Македонија
На седницата на улица ССМ изгласа функционерите да бидат на минималец, ако не ја почитуваат одлуката, можен е генерален штрајк
На ист начин како што Владата без работниците одлучи за покачување на минималната плата на 400 евра, место на 500, како што бараа работниците, Сојузот на синдикатите на Македонија (ССМ), денес, на седницата што се одржуваше на улица, на три локации, донесе одлука функционерите да бидат ставени на минимална плата до наредното законско усогласување на минималната плата. Одлуката ја донесоа на јавната седница што почна пред Работничкиот дом, каде што го утврдија дневниот ред, продолжи пред Собранието и Стопанската комора, а заврши пред Владата.
„Непочитувани функционери, тргнавме 300 од пред Работничкиот дом, дојдовме 1.080 пред Влада, толку колку што има функционери. Еден на еден. Со време повлечете ја незаконската одлука за утврдување на висината на износот на минималната плата. Со време намалете си ги вашите плати на минималната да почувствувате макар и една година колку им е тешко на работниците. Запрете ги нападите врз синдикатите, на таков начин не се води демократија. Денеска сме тука да ви упатиме последна порака, не може да се одлучува за нас без нас. ССМ пред две години организира генерален штрајк во целиот јавен сектор. На чекор сме до генерален штрајк во целата држава. Ќе дојдеме и 3.000, ќе дојдеме и 30.000. ССМ ви донесе одлука – сите на минималец. Доколку не ја почитувате, можен е генерален штрајк, а доколку не ги зголемите платите на работниците, возможни се протести“, порача пред Владата, Слободан Трендафилов, претседател на ССМ, и побара таа да ја повлече одлуката за зголемување на минималната плата за 1.890 денари.
Неговиот говор беше проследен со аплаузи и силни извици на поддршка, кои прераснаа во долги свирежи кога ја испрати последната порака.
„За крај ќе дозволите да упатам една порака иако знам дека не сте на работа во Владата, за жал. Од нашиот труд е вашиот луксуз. Тоа што го предложив вчера, го предлагам и денес. Христијан и Слободан на минимална плата. Најмалку 500 евра минимална плата во Македонија и 100 евра зголемување на сите други плати. Дојдете да живеете како нас, а ние ќе живееме како вас. Или ние 2.500 евра плата или вие 500 евра. Сами изберете. Немојте да заборавите дека работникот ве избира и дека многу лесно, како претходните, од удобната функционерска фотелја ќе се симнете на тврдо работничко столче“, рече Трендафилов.
Потпретседателот на ССМ, Трпе Деаноски, рече дека сегашната Влада е прва во историјата на државата по многу нешта.
„Вие сте првата Влада во историјата на Македонија што донесе одлука за минимална плата, без учество на синдикат, првата Влада во историјата на Македонија која смислено му ја одзеде репрезентативноста на ССМ само да нема Економско-социјален совет, првата Влада во историјата на Македонија, која 129.000 вработени во јавен сектор, кои зависат од минимална плата, ги остави да ги изедат газдите од приватниот сектор“, рече Деаноски.
Пред Стопанската комора на Македонија раководството на ССМ им се обрати на работодавците.
„Денеска е последниот ден кога ќе кажам почитувани работодавци, а не газди. Денеска сме тука пред вас да ви подадеме рака да ги зголемите нашите плати за нашите работници да останат во Македонија. Да не бидете најголемите виновници за иселувањето на работниците од Македонија во наредниот период, да не бидете виновни за работничкиот егзодус“, рече претседателот на ССМ, Трендафилов.
Пред Собранието, пак, ССМ донесе едногласна одлука да ги намали луксузните пратенички плати на минимална плата сè додека не ја зголемат минималната плата на 500 евра.
„Вашите плати, сега 79 % зголемени, не ги заслужувате и затоа дојдовме тука, поради фактот дека вие не одлучувате за нас, ние ќе одлучиме за вас“, рече Трендафилов пред Собранието и лично праша дали пратениот што најмногу ја критикува синдикалната борба, Бране Петрушевски, е на работа денес.
ССМ ја заврши јавната седница со порака до власта да ги симнат розовите очила, да слушаат вести и да читаат коментари на социјалните медиуми оти никој не е задоволен од она што го прават.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Земјотресот на Света Гора почувствуван и во Македонија
Силниот земјотрес на Света Гора почувствуван и во југоисточниот дел на Македонија.
„Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес 7 јуни 2025 година регистрираа серија на земјотреси чии епицентри потекнуваат од соседна Република Грција.
Според досегашните податоци со кои располага опсерваторијата, почувствуван е земјотресот во 14 часот и 46 минути чиј епицентар се наоѓа 290 km југоисточно од Скопје, со Рихтерова локална магнитуда M L 5.2.
Земјотресот беше почувствуван во југоисточниот дел на Републиката со интензитет од III степени според Европската макросеизмичка скала“, известија од Сеизмолошката опсерваторија.
