Македонија
Мијалков до Мицкоски: Ти директно одработи за СДСМ, твоите грешки ги плаќа ВМРО-ДПМНЕ
Христијан, грешиш, а очекувано е да грешиш кога те фаќа паника и мора да се правдаш и да смислуваш приказни за да си ги оправдаш грешките. Грешиш како што грешеше постојано овие три години. Твоите грешки, за жал, ги плаќа ВМРО-ДПМНЕ, а тие резултираа со два изборни пораза на претседателските и парламентарните избори, а ги загуби и локалните избори во Охрид и во Ново Село, му напиша Мијалков на Христијан Мицкоски.
Христијан грешиш, а очекувано е да грешиш кога те фаќа паника и мора да се правдаш и да смислуваш приказни за да ги…
Posted by Sasho Mijalkov on Вторник, 28 јули 2020
„На сите овие избори, вклучително и на последните, ти си тој што директно одработи за СДСМ. Доколку оставиме на Заев и СДСМ да избираат, ќе те изберат тебе за уште десетпати по ред да те згазат на избори, а ти да ја бараш вината за поразите на друго место, но не кај себе и кај луѓето со кои соработуваш.
Ти и сите околу тебе што се борат да останеш претседател се тие што одработуваат за Заев затоа што со тебе на чело ВМРО-ДПМНЕ никогаш нема да се врати на победничка патека, а тоа е единствено во интерес на Заев и СДСМ. Човек што разединува и не ја бара одговорноста во себе, нема лидерски капацитет.
Еве, за парламентарните избори, биди искрен и признај дали понудата за граѓаните беше добра и ги привлече неутралните избирачи?
Дали кандидатите за пратеници, кои ти ги избра, повлекоа поголем број гласови или го оствари најслабиот резултат во историјата?
Дали ти како шпицен кандидат успеа да го достигнеш барем последниот резултат на ВМРО-ДПМНЕ од 2016 година или освои 150.000 гласови помалку?
Да не се лажеме. Имаш максимална поддршка од мене да составиш влада и во судиското продолжение да го свртиш резултатот. Доколку го сториш тоа, јас ќе бидам првиот што ќе ти честита. Доколку не успееш, тогаш ќе мора да понесеш одговорност затоа што му овозможи на СДСМ повторно да формира влада.
П.С. Барањето одговорност од тебе и твојот тим не е напад на ВМРО-ДПМНЕ. Обиди се да ја надминеш суетата. Не поистоветувај се со партијата. Не ти личи. На ВМРО-ДПМНЕ ќе му тргне тогаш кога ќе добие сериозно лидерство!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Метеоролозите најавуваат поинтенезивни врнежи ноќеска и утре, од среда стабилизирање
Времето денес променливо облачно со повремени локални врнежи од дожд, најпрвин во западните делови каде ќе бидат пообилни и поројни со услови за појава на грмежи. Ќе дува умерен југоисточен, а во западните делови повремено засилен ветер од југозападен правец. Минималната температура ќе биде во интервал од 6 до 12, а максималната ќе достигне од 16 до 22 степени.
Во Скопје, променливо облачно со повремени врнежи од дожд, особено во текот на ноќта. Ќе дува умерен југоисточен ветер. Минималната температура ќе се спушти до 11, а максималната ќе достигне до 19 степени, јавува УХМР.
Денес најпрвин во западните, а во текот на ноќта и во понеделник претпадне насекаде, ќе има врнежи од дожд кои повремено ќе бидат пообилни и поројни со услови за појава на грмежи. Поинтензивни процеси во форма на невреме со пообилен пороен дожд (локално над 30 l/m²) и засилен ветер се очекуваат во текот на ноќта, особено во западните делови од земјата. Во вторник ќе има локални врнежи од дожд со послаб интензитет, а потоа во следните денови времето ќе биде стабилно со благ пораст на дневните температури.
Македонија
Герасимовски: Воведуваме „Центарска картичка“ со попусти за културни, спортски настани, локали и продавници
Кандидатот за градоначалник на Општина Центар, Горан Герасимовски, денеска најави дека се воведува „Центарска картичка“ со попусти за културни и спортски настани, локали и продавници.
„Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички“, како и попусти за влез на базен. На нашите центарци, на децата и возрасните им овозможуваме подобри услови и поволности“, рече Герасимовски.
Македонија
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување.
Јонуз беше активен во политичкиот живот во Македонија не само како аналитичар и колумнист, туку и како поранешен советник и портпарол на поранешниот претседател на Собранието, Лупчо Јордановски и на поранешниот премиер Бучковски.
Во 2021 година Јонуз беше носител на листа на советници за Град Скопје предложен од „Твоја Партија“.
Јавноста го познаваше како чест гостин во политичките дебатни емисии на телевизиите.
Погребот на Агим Јонуз ќе се одржи утре, 26 октомври 2025 година, на гробиштата во Бутел.

