Македонија
Неажурни институции оставија притвореник со вграден стент да лежи во затворот во Шуто Оризари
Поради неажурност на институциите, притвореник со вграден стент 2 недели лежи во затворот во Шуто Оризари зашто Клиниката и управата на затворот не можат да ја обезбедат медицинската документација за судот да го пушти од притвор.
На 15 мај на oсомничениот Басри Ибраими од Тетово му се слошило во затворот „Скопје“ каде што ја издржува мерката притвор. Ден подоцна, откако лекарите му констатитрале срцево затнување на артеријата, на универзитетската Клиника за кардиологија му била извршена интервенција коронографија и му бил вграден стент.
Осомничениот бил згрижен на Клиниката каде што заздравувал по интервенцијата. За таквата состојба биле известени судијата кај кого бил предметот и обвинителот од Обивинителството за гонење организиран криминал и корупција.
На ден 17 мај адвокатот на Ибраими доставил барање до судот да му се замени мерката притвор, иако судот треба да постапи по службена должност во таков случај.
На 18 мај кривичниот совет го испратил барањето за промена на мерката до предметниот обвинител за замената на мерката на мислење, но барањето било празно, без соодветна документација, која судот требало да ја прибави по службена должност преку затворската управа. Обвинителот го вратил барањето без да даде мислење со назнака да се обезбеди предметната здравствена документација.
До ден денешен затворската управа на КПУ „Скопје“ не ја обезбедила здраствената документација, со образложение дека Универзитетската клиника за кардиологија не сака да ја даде без да се наведат причините.
Осомничениот Ибраими го вратиле во затворот, каде ја издржува мерката притвор во постоперативна здраствена состојба и каде нема соодветни услови за нега.
Судот сè уште не решавал за барањето и ја чека здравствената документација да биде доставена од затворската управа која треба да ја подигне од Клиниката за кардиологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На свечена церемонија, утре Пендаровски ќе и’ ја предаде функцијата на Силјановска-Давкова
Во Кабинетот на претседателот, утре – 12 мај ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и претседателот Стево Пендаровски предвидено е да остварат тет-а-тет средба.
Државната изборна комисија денеска и’ го издаде уверението за избран претседател на Гордана Силјановска-Давкова. ДИК ќе треба да достави извештајот до Собранието за да биде закажана седница за утрешната инаугурација на Силјановска Давкова. Потоа таа пред пратениците ќе треба да даде свечена изјава по која ќе почне нејзиниот мандат.
Мандатот на Пендаровски истекува утре.
Македонија
Aхмети тврди дека со челниците на „Вреди“ во јануари потпишале декларација дека ќе владеат само со партии што поддржуваат уставни измени
ДУИ тврди дека и првите луѓе на коалицијата „Вреди“ (Влен), со кои ВМРО-ДПМНЕ договара коалицирање во новата Влада, се потписници на декларација во која уверуваат дека ќе владеат заедно само со оние политички партии кои се согласуваат да ги поддржат уставните измени.
Лидерот на ДУИ, Али Ахмети на денешниот собир на претставниците и членството на коалицијата рече дека декларацијата била потпишана во јануари годинава.
Во неа, се наведува дека почетокот на преговорите со Европската Унија (ЕУ) носи стратешки и значајни придобивки за нашата земја, а потписниците со обединет глас се придружуваат да одговорат на итната потреба за решавање и стабилност во земјата.
„За овие цели ние како политички партии изјавуваме: ‘Ние, долупотпишаните политички партии, имајќи ја предвид состобата во која се наоѓа државата и должноста што jа имаме кон граѓаните, чувствуваме обврска да изјавиме дека сме целосно решени, сега и во иднина да соработуваме и да владееме заедно само со оние политички партии кои се согласуваат да ги поддржат уставните измени како услов за продолжуванье на процесот на интеграција на земјата во ЕУ. Потписи на партиски претставници (наредени по азбучен ред): Арбен Таравари, Африм Гаши, Али Ахмети, Билал Касами и Изет Меџити“, стои во документот што го прочита Ахмети.
Претпладнево се случи првата рунда на преговори помеѓу ВМРО-ДПМНЕ и Влен, по којашто партиите соопштија дека ги договориле општите начела за идната Влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото.
Од тука додадоа дека двете страни ќе формираат работни групи, на кое ниво ќе продолжат разговорите за коалицирање.
Во изборната кампања, ВМРО-ДПМНЕ и „Вреди“ излегоа со различни ставови за уставните измени, но во повеќе наврати беше потенцирано дека разговорите на таа тема ќе бидат ставени на маса по завршувањето на изборите.
Македонија
„Договорени се општите начела за идната Влада“ – заврши средбата на ВМРО-ДПМНЕ со Влен
Денеска беше остварена средба помеѓу ВМРО-ДПМНЕ и ВЛЕН. Од страна на ВМРО-ДПМНЕ беа присутни претседателот Христијан Мицкоски, потпретседателите Александар Николоски, Владо Мисајловски, Тимчо Муцунски и Гордана Кочоска Димитриеска, како и шефот на кабинет на претседателот Владимир Нелоски, од страна не ВЛЕН беа присутни Арбен Таравари, Изет Меџити, Биљал Касами и Африм Гаши.
„Договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото“, објави ВМРО-ДПМНЕ по средбата.
Заклучено е дека двете страни ќе формираат работни групи, на кое ниво ќе продолжат разговорите до нивно финализирање.