Македонија
Наставници кои воопшто не го знаат знаковниот јазик им предаваат на учениците со оштетен слух во средното „Партенија Зографски“, утврди омбудсманот
Канцеларијата на народниот правобранител утврди дека во единственото државно средно училиште за ученици со оштетен слух во земјата, „Партенија Зографски“ во Скопје, предаваат наставници што воопшто не го познаваат знаковниот јазик или не го познаваат доволно. Васка Бајрамовска-Мустафа од канцеларијата на народниот правобранител рече дека нивната анализа покажала дека ниеден наставник нема шесто, највисоко, ниво на познавање на знаковниот јазик иако обуките за наставниците се бесплатни.
„Особено загрижува фактот што постојат наставници што не го знаат воопшто, а има и такви што се на почетно ниво на изучување на знаковниот јазик, иако некои од нив веќе подолго време се вработени во училиштето, односно имаат повеќе години работно искуство во училиштето. Во учебната 2023/24 година тројца наставници почнале почетна обука. Прво ниво на обука имале завршено тројца наставници, за жал, дури двајца од нив се со стаж од 15, односно 20 години. Двајца вработени завршиле второ ниво на обука и четворица се со трето ниво на обука. Со завршено четврто ниво имало деветмина вработени, а петто ниво на обука имале завршено четворица наставници. За жал, ниеден од вработените нема завршено шесто ниво ниво на обука на знаковен јазик. Во оваа учебна година податоците што ги обезбедивме покажуваат дека нема значителни промени. Напредување во следно ниво има кај вкупно шестмина наставници, и тоа еден од вработените од второ ниво преминал на трето, двајца од трето преминале на четврто ниво, двајца од четврто преминале на петто ниво, а еден наставник, кој бил петто ниво, во меѓувреме стекнал сертификат за толкувач. За жал, сите други наставници и воспитувачи се на истото ниво на познавање на знаковниот јазик како и минатата учебна година“, рече Бајрамовска-Мустафа.
Таа нагласи дека во училиштето има двајца вработени со оштетен слух. Едниот е на работно место воспитувач, а другиот е наставник по практична настава, чиј мајчин јазик е знаковниот јазик, како што бара Конвенцијата за правата на лицата со попреченост.
Во разговори со учениците, за што претставниците на омбудсманот ангажирале сертифициран толкувач, откриле дека повеќето наставници наставата ја изведуваат вербално, со пишување на табла или, пак, со споделување печатени материјали, кои на учениците не им се доволно јасни. Оценувањето, пак, учениците го нарекле лотарија.
„При проверка на знаењата, односно за време на испрашувањето, учениците кажаа реченици од типот ‘нашето оценување е како лотарија, ставаат двојки, тројки, четворки, петки, без да ни го проверат знаењето. Доволно е само да го препишеме она што го пишуваат на табла’. Дополнително, укажаа дека одговараат со помош на соученик кој е наглув и кој добро го знае знаковниот јазик и во една таква состојба ваквиот ученик има улога на толкувач“, вели Бајрамовска- Мустафа и објаснува дека учениците не се чувствуваат доволно спремни да го продолжат образованието на факултет или да се вработат.
Денес, по повод Денот на лицата со попреченост, народниот правобранител испрати препораки до училишниот центар и до Министерството за образование за преземање итни мерки со кои ќе им се овозможи на учениците со оштетен слух да добијат образование на знаковен јазик.
На училиштето му препорача за воспитно-наставниот кадар, кој во моментот реализира настава, а не го познава или не го познава солидно знаковниот јазик, да обезбеди сертифицирани толкувачи на знаковен јазик во наставата со цел ефикасна и квалитетна комуникација со учениците и соодветно пренесување на наставните содржини.
Има препорака и компетентни лица, сертифицирани толкувачи, редовно да вршат евалуација на нивото на познавање на знаковниот јазик на наставно-воспитниот кадар за да се утврди евентуалната потреба од дополнителни, напредни и поспецифични обуки за изучување на знаковниот јазик во одредена научна област.
На Министерството за образование, пак, омбудсманот му препорача да преземе мерки за системско решавање на проблемот со непознавање на знаковниот јазик на начин што ќе го уреди познавањето на знаковниот јазик како облигаторен за наставно-воспитниот кадар на соодветно ниво во согласност со работното место, но и за другиот работен кадар, кој е во секојдневен контакт со учениците со оштетен слух.
Заедничка препорака за Министерството, училишниот центар и здруженијата на граѓани за лицата со оштетен слух е да преземат мерки со цел обезбедување задолжителни континуирани обуки за вработените за изучување на знаковниот јазик преку кој ќе се зајакнат и подобрат вештините на употреба на знаковниот јазик во комуникацијата со учениците.
