Македонија
Мицкоски: Пендаровски и Ковачевски се „киднапирани“ од ДУИ

„Имаме власт која е во распаѓање, тотална анархија во институциите. Премиер кој наутро си пишува оставка и вели доста е, не можел да го издржи притисокот. Попладне доделува тендери, а навечер говори за тоа како ќе ја спасел Македонија и ќе ја внел во Европската Унија. Ниту неговото членство во него не гледа сериозен фактор, затоа што тие и не знаат кој вистински им ја води партијата. Но, да бидам искрен, кој и да е, едно е сигурно, најголемото влијание во СДС има и со Бихаќка управува Речица. СДС е киднапирана партија и слуга на вистинскиот и најголем партнер во владата, а тоа е ДУИ која 20 години е власт и со тек на годините станаа криминализирана група силно вмрежена и ухлебена во државните институции“, истакна претседателот на ВМРО-ДПМНЕ, Христијан Мицкоски од Кавадарци.
Мицкоски додаде дека и не само ДУИ што ја поседува СДС туку им го поседува и претседателот на државата Пендаровски.
„Кога велам им го поседува претседателот, велам затоа што Пендаровски, изминативе 4 години и повеќе ја испушти можноста со своите постапки да биде претседател на сите граѓани, тој покажа и докажа дека е претседател само на оние малкумина кои се уште го поддржуваат. Затоа велам им го киднапираа и претседателот на државата, а тоа е Пендаровски“, нагласи претседателот на ВМРО-ДПМНЕ.
Тој додаде дека човекот нема став кој не го промени. „Македонија има претседател во два облика. Првиот е оној кој се појавува на интервјуа и телевизија и говори она што сака да го чуе народот, а вториот облик е оној кој го среќаваме при носењето на одлуките, целосно спротивен од тоа што претходно го говорел“, вели тој.
„Па од Пендаровски јавно на интервјуа, неговите настапи по телевизиите ќе слушнете за француски предлог дека не го прифаќа, но затоа на маса кога го седнаа без двоумење веднаш го прифати истиот предлог. На интервјуа имаше и тој сомнежи за договорите за Коридорите 8 и 10 д, но на маса ги потпиша сите закони и ги прати во Собрание. ДУИ не само што ги киднапира институциите туку во заложништво го држи СДС и Пендаровски. Фали, уште она како на вицот „трепнете двапати да не сте киднапирани““, појасни Мицкоски.
Имаме, додаде тој, премиер и претседател кои исполнуваат желби на ДУИ само за да си купат време и поддршка за фотелјите кои ги запоседнале. Не прибираат колку штета ќе направат на Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.