зборуваше дека се неопходни реформи, ресет на системот кој ќе донесе подобар живот и владеење на правото.

dobivaj vesti na viber

Истакна дека судството мора да биде непристрасно и непокорливо, судиите да судат според законот, а не според влијанија.

„Моментот што го чекале генерации е пред нас, време за ресет на системот, време да ги скршиме ланците на неправдата и да изградиме држава на правда, слобода и грижа за секого. Судството мора да биде непристрасно и непокорливо, судии кои судат според законот, а не според влијанија; институции кои штитат, а не кои молчат; процедури кои враќаат доверба, а не кои создаваат сомнеж. Правдата не смее да биде привилегија на малкумина, туку право на секој граѓанин брза, достапна и ефективна. Слободата не е само збор во уставот, туку жив начин на живот: слобода на мислење, слобода на говор, слобода од страв и притисок. Здравствениот систем ќе биде столб на оваа држава модерни болници, достапни лекови, стручен кадар и превенција што штити семејства, наместо да ги остави ранливите сами да се борат. Ќе поставиме јасни правила, транспарентни процеси и нулта толеранција кон корупцијата која тоне животи и ја кочи промената. Овој ресет ќе биде праведен, но безмилосен кон оние што го злоупотребувале народот ќе вратиме одговорност, ќе го вратиме достоинството и ќе изградиме систем на кој гордо ќе му служиме. На сите нивоа, од најмалите служби до поголемите структури, постојат елементи кои функционираат како дел од една „длабока држава“ не само во едно Министерство или една партија, туку во мрежи кои понекогаш се шират низ партии, институции и, жално, понекогаш и низ етничките заедници“, истакна Мицкоски.

Додаде дека најавениот ресет не е реванш, туку враќање на довербата во институциите и владеење на правото.

„Ова не е напад врз народот, ова е повик на одговорност: каде што имало злоупотреба, ќе има истрага; каде што имало влијание, ќе има транспарентност; каде што имало корупција, ќе се воведе сила на правото. Ние нема да дозволиме никој да се крие зад статуси или мандати додека ги краде шансите на граѓаните. Реформите што ги најавуваме судска реформа, реформа на правосудството, реформа на администрацијата и целосна дигитализација на услугите ќе ги исечат вкоренетите врски и ќе ги вратат институциите кај граѓаните. Овој ресет не е реванш, туку вразумување: чесноста ќе биде мерило, отчетноста ќе биде правило, а слободата и правдата повторно ќе станат неприкосновени вредности. Јас и оваа Влада ќе работиме со цела сила, рамо до рамо со граѓаните и со партнерите кои веруваат во правото, за да изградиме држава каде што институциите служат на народот а не на сопствени интереси. Заедно ќе го направиме тој ресет; заедно ќе ја вратиме довербата“ истакна Мицкоски.

Ги повика граѓаните да излезат на 19 октомври и да гласаат за број 9.

„Мене ми е јасна состојбата со опозицијата на трикови, подземни коалиции но тоа нема да го коментирам. Затоа е многу е важно да излезете на избори и да гласате. Македонија е исправена и подготвена да оди напред! Нема поголема сила од народот кој верува, од народот кој знае што сака и кој знае дека иднината е во негови раце. Нашата борба не е само за една општина, не е само за еден град. Нашата борба е за секое семејство, за секое дете што сака подобро училиште, за секој млад човек што сака работа и останува тука, дома, во Македонија“, нагласи Мицкоски.

Прикажи повеќе...

Најново

Македонија12 часа

Сиљановска-Давкова: Цинизам и хипокризија е да барате од некого да биде отпорен на трети влијанија, оставајќи го пред портите на Европската Унија

Претседателката Гордана Сиљановска-Давкова денеска се обрати на годинешната средба на земјите учеснички во „Процесот Брдо-Бриони“, којашто се одржа во Драч,...

Македонија14 часа

За пет дена 2.267 сообраќајни прекршоци, уапсени се 22 лица

Од почетокот на месец октомври полицијата констатирала 2.267 сообраќајни прекршоци, а 22 лица се уапсени за безобзирно управување на возило,...

Македонија14 часа

(Видео) Николоски: Јасно е дека Заев ги влече конците во СДСМ

Јасно е дека Заев ги влече конците и во време на претходниот претседател на СДСМ и премиер, Димитар Ковачевски и...