Во „Партенија Зографски“ оваа учебна година има вкупно 45 ученици, што е за шест ученици повеќе отколку минатата учебна година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Контролираните судии од тефтерчињата на ДПМНЕ се срам за македонското правосудство
Бране Петрушевски, кој не знае ништо друго освен да држи прес-конференции и да глуми опозиција, треба да знае дека сите судии кои денес се дел од судскиот систем се од „тефтерчињата“ на неговите партиски поранешни функционери, реагираат од СДСМ на изјавата на пратеникот од ВМРО-ДПМНЕ дека пресудата за случајот со модуларната болница во Тетово е срамна.
„Петрушевски треба исто така, да ѝ каже на јавноста дека токму ВМРО-ДПМНЕ, а не СДСМ, донесе закон со кој се намалија казните. Добро познатиот Михајло Маневски го донесе тој закон. Затоа ВМРО-ДПМНЕ треба да молчи и да не глуми загрижена опозициска партија. За речиси цела година, колку што се на власт, од реформи во судството досега успеаја само да изберат сопруга на нивен градоначалник во Судскиот совет и баџанак на нивниот партнер Изет Меџити за судија. Тоа се реформите на ВМРО-ДПМНЕ во судството“, се вели во реакцијата.
Цела година, велат од СДСМ, Бране Петрушевски и ВМРО-ДПМНЕ не направија ниту една реформа и нема донесено ниеден реформски закон.
„Цела година Петрушевски само држи партиски прес-конференции, се заканува од говорница, а неговата Влада нема реализирано ништо по ова прашање. СДСМ и Филипче се први кои побара реформи во судството и први понудија поддршка за носење реформски закони за европско судство. Очигледно, само Бране Петрушевски и ВМРО-ДПМНЕ немаат интерес за промени, бидејќи им одговара темата за да држат партиски прес-конференции. За крај, Бране Петрушевски треба да одговори: како тоа прво не им одговараше јавниот обвинител и обвинуваа дека бил човек на СДСМ, а сега одеднаш им одговара? Како тоа Мицкоски беседеше и се закануваше дека ќе ги распушти сите судски институции, а потоа се повлече? Затоа, Бране нека одговори конкретно на овие важни прашања и нека сфати дека се на власт и дека пред себе имаат јасна агенда за реформи – која не ја спроведуваат“, пишува во реакцијата.
Македонија
(Видео) Петрушевски: Срамна пресуда за модуларната болница во Тетово
Судот денеска изрече срамни казни за тогашните директори на Клиничка болница Тетово, а за случајот во кој изгореа 14 лица во Модуларната болница во Тетово. По една година и шест месеци ефективна затворска казна за Флорин Бесими, тогашен директор на Клиничката болница во Тетово и Артан Етеми, економски директор во болницата. Замислете, правното лице Клиничка болница Тетово беше прогласено за виновно да плати околу 16-тина илјади евра, изјави Бране Петрушевски, пратеник на ВМРО-ДПМНЕ.
Според него, ова се ниски, срамни, далеку од правото, посебно од правдата казни за случајот во кој изгореа 14 лица, а се случи во септември 2021 година во Тетово.
По ваква пресуда, рече Петрушевски, ни останува само едно, да ги повикаме надлежните, а воедно и да најавиме до сите вас, итни и неодложни реформи во правосудниот систем.
„Оваа пресуда е класичен пример дека правосудниот систем е под влијание на СДС и ДУИ, поточно да не ги ставаме сите во ист кош, тоа се поединци кои настапуваат по волјата на СДС и ДУИ, а не судат по правните норми. Сега пак, мора да ги повикаме надлежните да пристапат кон постапка за разрешување на оние кои се инволвирани во носењето на оваа срамна пресуда за Модуларната болница во Тетово. Воедно ја повикуваме Управата за јавни приходи да го испита потеклото на имотот на судијата кој ја донесе оваа срамна пресуда“, рече Петрушевски.
Тој ги повика Филипче и Ахмети да се изјаснат зошто, како што рече, си поигруваат со судбината на граѓаните.
Тој изјави дека ВМРО-ДПМНЕ ќе поддржи секаков израз на незадоволство од пресудата.
Македонија
Утре променливо облачно време со температура до 22 степена
Времето утре ќе биде променливо облачно, во западните делови со повремен локален дожд. Ќе дува слаб до умерен ветер од северозападен правец, поизразен долж Повардарието, информира УХРМ.
Минималната температура ќе биде во интервал од 2 до 8, а максималната ќе достигне од 16 до 22 степена.
Во Скопје, променливо облачно, попладне во делови од котлината ќе има услови за слаб дожд. Ќе дува слаб до умерен ветер од северен правец. Минималната температура ќе се спушти до 5, а максималната ќе достигне до 22 степена.
Следува период на претежно стабилно време, до понеделник со пониски утрински температури, а дневните ќе бидат во постепен пораст. Од средината на следната седмица ќе има локална појава на нестабилност со пороен дожд и грмежи.
Мицкоски најави инвестиции од 6 милијарди евра од Велика Британија
Премиерот, Христијан Мицкоски, најави инвестициски циклус во вредност од 5 милијарди фунти, 6 милијарда евра, во делот на инфраструктурата, железницата, здравството…...