Македонија
АХВ го одбележа 7 Јуни – Светски ден на безбедна храна
Aгенцијата за храна и ветеринарство и оваа година се приклучи и ја поддржува глобалната иницијатива и го одбележа 7 јуни, Светски ден на безбедна храна. Со едукативен и спортско рекреативен настан наменет за граѓаните и децата, денес, во паркот Авионче во скопската населба Ново Лисиче на присутните им беа поделени едукативни флаери за безбедноста на храната, а за најмалите се одржаа спортско-рекреативни игри преку кои се афирмираше безбедноста на храната и нејзиното значење.
На 10 јуни, во вторник, со поддршка и во соработка со Европската агенција за безбедност на храната – ЕФСА, Агенцијата за храна и ветеринарство ќе одржи настан за подигнување на јавната свест за безбедноста на храната на која ќе учествуваат реномирани претстставници од EFSA, од научните и други институции поврзани со прашпања кои се однесуваат на производството на храна и нејзината безбедност.
Годинашното мото на Светскиот ден на безбедна храна – 7 јуни е „Науката во акција“ и тоа денес не потсетува на важноста на науката како основна алка од синџирот на безбедна храна. Едноставно, тоа е дел без кој не се може и кој ги создава основите за креирање на политиките за безбедност на храната од страна на институциите, како што е и Агенцијата за храна и ветеринарство.
Преку едукативниот спортско рекреативен настан кој се одржа денес и настанот кој во соработка со EFSA ќе се одржи во вторник, АХВ и годинава активно работи на подигнување на свеста на граѓаните за важноста на безбедноста на храната и за превенирање и управување со ризиците со цел унапредување на нивното здравје.
Македонија
(Видео) Василевски: Нула нови градинки за 4 години во Аеродром, околу 700 деца чекаат за запишување секоја година
Изминаа речиси 4 години откако ВМРО-ДПМНЕ ја освои локалната власт. И По 4 години, ВМРО-ДПМНЕ во Општина Аеродром не изгради ниту една од ветените 4 нови градинки, рече денеска на прес-конференција Бојан Василевски, ОО СДСМ Аеродром.
„Овиe градинки беа првиот од 7-те топ приоритети на Муцунски и Митески во програмата со кои ја освоија довербата на нашите сограѓани од Аеродром. Митески и Муцунски ветија целосно нови градинки во Острово, Мичурин, Лисиче и Долно Лисиче, но еве, четири години подоцна, ниту една од овие ветени градинки до денес не е ни започната со градба“, вели Василевски.
Според него, околу 700 дечиња годишно се на листа за чекање за упис во градинка, заради недостатокот на места во градинките во Аеродром.
„ВМРО-ДПМНЕ во Аеродром покажа целосна незаинтересираност за решавање на овој проблем. Единствениот објект на градинка кој се гради во моментов во Стар Аеродром е со 70.000.000 денари, средства обезбедени од Владата на СДСМ во 2024 година. Само за споредба, кога со Општина Аеродром управуваше СДСМ се изградија 2 нови градинки со вкупен капацитет од 400 деца. Целосно нов објект Црвенкапа во Стар Аеродром со капацитет од 200 деца и целосно нов објект Буба Мара во Ново Лисиче со капацитет од исто така 200 деца“, кажа Василевски.
(Видео) Митева: Нов канал за директна комуникација со повредените во трагедијата во Кочани – 070 355 526
Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
ИЈЗ издаде препораки за заштита од високите температури
Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени
Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале
Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
ЕУ се согласи да го зголеми времето на доцнење на летовите пред патниците да добијат надомест
ЕУ земјите се согласија да го зголемат времето на доцнење на авионските летови што е потребно за патниците да имаат...
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
Трамп назначи 22-годишен градинар за шеф на канцеларијата за спречување на тероризам
Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност....
Русија го нападна Киев со ракети и дронови, погодени воз и станбени згради
Русија изврши интензивен ракетен и беспилотен напад врз украинскиот главен град Киев, во текот на ноќта, при што загинаа четири лица,...
Незапаметена кавга меѓу двајца најмоќни луѓе во светот: Трамп и Маск „војуваа“ на социјалните мрежи
Само десет минути по почетокот на средбата со германскиот канцелар Фридрих Мерц, американскиот претседател Доналд Трамп беше прашан за сè...
Гужва на граничните премини Богородица и Дојран
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од...
Започнува 59. МТФ „Војдан Чернодрински“ во Прилеп
Со претставата „12“, во режија на Синиша Евтимов, на Македонскиот народен театар, вечерва во 20 часот во големата сала на...
Арсовска до Елмази: Ќе ти објаснам уште еднаш ама читање до 4 одделение се учи
Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. „Мухамед...
Мисајловски на состанок на НАТО во Брисел: Единството на Алијансата е на највисоко ниво
Mинистерот Владо Мисајловски заедно со министрите за одбрана на сојузничките земји денеска во седиштето на НАТО во Брисел учествуваше на...
За патувањето во Јапонија се потрошени 3.485.080 денари за билети, сместување и дневници, велат од ВМРО-ДПМНЕ
Во интерес на јавноста најостро реагираме на целосно шпекулативните информации и невистинити тврдења дека министерот за култура Зоран Љутков потрошил...
12 повредени од пожарот во Кочани се на лекување во болница, еден е во тешка состојба, рече Клековски
Сашо Клековски од ФЗО на денешната панел-дискусија, „Кочани е нашиот приоритет“, се осврна на ситуацијата во моментот во однос на...
