Македонија
Мијалков нè избрка, сега бараме Бугарија да ја спаси куќата на големиот бугарски писател Талев, велат неговите наследници
																								
												
												
											Димитар Талев е една од најобединувачките фигури меѓу Бугарија и Македонија. Мора да градиме мостови меѓу двата народа, а Талев е пример, ја сака Македонија. Сакаме државата да влезе во директни преговори со сопствениците на куќата на Талев, да ја откупи и зачува“, порача Димитар Панчев, наследник на бугарскиот писател Димитар Талев, јавува „Бгнес“.
Наследниците на писателот Талев, студентскиот клуб „Кан Кубер“ и клубот „Патријархатот и патриотизам“ на прес-конференција во врска со можностите и решенијата за куќата на Талев ја повикаа бугарската држава да направи сè што е потребно за да се зачува овој, како што велат, споменик на Бугарија во Македонија.
„Куќата паѓа. Ние сме протерани од нашата земја. Сашо Мијалков, ексдиректорот на Управата за безбедност и контраразузнавање, нè избрка од таму и се вративме кај татко ми. Приказната за Димитар Талев се повторува, тој беше избркан, сега јас и моето семејство бевме избркани. Срамота за Бугарија, да не може да собере 100.000 евра за една куќа, срамота“, изјави Снежана Аческа.
„Бугарската држава треба да зачекори во својата улога и да ја спаси куќата на големиот бугарски писател од РСМ – Димитир Талев. Не треба да дозволиме да се отсече националното и културното наследство. Турската страна сака да ја даде куќата под закуп бидејќи е пример за отоманска архитектура, турската држава има фокусирана политика да ги зачува овие објекти, врз кои имала влијание, ова е т.н. мека моќ. Бугарија треба да има насочена политика кон такви луѓе, кои се толку важни за Бугарија“, рече Љубомир Талев.
„Куќата на Димитар Талев е света за сите нас – во неа се развиле познати романи“. Ова го изјави професорот Михаил Неделчев.
„Бугарија да има една куќа – музеј, симбол на бугарската култура и литература во центарот на Прилеп, тоа дефинитивно треба да се случи. Како историчар силно ја поддржувам оваа кауза и максимално ќе помогнам да се зачува куќата на Димитар Талев“, истакна Неделчев.
„Каква и да е цената на таа куќа, таа е неспоредлива со бесценетата литература на Димитар Талев. Ова е огромен имот за Бугарија и треба да се зачува, куќата нека се изнајми бидејќи за бугарската страна тоа е бесценето“, вели наследникот на Гоце Делчев.
„Ако имаме проблем, тоа се нарекува индолентност на бугарската држава. Ние треба да го чуваме споменот на Димитар Талев, тој може да стане објект на туризам меѓу двете страни. Овој објект може да бара европско финансирање“. Ова го предложи Спас Ташев од БАН.
На прашањето на „Бгнес“ до кои институции се доставени барањата за зачувување на куќата на познатиот писател, Димитар Панчев изјави дека биле доставени писма до МНР и до Министерството за внатрешни работи и Министерството за култура, но досега, како што кажаа, нема резултат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Македонија
Утре променливо облачно време, од четврток до понеделник дожд, најавува УХМР
														Времето утре ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе биде во интервал од 5 до 8, а максималната ќе достигне од 12 до 17 степени.
Во Скопје, променливо облачно претпладне со повремен слаб дожд. Ќе дува умерен, северен ветер. Минималната температура ќе се спушти до 7, а максималната ќе достигне до 15 степени.
Во среда и четврток во утринските часови има услови за појава на магла. Под влијание на влажна воздушна маса, од четврток од вечерните часови па се до понеделник, следува период на променливо облачно време со повремени локални врнежи од дожд, наместа пообилни.
Македонија
Герасимовски на средба со противкандидатките Ивановска и Среброва, споделени предлози и идеи за поквалитетен Центар
														Градоначалникот на Општина Центар, Горан Герасимовски, денеска одржа средба со противкандидатките од локалните избори, Билјана Ивановска од „Независни заедно“ и Марија Среброва од „Левица“. Поради работни обврски, на средбата не присуствуваше кандидатот Мирослав Лабудовиќ од „Знам“.
На состанокот, на кој присуствуваа и раководителите на секторите во општината, се дискутираше на повеќе теми од интерес на граѓаните: урбанизам, зеленило, нови паркинг-зони, планираното затворање на сообраќајот во Дебар Маало и друго.
„Високо ги ценам и почитувам моите противници во изборниот процес. Уште на предизборните дебати јавно потенцирав дека секој нивен предлог и иницијатива ќе бидат добредојдени. Нивните искуства со кои влегоа во трката, Среброва како советник во Советот на Општина Центар и Ивановска како поранешна претседателка на ДКСК, го кренаа нивото и квалитетот на целиот изборен процес. Се надевам дека ќе продолжиме со блиска соработка и во иднина,“ рече Герасимовски.
На средбата беше договорено ваквите состаноци да продолжат и понатаму, со цел развивање на заеднички иницијативи во интерес на жителите на Центар.
Македонија
Ќе работиме со транспарентност: Меџити го презеде мандатот како градоначалник на Чаир
														Денес, новоизбраниот градоначалник на општина Чаир, Изет Меџити, и официјално го презеде својот мандат.
Во своето обраќање по повод преземањето на функцијата, Меџити истакна дека ова враќање за него претставува чувство на чест и длабока одговорност кон граѓаните на Чаир кои му укажаа доверба со неспорна изборна победа на последните локални избори.
„Од денес се враќам во моето место, меѓу моите луѓе, со чест, со скромност и со длабока благодарност. Чаир секогаш ме поддржувал, а овој пат ми даде силен мандат, доверба што ќе ја претворам во чесна работа, конкретни резултати и управување што го познава само јавниот интерес,“ истакна Меџити.
Тој додаде дека Чаир е дел од неговиот идентитет, дел од неговата лична историја и јавна мисија, нагласувајќи дека секој успех што ќе следи ќе го носи печатот на граѓаните кои никогаш не се откажаа.
„Пред нас стои ново поглавје. Ќе работиме со јасен план, со транспарентност и со храброст за да направиме големи промени. Имам доверба во луѓето на Чаир, во нивната енергија, талент и љубов кон ова место. Од денес започнува работата за општина Чаир што ја сакаме, од денес започнува нашето време!“, додаде Меџити.

