Македонија
Мицкоски: Пакет-мерките на Владата не се доволни за да ги покријат загубите

Лидерот на ВМРО-ДПМНЕ, Христијан Мицкоски, истакна дека во рамките на активностите на партијата денеска ќе посети неколку стопански објекти во атарот на општините Чаир и Бутел.
„Ќе разговараме со голем број стопанственици од кои практично сакаме да се добие навигација и информација во која насока се движи економијата во државата, какви се условите за водењето бизнис и дали целата перцепција и сите оние информации со кои располагаме, а кои ги добиваме од други бизнисмени и претприемачи од другите градови и од другите стопански субјекти, се вистинити, дека практично економијата оди во надолна линија, дека луѓето се без помошни, оние пакет-мерки што Владата ги предвиде не се доволни за да ги покријат загубите во нивното работење. Имајќи предвид дека повеќе од 50.000 наши сограѓани останаа без работа, односно бројот на лица што се новоневработени е поголем од 50.000, понатаму повеќе од 6.000 субјекти изминатиот период згаснаа, односно престанаа да постојат“, рече Мицкоски.
Тој додаде дека сака да разговара и со претприемачите во општините Чаир и Бутел, да ги види какви се нивните информации и чувства во врска со економската ситуација во државата.
„Од најмалите, би рекол од оние што имаат и помали продавници со кои стопанисуваат, па до средни, па до оние малку поголемите работодаваци, така што продолжуваме со активностите, денеска, утре, деновите што следуваат, сè до локалните избори. Многу е важно да добиеме правилна информација за да можеме и таква практично програма да направиме, а зошто да не биде тоа идната владина програма на некое ново владино мнозинство“, истакна Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.