Македонија
Наставниците бараат зголемување на платите, МОН им одговори дека Законот го блокира ВМРО-ДПМНЕ

Министерството за образование и наука ги повикува наставниците и Наставничкиот пленум барањето за зголемување на платите да го упатат до пратениците во Собранието, каде со месеци е заглавен предлог-законот со кој се обезбедува континуиран раст на платите на наставниците.
„Владата и Министерството за образование и наука работи во интерес на наставниците и обезбедување на нивна правна сигурност и подобрување на нивниот статус. Во таа насока е Законот за изменување и дополнување на Законот за наставниците и стручните соработници во основните и средните училишта, со кој платите на наставниците треба да се зголемуваат согласно растот на минималната плата во државата. За жал, овој закон со кој се унапредуваат наставничките права e блокиран од пратениците на ВМРО-ДПМНЕ“, велат од МОН.
Министерството потсетува дека во изминатите 4 години платите на наставниците кои имаат работен стаж од 10 години се зголемени за околу четири и пол пати, односно за 4.000 денари, додека во време на владеењето на ВМРО-ДПМНЕ зголемувањето изнесувало само 800 денари.
Дополнително минатата година, но и оваа година, блок-дотациите кон општините се зголемени за 2 процента. Во ова зголемување, освен средства за набавка на потребните материјали и средства за хигиена и дезинфекција се предвидени средства за исплата на прекувремените часови работа на наставниците.
Претходно, Наставничкиот пленум побара зголемување на платата на сите вработени во образованието за 20 отсто од јануари, следната година.
Во барањето кое го упатува до министерката за образование и наука Мила Царовска, Наставничкиот пленум посочува дека големо мнозинство од неговите членови се изјасниле дека се незадоволни од сегашните примања на вработените во образовните институции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски во увид на реконструкцискиот зафат во ООУ „Круме Кепески”

Градоначалникот на Општина Кисела Вода, Орце Ѓорѓиевски, изврши увид во градежни зафати во ООУ „Круме Кепески“, каде во пресрет на новата учебна година се работи на значајно подобрување на условите за учениците и наставниот кадар.
Со уреден влез, нова урбана опрема, освежени и реконструирани училници, замена на подови и поправка на оштетената фасада, ова училиште добива нов изглед и унапредени услови за работа.
-Влогот во најмладите е влог во иднината! Основните училишта во Кисела Вода се подготвени да ги пречекаат учениците на почетокот од новата учебна година, со подобрени услови. Во ООУ „Круме Кепески“ се изведуваат значајни градежни зафати сѐ со цел да се подобри образовниот процес. Влезот е уреден со павер елементи, а дворот доби нова урбана опрема. Освежени се со боја и реконструирани 7.500 м² ѕидови во десет училници и ходници. Набавени се нови клупи и столчиња, а во тек е замената на стариот под со нов PVC. Поправена е и фасадата, која претходно беше оштетена од несовесни граѓани.
Во изминатите четири години направивме голем исчекор – од стари и руинирани училници, до нови и проширени училишта. Целосно го дигитализиравме наставниот процес и создадовме современи услови за учење. Сите училишта добија фотоволтаици, додека сите наставници компјутери. Обезбедивме и ранче за секое прваче и униформа за сите ученици. Продолжуваме со уште посилно темпо, затоа што нашите деца и ученици се нашата иднина. Тие го заслужуваат најдоброто“, изјави градоначалникот Орце Ѓорѓиевски.
Македонија
СДСМ бара разрешување на Михајлов и целосна истрага за „Еразмус+“

СДСМ побара разрешување на в.д. директорката на Националната агенција за европски образовни програми, Ана Михајлов, и целосна истрага за наводните злоупотреби во рамки на програмата Еразмус+.
На прес-конференција, потпретседателот на СДММ, Јовица Јанковиќ, изјави дека ОЛАФ – Европската канцеларија за борба против измами, во својот извештај објавен минатата година, наведува злоупотреби на европски средства во вредност од милиони евра.
„Во извештајот на ОЛАФ, којшто е јавно објавен, постојат сомнежи дека во периодот кога Михајлов била одговорно лице за евалуаторите, преку вмрежени лица и фирми се злоупотребени над 2 милиони евра. Иако извештајот е доставен во 2023 година, до ден-денес нема обвинителен акт. Клучното прашање е дали со назначувањето на Михајлов власта има за цел да ја блокира и влијае на истрагата на ОЈО и ОЛАФ?“, рече Јанковиќ.
Тој додаде дека постојат информации од свиркачи за доделување на над 8 милиони евра на фирми под сомнителни околности и дека претходниот конкурс бил поништен за да се назначи в.д. директорката.
СДСМ бара од Владата да ја разреши Михајлов и итно постапување на Јавното обвинителство за процесуирање на сите инволвирани лица, нагласувајќи дека европските средства наменети за младите и образованието не смее да се користат за партиски или личен профит.
Македонија
СДСМ: Милионските вмровски шеми во „Еразмус+“ мора да бидат расчистени и да следи одговорност

„Скандалот со вмровските шеми во Еразмус+ вреден милиони евра мора целосно да биде расчистен од страна на Обвинителството и да следи одговорност“, велат од СДСМ.
„Владата назначи лице под активна истрага на Европската канцеларија за борба против измами (ОЛАФ) за в.д. директор на Националната агенција.
Тоа јасно ја покажува намерата на власта да ги штити партиските и бизнис интереси по секоја цена, да се обиде да влијае на случајот којшто е во Јавното обвинителство откако ОЛАФ го достави изветајот со сите наоди.
Официјалниот извештај на ОЛАФ од 2023 година наведува постоење на основан сомнеж за злоупотреба на над 2,2 милиони евра европски пари во период на владата на Груевски, почнувајќи од 2016 година.
Владата веднаш треба да ја разреши Ана Михајлов а Јавното обвинителство без одлагање да постапи по наодите на ОЛАФ.
За злоупотреби нема место во образованието. Одговорност мора да има“, соопшти СДСМ.