Македонија
Најнередовни во Собрание се обвинетите пратеници за крвавиот четврток, Груевски со најмногу неоправдани

Најнередовни во Собранието се пратениците обвинети за крвавиот четврток, додека најмногу неоправдани отсуства има експремиерот Никола Груевски, покажува извештајот за работата на народните избраници, за периодот од 1 јануари до 30 јуни 2018 година, објавен во рамки на 19-тата публикација „Мој пратеник“. Според податоците, пратениците Крсто Мукоски и Љубен Арнаудов ниту еднаш не присуствувале на седница, додека пратеникот Сашо Василевски се појавил само еднаш.
Веднаш по нив меѓу најнередовните е и поранешниот премиер Никола Груевски, кој води во неоправдани отсуства , и тоа 21, додека 31 пат ги оправдал отсуствата. Груевски само трипати присуствувал на седниците, а само еднаш се јавил за дискусија.
Само четири присуства на седниците имаат Борис Змејковски и Мендух Тачи, а меѓу понередовните пратеници се и Јохан Тарчуловски, Влатко Ѓорчев, Васил Пишев и Иван Стоиљковиќ.
Според бројот на дискусии, пак, како најактивни во првите шест месеци се покажаа координаторите на пратеничките групи на ВМРО-ДПМНЕ и на СДСМ. Предничин Драган Данев со вкупно 54 излагања од кои 12 дискусии, 18 реплики и контра реплики, и 24 пати процедурално се јавил за збор. Томислав Тунтев, пак, има 16 дискусии 14 реплики и 6 процедурални.
Во првите шест месеци во Собранието вкупно се донесени 178 закони, 83 од економската област, 52 од политички систем и 43 закони од областа на јавните дејности. Пет седници биле посветени на пратенички прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.