Македонија
Мицкоски за предлогот за технички министер: Власта се плаши од професионалец кој ќе ги разобилчи криминалите
Поставувањето на врвен професионалец на чело на МВР без ниту една дамка во кариерата не е природна средина за челниците на власта и затоа е голем отпорот во однос за предлогот, вели лидерот на ВМРО-ДПМНЕ, Христијан Мицкоски, во објава на „Фејсбук“ во која ја образложува причината зошто го предложил Драган Ковачки за министер за полиција во техничката влада.
„Наместо ова да биде правило во нормална држава, ваквиот предлог се доживува за исклучок, професионалците оваа влада ги става на маргините, наместо да им даде шанса да ги превземат работите во свои раце“, пишува Мицкоски.
Според него, фактите говорат дека оние кои се огрешиле спрема законот се плашат од професионалец кој ќе ги открие, разобличи и ќе се бори против нив.
„Ние со нашиот предлог сакаме да направиме дисконтинуитет во хаосот кој Заев и Спасовски со лошото менаџирање во МВР го создадоа во државата, дисконтинуитет на рекетите под државна капа, клановите блиски до власта кои спроведуваат криминал, дисконтинуитет на бандитизмот кој се шири низ улиците, заплените автомобили, дрогата која е на секој чекор. ВМРО не отстапува од борбата против сето ова“, се наведува во објавата на партискиот лидер.
Тој констатира дека ваквото решение ја избезумува власта и, како што вели, нејзините перјаници.
„Треба да знаат дека допрва ги чека главоболка пропорционална со степенот со кој се огрешиле спрема законите и народот на Македонија. Затоа ја повикувам Власта да не ги одложува работите, кочењето на професионалец за МВР, нема да го избегне неминовниот пораз, туку ќе го зголеми“, смета Мицкоски.
Иако претседателот на ВМРО-ДПМНЕ не го објавува името на неговиот предлог за технички министер, партиски извори потврдуваат дека станува збор за Драган Ковачки, дипломец на Воената академија во Скопје и поранешен раководител во службата за Воено разузнавање.
Премиерот Заев и министерката за правда Рената Дескоска, го доведоа во прашање ваквиот предлог на опозицијата бидејќи предложената личност не била цивилно лице најмалку три години како што наведува член 97 од Уставот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Подигнати 𝟦𝟧 кубни метри отпад од картонски пакувања во општините Кисела Вода, Центар и Чаир
Екипите на ЈП Комунална хигиена-Скопје во текот на вчерашниот ден подигнаа и транспортираа 45 кубни метри непрописно одложен отпад од картонски пакувања во скопските општини Кисела Вода, Центар и Чаир, изветси Комунална хигиена-Скопје.
Во општината Кисела Вода е интервенирано на улиците Фредерик Шопен, Димо Хаџи Димов и Томе Арсовски, каде што се подигнати вкупно 20 кубни метри отпад од картонски пакувања одложени на јавни површини.
Во општината Чаир се отстранети 10 кубни метри непрописно одложен отпад на улицата Цветан Димов, додека во општината Центар е интервенирано на неколку локации долж булеварот Партизански одреди, каде што се расчистени вкупно 15 кубни метри картонски отпад одложен на тревни и сообраќајни површини, соопшти Комунална хигиена-Скопје.
Македонија
Во прекин сообраќајот на патот Демир Капија – Валандово поради заглавен камион
Регионалниот пат Р1102 Демир Капија – Вландово е во прекин.
Oд АМСМ информираа дека прекинот е поради заглавен камион.
Македонија
ВЛЕН „не се залага за внуци“: Дрин Ахмети бил повикан од Обвинителството
„Кога ќе се спомене ДУИ, не можеме да мислиме друго освенна злоупотреби и корупција. Сакаме да ја информираме јавноста за едно важно прашање поврзано со економската активност на компанијата „Еверест ЈД“ ДООЛ, која е во сопственост и управувана од Дрин Ахмети, внук на лидерот на ДУИ нон грата, Али Ахмети. Според достапните информации, ова компанија не го платила концесискиот надоместок за експлоатација на минерални суровини налокацијата „Буковиќ“, со што ги прекршила законите и прописите“, велат од ВЛЕН.
„Оваа неодговорна постапка претставува сериозен облик на нетранспарентност и злоупотреба на привилегиите дадениза експлоатација на природните ресурси и поради оваа причина, коалицијата ВЛЕН иницира да се преземат итни и целосни мерки за расветлување на ова прашање.
Со гордост ја споделуваме оваа информација, бидејќи со несаканата транзиција на ДУИ во опозиција, заврши и заштитата или поддршката во судовите и обвинителството. Затоа, ова е знак дека завршува ерата на политичко влијание врз институциите кои треба да бидат целосно независни и незасегнати во работата на правосудството.
По откривањето на ова дело, Дрин Ахмети бил повикан од Обвинителството да даде објаснувања и се води истрага за овој случај. Коалицијата ВЛЕН, како дел од владата, ги повикува правосудните институции да постапат во согласност со законот и да обезбедат безбеден и транспарентен истражен процес, за да се избегне каква било форма на политичко влијание за конечната одлука да биде целосно заснована на законите на нашата земја. А злонамерниците како Дрин Ахмети ќе ја добијат заслужената казна.
Коалицијата ВЛЕН со целосна решителност и максимална одговорност ги поддржува сите напори овој случај да се постапува со професионалност и непристрасност за да се воспостави ред и законитост во оваа област.
Коалицијата ВЛЕН будно ќе го следи ова прашање и ќе биде неприкосновна во борбата за транспарентност и правда и никогаш нема да толерира злоупотреби. Ги уверуваме граѓаните дека сме тука да ги откриеме сите измами поврзани со ДУИ нон грата и дека ќе има одговорност за сите.
ВЛЕН е коалиција на сите граѓани, ВЛЕН не се залага за внуци туку за секој од вас. Секој граѓанин ужива почит и еднаков третман од најголемата албанска коалиција“, се додава во соопштението на ВЛЕН.