Граѓаните самите се организираа и преку бојкот на маркети крена глас против високите цени и енормните поскапувања, велат од СДСМ.

„Бојкотот е порака и за власта на Мицкоски која не ги заштити граѓаните, не презеде навремени и ефикасни мерки и не го спречи растот на цените.

Токму Мицкоски, на 5 декември 2024 година, на прес конференција во Владата ја промовираше „кошничката“ и рече дека над 600 производи ќе поевтинат.

Па потоа тераше евтини ПР кампањи и ги убедувавте граѓаните дека кошничките имаат ефект, дека цените се намалени.

Но, наместо да се намалат цените се зголемија. Затоа што Владата им оставив време на големите трговци да ги покачат цените на производите пред да стапи мерката во сила.

Буквално се поскапе. Зејтинот, јајцата, млечните производи, шеќерот, грашокот, гравот, леќата….Синдикалната кошничка се искачи на 63 илјади денари а платите стагнираат. Дестина милиони евра се испумпани од џебовите на граѓаните.

Сиромаштијата расте а власта нема економски мерки и политики кои ќе одговорат на потребите на граѓаните.

СДСМ предлагаше конкретни мерки и решенија за да се спречи растот на цените, како законот за намалување на ДДВ на храната на 0%, законот за зголемување на минималната плата, предлозите за зголемување на платите по сектори.

Но, арогантната власт тоа го одби.

Затоа, целосно е разбирлив револтот на граѓаните од поскапувањата и начинот на којшто тоа го покажаа“, пишува во соопштението на СДСМ.

Градоначалникот Горан Герасимовски информира дека Службите на Општина Центар го исчистија сметот од улицата Славејко Арсов, на Водно.

„Акцијата за чистење на смет од центарските улици се одвива без застој. Улицата Славејко Арсов е комплетно исчистена од смет и подигната е хигиената на повисоко ниво. Нашите 120 хигиеничари секојдневно се на терен, работат во две смени со цел обезбедување на чист Центар за сите нас. Им упатувам огромна благодарност што неуморно се вложија во големата акција за чистење којашто трае една недела, откако Град Скопје потфрли. Апелирам до граѓаните да се грижиме за средината, а Град Скопје викендов да го исчисти сметот од улиците кадешто е надлежна за да не се соочиме повторно со истата ситуација од претходниот викенд. Центар не чека, Центар чисти“, вели Герасимовски.

Во населбата Кале, обезбедени се шест контејнери за фрлање смет од страна на Општината откако при чистењето и миењето на улиците во едно од маалата на Кале беше утврдено дека имаат само една канта од Град Скопје.

Oд Општина Центар ги повикаа граѓаните да пријават смет и диви депонии на следните телефонски броеви: 076/350-767 и 02/3203-693.

Градоначалникот Борче Јовчески и ВМРО-ДПМНЕ се најголемата елементарна непогода која било кога ја зафатила општина Прилеп, кажа денеска Ирена Кироска, членка на ИО СДСМ Прилеп.

„Не само заради раскопаните улици потонати во темница, глутниците кучиња, покачениот данок на имот, зголемената цена на водата и поскапените комунални услуги, туку и заради големата лага наречена – детска градинка „Бајка“. На ова исто место, како на лента се менуваа Борче Јовчески, Христијан Мицкоски и останатите прилепски функционери од ДПМНЕ, кои даваа помпезни ветувања дека „градинката само што не е ставена во употреба“. Меѓутоа ниту после 40 месеци владеење на локално и 8 месеци на централно ниво, ДПМНЕ и Јовчески не успеаја да ја пуштат во употреба изградената градинка, наследена од претходната општинска власт. Епската неспособност на општинските власти и внатрепартиските битки во Општинскиот комитет на ДПМНЕ за фаќање подобри позиции пред локалните избори, се главната причина што градинката „Бајка“ се уште зјае празна“, вели Кироска.