Македонија
Мицкоски: Се консултиравме со високите претставници на ЕУ за неуспехот во реформитe, високото ниво на корупција и криминал

Разговаравме околу актуелната ситуација во Македонија, високото ниво на корупција и криминал чиј што главен промотор е Владата на ДУИ поддржана од помалиот коалициски партнер СДСМ. Потоа зборувавме за неуспехот во реформите, за сето она лошо што се случува во образованието, здравството, лошата состојба на земјоделците, рече лидерот на ВМРО-ДПМНЕ, Христијан Мицкоски по средбите во Брисел со високи претставници на ЕУ.
Мицкоски посочи дека како ВМРО-ДПМНЕ, се консултирале со европските претставници за можни решенија.
„Се консултиравме со луѓето, високите претставници на ЕУ, со луѓето од Европскиот парламент за можните решенија кои идната влада на ВМРО-ДПМНЕ треба да ги преземе во насока на решавање на овие реални проблеми“, кажа Мицкоски.
Мицкоски посочи дејка посебен фокус во разговорите бил ставен на корупцијата.
„Посебен фокус ставивме на високото ниво на корупција и криминал во државата и како да владее правото. Денес имаме држава каде гледаме како владеат банди заштитени од криминални политичари, а најмалку владее правото во Македонија“, посочи Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.