Топ16 часа

Жител на Кочани пронајден мртов во Љубљана, од МНР велат дека случајот го истражува полицијата

До македонската амбасада во Љубљана е доставено известување дека во текот на ноќта на 2 октомври, животот го загубил македонски...

Македонија17 часа

Помошник на министерот за внатрешни работи незаконски зел надоместоци за прекувремена работа и бонус плата

Полицијата поднесе кривична пријава против помошник на министерот за внатрешни работи, раководител на Одделот за дисциплински и судски постапки, затоа...

Свет17 часа

Меркел: Дали Путин ќе ја нападнеше Украина ако не се случеше пандемијата на коронавирус?

Поранешната германска канцеларка, Ангела Меркел, даде интервју за унгарскиот медиум „Партизан“. Меѓу другото, таа зборуваше за конфликтот во Украина. „Во...

Македонија19 часа

Заев: Најостро и категорично ги отфрлам лагите и клеветењата од Мицкоски за наводни „куферчиња со пари од поранешен премиер од Бугарија“

„Небулози, клевети и навреди се методите на Мицкоски со кои сака да се оправда за катастрофата која и ја нанесува...

Македонија19 часа

„Водовод“: Поради прекини на струја дојде до два дефекти истовремено на главната водоводна линија

ЈП Водовод и канализација – Скопје известува дека поради повеќе краткотрајни прекини на снабдување со електричната енергија во регионот кај...

Регион19 часа

(Видео) Во Црна Гора убиен член на Шкаљарскиот клан: телото пронајдено во автомобил

33-годишниот Бобан Сјеклоќа беше убиен вчера околу 18 часот во продолжението на војната меѓу црногорските кланови. Телото на овој висок...

Европа21 час

(Видео) Мерц: Русија стои зад дроновите над Германија

Германскиот канцелар Фридрих Мерц изјави дека се сомнева дека Русија стои зад серијата беспилотни летала видени над Германија во текот...

Свет21 час

Трамп: Разговорите со Хамас за завршување на војната во Газа напредуваат брзо

Американскиот претседател Доналд Трамп вчера изјави дека преговорите со Хамас за прекин на израелската војна во Газа и ослободување на...

Европа22 часа

(Видео) Украинците го нападнаа Белгород: град со 300.000 жители остана без електрична енергија

Рускиот град Белгород и околните области беа погодени од прекин на електричната енергија синоќа. Причината беа нападите што ја оштетија...

Регион22 часа

(Видео) Мафијашка пресметка во Црна Гора, пронајдено тело на популарна плажа

Целосна полициска блокада е воспоставена во поширокото подрачје на плажата Јаз во близина на Будва вчера вечер поради убиство што...

Македонија1 ден

Мицкоски: Струмица е град на гуруто на Филипче, но времињата се менуваат, народот ќе победи, Струмица ќе победи

20 години Струмица чекаше на промени кои, еве, ви велам дека ќе се случат. Кога ве гледам во овој голем...

Македонија1 ден

Филипче: Се случуваат големи отпуштања на вработени, а ветија нови работни места

„Јасно е, ВМРО-ДПМНЕ работи за олигарсите, граѓаните за нив се само бројка во избирачкиот список“, оваа порака ја упати вечерва...

Македонија1 ден

Мицкоски: Завршува времето кога источниот сосед и неговиот премиер финансираше македонски политичари, за да овие му даваат подароци во форма на национални отстапки врз грбот на македонскиот народ

Христијан Мицкоски, претседателот на ВМРО-ДПМНЕ, се обрати на денешниот народен митинг во Радовиш, во рамки на изборната кампања за локалните...

Македонија1 ден

Филипче: Се бориме за 500 евра минимална плата и достоинство за секој работник

Претседателот на СДСМ, Венко Филипче, денеска беше во посета на Пехчево од каде порача дека борбата на овие избори не...

Регион2 дена

Македонија ѝ понуди помош на Бугарија по катастрофалните поплави

Македонија е подготвена да обезбеди поддршка за справување со последиците од поплавите, објави претседателот на Бугарија, Румен Радев, на „Икс“,...

Свет2 дена

(Фото+видео) Масовен руски напад врз Украина, Полска подигна борбени авиони

Русија изврши серија напади врз Украина во текот на ноќта, при што беа убиени и повредени неколку лица. Полска распореди...

Свет2 дена

Израел се согласи на почетната линија на повлекување, се чека потегот на Хамас, објави Трамп

По повеќенеделни преговори, Израел се согласи на почетната линија на повлекување, објави на социјалната мрежа “Truth” лидерот на САД Доналд...