Македонија
Муфтиите со писмо: Мухамед Зеќири ја предводи хајката против ИВЗ

Муфтиите на муфтиствата на Исламска верска заедница реагираат на изјавата на Мухамед Зеќири, пратеник и заменик-претседател на СДСМ за, како што наведуваат, „клеветите и шарените невистини и небулози искажани во однос на имамите и членовите на највисоките тела и органите на ИВЗ”.
„Вистината секогаш е спротивна со изнесената тешка невистина, и затоа без да сакаме да влеземе во некоја непродуктивна дебата, апелираме кај секој назначен функционер на јавна функција свесно да си ги изработи своите должности и ветувања кон граѓаните и институциите. Поради овој факт, сакаме да го потсетиме пратеникот Зеќири дека пред да се занимава со внатрешното уредување на ИВЗ, дека ИВЗ е уставна категорија во државата, докажана со своето работење и делување. Тој како дел од владините структури и раководител на државни институции треба да почне да ги решава проблемите за кои со години не добиваме одговор, а сега како функционер е должен да ги решава истите.
Наместо тоа, вие ја предводите хајката против ИВЗ и реисот во којашто сте ги вклучиле и обвинителството, Хелсиншкиот комитет и медиумите. Исто така, постојат сериозни сомненија дека вие соработувате со пучистите што ја нападнаа ИВЗ и се сретнувате со нив во владини простори. Поради тоа што си медресант, ние муфтиите сме потресени од твојот однос и ќе размислиме да ја поништиме дипломата добиена во Медресе. А за да имаш појасна слика за проблемите со кои се соочуват твоите поранешни колеги медресанти, те потсетуваме дека Медресето Иса Бег и понатаму не е акредитирана од Министерство за образование како средно училиште, а твоите колеги медресанти по завршување се соочуваат со затворени врати од нашите универзитети, а тоа е голема штета не само за медресето туку и за целото муслиманско општество во РСМ.
Со години стои нерешен проблемот со голем број џамии во земјата, како Јени џамија во Битола, Хусамедин џамија во Штип, Орта џамија во Струмица, Чарши џамија во Прилеп, Али-пашина џамија во Охрид, кој и покрај соодветни документи со кој може да се потврдува сопственоста, не ѝ се враќаат на ИВЗ.Продолжува децениска битка за изградба на џамија во село Лажец, Битолско, каде што муслиманите и ако со ист број со православните верници во тоа село, немаат џамија, а во селото има две цркви”, се наведува во соопштението.
Според муфтиите, и покрај тоа што ова година ,,славеле” 20 години процес за денационализација, барањата на ИВЗ и натаму не се процесираат во законски рокови и со тоа се прави голема штета.
„Крстовите на Саат-кулите во Прилеп и Битола продолжуваат да зборуваат за една дискриминаторска политика на овие институци кон нас. Време е да размислите како да се остранат истите. Разни државни институции продолжуваат да создават секојдневни вештачки проблеми, што за нас претставува провокација.На сите верски уставни заедници државата им обезбеди место за резиденција, ИВЗ уште ја чека истата.
Тоа се само дел од секојдневните проблеми со кои ние се соочуваме секој ден, секоја година, секоја деценија, и место непродуктивни критики преку јавните медиуми, ваше е да почнете да преземате активности за подобрување на меѓуетничката и меѓуверската кохезија и развивање на демократските и граѓанските вредности во РСМ.Овие проблеми се дел и од ветувањата на оваа реформска Влада во која и вие имате значителна улога.
За крај, ваше е, место критики, да почнете со работа и да ги решавате и овие проблеми кои ги тангираат сите муслимани во земјата. Сè друго е дневно-политичко профитерство од кое ние се оградуваме. А ние како муфтии на муфтиствата на ИВЗ, го поддржуваме до крај Реисул Улема х. Сулејман еф. Реџепи бидејќи тој е докажана личност во земјата и надвор од неа, носител на голем број признанија и пофалби за неговата конструктивна работа во правец на унапредувањето на состојбата на муслиманите и на верскиот живот. Ние, исто така цврсто ја подржуваме ИВЗ како единствена институција што се грижи за организирање на исламскиот живот во РСМ со посебна пожртвуваност и убедување”, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Министерството за одбрана реагира на соопштението на СДСМ: Лицемерно, со манипулација на факти и со целосно извртување на вистината