Главниот преговарач на Москва се огласи и испрати порака: Русите секогаш го добиваат своето
Војната и преговорите во историјата отсекогаш се воделе истовремено, изјави шефот на руската делегација за преговори со Украина и помошник...
(Видео) Бело платно со имињата на жртвите од пожарот во Кочани пред Обвинителството
Иницијативата „Кој е следен“ со герила акција побара правда за жртвите од катастрофалниот пожар кој се случи на 16 март...
Обвинителите објавија нова видеоснимка на која Манев се враќа по лопата: „Однапред се подготвувале за убиството на Вања“
На денешното рочиште за убиствата на Панче Жежовски и Вања Ѓорчевска беше прикажана необјавена снимка од 24 ноември 2023 година,...
Четворица повредени од пожарот во Кочани се враќаат во земјата, во странство остануваат уште 11 лица
Министерството за здравство информира дека уште четворица пациенти, кои беа повредени во пожарот во Кочани, се враќаат од странство и...
Ексдиректорите осудени на една година и шест месеци затвор за пожарот во модуларната болница во Тетово
Ексдиректорите на Клиничката болница во Тетово, Флорин Бесими и Артан Етеми, се осудени на 1 година и 6 месеци затвор за...
Добив втора шанса за живот: се огласи повредениот гитарист на ДНК
По два месеца лекување во Солун од трагедијата во дискотеката „Пулс“ во Кочани, се огласи познатиот музичар и член на...
Меџити ќе чека на „Вреди“ да се приклучат членови од опозициските албански партии, а потоа ќе предложи нов министер за здравство
Вицепремиерот и министер за животна средина Изет Меџити како еден од лидерите на „Вреди“ денес рече дека предлогот за нов...
(Видео) Почна состанокот меѓу САД, Украина и Турција во Истанбул
Трилатерален состанок на високо ниво меѓу делегациите од Турција, САД и Украина почна во петокот во Истанбул под водство на...
Ја удирал со боксови и тупаници, па ја силувал во автомобил на паркинг во Сопиште: поднесено обвинение против 37-годишен скопјанец
Основното јавно обвинителство Скопје спроведе истражна постапка и поднесе Обвинителен акт против 37-годишен скопјанец за кривично дело – Полов напад...
До ОЈО Куманово доставен обдукцискиот наод за починатиот Ведат Адеми
Институтот за судска медицина до Основното јавно обвинителство Куманово го достави обдукцискиот наод за починатиот пациент Ведат Адеми. Наодот се...
Мицкоски за „Евроњуз“: Граѓаните живеат тешко, но се враќа надежта, постигнавме да сме први во Европа по странски инвестиции и ја намаливме инфлацијата
Премиерот Мицкоски во неговото интервју за „Еуроњуз“ се осврна и на економската состојба во Македонија и животниот стандард на македонските...
Сиљановска-Давкова на средбата со Кошта: Не смееме да бидеме колатерална штета на ветото и на билатерализацијата на процесот на евроинтегрaцијата
Претседателката Гордана Сиљановска-Давкова оствари средба со претседателот на Европскиот совет, Антонио Кошта, на која нагласи дека во процесот на европската...
„Оваа недела во Државниот архив на Северна Македонија ангажирани 14 нови вработени, сите Македонци и ниеден Албанец“, велат од ДУИ
„Оваа недела во Државниот архив на Северна Македонија се ангажирани 14 нови вработени – сите Македонци – и ниту еден...
Нема директни преговори меѓу Украина и Русија: трилатерални средби во Истанбул денес
Трилатерални средби најверојатно ќе се одржат во Истанбул денеска наместо мировни преговори што требаше да започнат меѓу делегациите на Русија...
Рубио: Сите членки на НАТО ќе издвојуваат 5 проценти од БДП за одбрана
Американскиот државен секретар Марко Рубио изјави дека на претстојниот самит на НАТО во јуни, сите негови членки ќе се согласат...
Хамас: Подготвени сме да ги предадеме сите заложници за да се стави крај на војната во Газа
Висок политички лидер на Хамас повтори дека се подготвени „веднаш да ги предадат сите затвореници“ доколку таков потег доведе до...
Дојава за бомба и евакуација на концерт на српски пејач во Јане Сандански
Драма во салата Јане Сандански во Скопје, каде за вечерва беше закажан музички концерт на Пеџа Јовановиќ. Како што информираа од...
Мицкоски за „Еуроњуз“: Нема аргументи за прифаќање на бугарските барања, жал ми е што корумпирани политичари за да останат на власт прифаќаа се и сешто
Премиерот, Христијан Мицкоски во интервју за „Директно со Миња Милетиќ“ на „Еуроњуз Србија“ истакна дека нема аргументи за прифаќање на...
Нема причина за вознемиреност по хаваријата во Пинтија, вели градоначалникот кој го повика Град Скопје да преземе мерки
Градоначалникот на Кисела Вода, Орце Ѓоргиевски вели дека граѓаните немаат причина за вознемиреност по хавријата во Пинтија, бидејќи од нивна страна...
