Македонија
Мицкоски пред лидерската: Техничката влада и уставните измени не се предмет на оваа средба

Претседателот на ВМРО-ДПМНЕ, Христијан Мицкоски, пред денешната лидерска средба рече дека партијата останува на истите позиции.
„Денеска треба да се одржи состанок на кој очекувам да се разговара за тоа што беше претходно најавувано од Ковачевски. Денеска е тежок ден за Македонија, за сите нас. За мене, претставува тежок момент, особено сум разочаран и згрозен од прес-конференцијата на оние двајца луѓе, на која не слушнавме ниту еден конкретен доказ. Мое сочувство до семејствата на трагично загубените човечки животи“, рече Мицкоски.
Немаме други позиции, освен оние кажани во јавноста. Јас побарав лидерска во формат во кој тие ќе го изберат, правеа обиди за политички гимнастики повеќе недели за на крајот да завршиме на таква средба. За неколку месеци од денеска ќе дојде крајот и ќе има одговорност, рече лидерот на ВМРО-ДПМНЕ.
Тој рече дека уставни измени нема да има додека не се види јасно поместување на асимилаторската политика на Бугарија кон македонската заедница таму. Како што изјави техничката влада, ниту уставните измени не се предмет на денешната средба.
„Јас не се шегувам со тоа што го кажувам, уставни измени нема да име додека немаме јасен европски пат и додека не видиме јасно поместување на хегемонистичките и асимилаторски политики на нашиот источен сосед кон македонската заедница во Бугарија. Јас тврдам дека за неколку месеци од денеска многумина политичари ќе бидат минато. Техничката влада не е предмет на оваа средба, туку датум на парламентарните и претседателските избори“, додаде Мицкоски.
На лидерската средба пристигнаа и премиерот Димитар Ковачевски и вицепремиерот за економски прашања, Фатмир Битиќи, но тие не дадоа изјави за новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.
Македонија
Посебен сообраќаен режим утре во Скопје

Од утре петок до сабота, во официјална посета на Р.С.Македонија ќе присуствува претседателот на Владата на Република Србија, Ѓуро Мацут.
Од тие причини Едницата за безбедност на патниот сообраќај ќе преземе мерки за посебен режим на сообраќај на подрачјето на град Скопје.
МВР апелира до граѓаните да се почитуваат наредбите што ќе ги даваат униформираните полициски службеници.
Македонија
Судијата за врски на Франција за балканскиот регион во посета на Јавното обвинителство

Јавниот обвинител на Република Северна Македонија Љупчо Коцевски денеска се сретна со францускиот амбасадор Кристоф Ле Риголер, на средба за претставување на новоназначениот судија за врски на Република Франција за регионот Сирил Лакомб.
Тој е еден од вкупно 20 судии за врски на Франција во светот, а од државниот обвинител Коцевски се информираше директно за состојбите во обвинителството. Притоа, судијата за врски Лакомб понуди поддршка со оперативна и техничка помош, но и експертиза преку француските правосудни органи.
Бидејќи и самиот бил јавен обвинител и лице за врски на Република Франција со Европравда, Лакомб се интересираше и за постапката за делегирање на обвинителот за врски на Република Северна Македонија во оваа меѓународна институција.
Јавниот обвинител Коцевски, од своја страна, изрази благодарност за континуираната француска поддршка за работата на Јавното обвинителство.