„Лицемерно, со манипулација на факти и со целосно извртување на вистината – така се карактеризира соопштението од политичката партија СДСМ која се обидува редовна и навремена набавка која се спроведува години наназад и се однесува на потребите на Армијата и СИТЕ угостителски објекти на Министерството и Армијата, вклучувајќи го и Домот на Армијата, авто камповите во Дојран и Охрид, како и Хотелот „Шар“ на Попова Шапка, да ја претстави во сосема поинакво светло. Првенствено, треба да се има предвид дека набавеното кафе и пијалоци во угостителските објекти кои се од отворен карактер за граѓаните, се во слободна продажба, а приходот од продажбата повторно влегува во македонскиот буџет“, реагира Министерството за одбрана на соопштението од политичката партија СДСМ.
„Впрочем, имајќи предвид дека последните седум години со Министерството раководеа кадри на оваа политичка партија, кои ги правеле ИСТИТЕ набавки, се поставува прашањето – дали тие не знаеле што прават, дали се „луксузирале“ со народните пари или сега се обидуваат да стават сомнеж на функционирањето и побарувањата од не било која, туку најценетата и најпочитуваната институција во државата – македонската Армија?
Фактите се следни:
Набавката на кафе и алкохолни пијалоци е спроведена во јавна и транспарентна постапка. Целата документација, вклучително и тендерската документација, договорите и одлуките се јавно достапни на Порталот за јавни набавки и секој граѓанин, новинар или институција може слободно да направи увид, анализа и споредба со набавките од претходните години.
Набавката се однесува на угостителски објекти од отворен тип, кои се користат во рамките на протоколарни, воени и меѓународни активности, а не за „удобност“ на министри, како што лажно се тврди.
Години наназад е спроведена ИСТА ТАКВА НАБАВКА, која оваа година (во споредба со 2023 година) е со многу помали количини, на пример: ставката за алкохолни пијалоци е намалена од 50 до 88 проценти, а жестоките алкохолни пијалоци кои претходно биле набавувани се целосно отстранети.
Сумата на договорот во 2025 година е намалена за 15 проценти во споредба со 2024 година и за речиси 40 проценти во споредба со 2023 година.
Прашањата кои се поставуваат се логични: Или раководството од СДСМ кое го предводело Министерството не знаело што работи и што набавува или политичката партија влегува во едно црно сценарио во кое се обидува да ја вметне и македонската Армија.
Ги повикуваме сите медиуми да не ги земаат предвид ваквите дезинформации кои се пласираат во јавноста особено од страна на политички партии. Борбата со дезинформациите и манипулацијата со фактите е нешто против кое треба сите заедно да се бориме вклучувајќи ги и политичките партии, а не тие да потекнуваат токму од овие кујни.
Се работи за македонските граѓани и за Македонија и токму затоа не смееме да дозволиме граѓаните да бидат излажани“, се наведува во реакцијата од Министерството за одбрана на соопштението од политичката партија СДСМ.
Македонија
Од утре се нормализира сообраќајот на регионалниот пат Нова Брезница – Македонски Брод преку националниот парк Јасен

Утре од 05.00 часот регионалниот пат Р 1106 Нова Брезница – Македонски Брод преку националниот парк Јасен ќе биде пуштен за сообраќај во термините од Министерство за внатрешни работи, извести АМСМ.
Македонија
(Видео) СДСМ Прилеп: Заради протест на вработените, прилепчани останаа без градски превоз

„Систематски, како по книга, ВМРО-ДПМНЕ го уништува Прилеп! Неисплатената плата на вработените во Јавното претпријатие за просторни и урбанистички планови, е причина за тридневниот прекин на градскиот превоз во Прилеп. Како главни виновници за настанатата ситуација, вработените и директорот на јавното претпријатие ги посочија Општината, односно училиштата, кои на претпријатието му должат фантастични 7 милиони денари“, вели Саша Лепиткова, претседателка на Форум на жени на ОО СДСМ-Прилеп.
„Така, неспособноста на градоначалникот Борче Јовчески и аматерското водење на институциите од страна на директорите на ДПМНЕ, ги принуди прилепчани сами да се снаоѓаат и да го решаваат проблемот кој им го сервираше локалната власт.
Со тоа, после само два дена на виделина излегоа лагите за „успешното“ функционирање на локалните институции, кои преку таканаречениот „Отчет“ Јовчески и ДПМНЕ ги презентираа на партискиот „Саем на срамот“ во Скопје.
Лага е дека Општината набавила 5 нови минибуси за градскиот превоз, а уште поголема лага тезата за „огромните“ инвестиции во основните и средните општински училишта.
Да биде трагикомедијата поголема, токму лошото менаџирање на овие институции и нивната меѓусебна спрега, ги доведе во ќорсокак вработените во јавното претпријатие за просторни и урбанистички планови.
Граѓаните на Прилеп немаат никаква дилема дека актуелната владејачка гарнитура на ДПМНЕ, е најлошата од постоењето на градот.
После обврските од 6 милиони евра кои Јовчески и ДПМНЕ му ги оставаат на новиот градоначалник, после испустените јавни претпријатија, прашањето кое се наметнува е – ќе имаат ли време до крајот на мандатот да уништат уште нешто?“, изјави Саша Лепиткова, претседателка на Форум на жени на ОО СДСМ-Прилеп.