Македонија
МТСП: Валандово добива нова градинка, во Пирава решаваме долгогодишен предизвик

На денот на ослободувањето на Валандово, Министерката за труд и социјална политика, Јованка Тренчевска и градоначалникот на Општина Валандово, Перо Костадинов најавија нова градинка во Пирaва, Валандово која ќе го реши долгогодишниот предизвик на Пирaва за сместување на децата во предучилишни установи.
Тренчевска при посетата на местото каде ќе се реализира проектот на новиот објект истакна дека ова е уште еден доказ дека соработката со општините секогаш придонесува кон подобар квалитет на живот на граѓаните.
Градоначалникот Костадинов посочи дека за него детската заштита останува да биде приоритет број еден. Тој истакна дека трендот на зголемување на капацитетите на градинките мора да продолжи како и во изминатите години.
Во Општина Валандово во 2019 година беше изграден нов објект во село Брајковци со капацитет од 50 деца, додека во 2022 година беше изграден нов објект во село Јосифово со капацитет од 52 деца. И двата објекти се финансирани од страна на Министерството за труд и социјална политика за кои се инвестирани повеќе од 37 милиони денари, извести МТСП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.
Македонија
Оставката на Папазов помина на владина седница

Владата ја прифати оставката на градоначалникот на Кочани, Љупчо Папазов.
Советот на општината ќе треба да назначи в.д. градоначалник на Кочани, откога одлуката ќе биде објавена во „Службен весник“.
Инаку, Папазов ја поднесе оставката по пожарот во дискотеката „Пулс“ каде животот го загубија 59 лица, а околу 200 беа повредени и префрлени низ клиниките во земјава и странство.
Папазов по оставката беше приведен и одреден му беше притвор. Во куќен притвор се и неговите двајца претходници од градоначалничката фотелја.
Според истрагата, тројцата осомничени градоначалници на Кочани во периодот од 2012 година до 16 март кога се запали дискотеката, не ги извршиле своите правни обврски во согласност со Законот за заштитата и спасувањето, со што овозможиле кабарето „Пулс“ незаконито да продолжи со вршење угостителска дејност. За целиот овој период, како што беше истакнато, Општината примала уплати по основ на надоместок за угостителски објект.