Македонија
Мицкоски: Пендаровски јавно да каже дали нема да го бојкотира вториот круг, откако ќе изгуби во првиот

Стево Пендаровски освен тоа што цел мандат го помина како аналитичар без свое јас, а не претседател и личност со интегритет, ќе загуби катастрофално. Толку силно што во вториот круг нема да му се оди на избори. Овој Стево кој што ја прифати улогата на губитник, во неговото опкружување најмногу се плашел од тоа како ќе го смират после првиот круг и како ќе го натераат да ја приврши кампањата до краj, истакна претседателот на ВМРО-ДПМНЕ, Христијан Мицкоски на денешниот митинг во Скопје.
Мицкоски упати прашање до Димитар Ковачевски, Али Ахмети и Стево Пендаровски да кажат дали нема да го бојкотираат вториот круг на претседателски избори откако Пендаровски ќе изгуби во првиот круг.
„Па од тука сакам да упатам јавно прашање до Ковачевски, Али Ахмети и Стево Пендаровски доколку разликата во првиот круг помеѓу идниот претседател професорката Гордана Силјановска Давкова и поразениот Стево Пендаровски биде со шест цифри, дали тогаш Димитар Ковачевски, Али Ахмети и Стево Пендаровски ќе излезете и докрај ќе се борите за да изгубите целосно во вториот круг на претседателските избори или кукавички ќе бојкотирате“, праша Мицкоски.
Тој додаде дека граѓаните во изминативе години видоа СДСМ и ДУИ на што се спремни и подготвени на секакви сценарија кога знаат дека ќе загубат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Кога на моќниците ќе им застаруваат криминалите – сетете се дека ВМРО-ДПМНЕ не гласаше за крај на таквата неказнивост“, велат од партијата Левица

„ВМРО-ДПМНЕ уште еднаш ја покажа својата намера кога зборува за „реформи во судството“ – наместо вистински промени, тие бараат свои судии и обвинители од партиските тефтерчиња“, велат од партијата Левица.
„Со последното гласање во Собранието, ВМРО-ДПМНЕ, заедно со нивните сателити ВРЕДИ и ЗНАМ, одбија да го поддржат Предлог-законот на Левица за измени на Кривичниот законик, кој предвидуваше:
– Дуплирање на роковите за застарување на кривичните дела и
– Незастарливост на кривични дела сторени од службени лица во извршување на функцијата
Со тоа, овие партии јасно порачаа дека не им е до правда, туку до прикривање на криминалот на нивните луѓе. Тие повторно ги предадоа интересите на граѓаните, избирајќи да ги штитат своите корумпирани редови.
Овој предлог на Левица имаше за цел да ги анулира срамните измени на Кривичниот законик од 2023 година, кога СДСМ и ДУИ на брза лента ги изгласаа, а ВМРО-ДПМНЕ им овозможи кворум, по што – многу поранешни и актуелни функционери на ВМРО-ДПМНЕ беа амнестирани преку „застарување“.
ВМРО-ДПМНЕ е партија која глуми борец за правда, но кога ќе дојде момент за вистински реформк, тие одбиваат да ги поддржат. Зошто? Затоа што токму тие најмногу профитираат од сегашниот систем на организирана неказнивост.
Само лани до ноември, во Кривичниот суд застарел 71 предмет. Секој од таквите предмети е симбол за распаднатиот правен систем, за неказнетиот криминал и за договарања под маса. Јавна тајна е дека за „застарување“ постојат ценовници, влијанија, уцени и слично.
Граѓаните веќе не веруваат во никакви „нови почетоци“ од старите партии. Сите гледаат дека кај моќниците нема ни страв од впуштање во кривично дело, ни срам кога истото ќе се открие. Тие знаат дека системот е дизајниран да ги штити.
Левица ќе продолжи бескомпромисно да се бори за крај на неказнивоста. Овој предлог е само еден од низата за која Левица се залага, предлага и ќе продолжи во таа насока – против корупцијата, вистински реформи и промена на системот“, се наведува во соопштението на партијата Левица.
Македонија
Центар, Карпош и Кисела Вода денеска без струја

Од ЕВН Македонија АД известуваат дека денеска без електрична енергија ќе останат:
– Во периодот од 08:00 до 14:00 часот, дел од ул. Мирослав Крлежа и дел од ул. Ленинова, реон кај кафе Правда, општина Центар;
– Во периодот од 08:00 до 14:00 часот, дел од Булевар Партизански Одреди од библиотека кон ул.Лениново, општина Центар;
– Во периодот од 09:00 до 13:00 часот, дел од објектите со парни броеви од ул. Иван Цанкар и ул. Вангел Дину, како и дел од објектите со непарни броеви од ул. Франце Прешерн, општина Карпош;
– Во периодот од 09:00 до 14:30 часот, дел од корисниците на ул. Осло и ул. Будимпештанска, општина Карпош;
– Во периодот од 09:00 до 15:00 часот, ул. Киро Фетак-1, општина Кисела Вода.
Македонија
Претседателот на Хрватска, Зоран Милановиќ во официјална посета на Македонија

Претседателката Гордана Сиљановска-Давкова, денеска ќе биде домаќинка на претседателот на Република Хрватска, Зоран Милановиќ, кој ќе престојува во официјална посета на земјава.
Хрватскиот претседател ќе биде пречекан со највисоки државни и воени почести на церемонија во Кабинетот на претседателката, по што ќе следи тет-а-тет средба на претседателите, а потоа и пленарен состанок на македонската и хрватската делегација.
Во рамки на посетата, претседателот на Република Хрватска ќе положи венец на гробот на Гоце Делчев во црквата „Св. Спас“ во Скопје.