Македонија
Мицкоски: Сплотени и заеднички да го промениме безнадежното секојдневие и да создадеме иднина и земја на среќни граѓани

Честитка од претседателот на ВМРО-ДПМНЕ, Христијан Мицкоски, за католичкиот Божиќ:
„Од мое лично име и од името на ВМРО-ДПМНЕ на сите верници од христијанска вероисповед, кои се раководат според грегоријанскиот календар, да ви го честитам големиот христијански празник Божиќ.
Нека најсветлиот празник Божиќ ви донесе мир и спокој и ги исполни вашите домови со радост. На овој ден, кој означува раѓање надеж за подобра иднина, да ги споделуваме христијански вредности, како почитта и хуманоста, и заедно да си помагаме.
Токму надежта за подобро утре е тоа што нè води отсекогаш и затоа е важно да бидеме сплотени и заедно да работиме за да создадеме подобар живот и иднина за нас и за нашите деца.
Тоа е многу важно затоа што живееме во едно тешко време со сиромаштија и безнадежност. Затоа во духот на денешниот ден треба да работиме тоа да го промениме. Сите обединети и заеднички да работиме да се смени секојдневието на подобро. Само сплотени, со почит и разбирање, можеме да создадеме дела што ќе ги остават зад нас несигурноста и безнадежноста, а ќе донесат успех, подобар живот и иднина во која веруваме. Македонија мора да стане земја на среќни граѓани“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.