Македонија
Нема активни пожари во државата: дождот помогна во нивното гаснење
Во текот на вчерашниот ден, имаше вкупно 22 пожари на отворен простор. Дождот помогна сите 22 пожари да бидат изгаснати, соопшти ЦУК.
Активни пожари нема, додаваат од ЦУК а изгаснати се сите 22:
1. Општина Прилеп 1: с.Пештани – с.Кокре – с.Кален – с.Дуње – с.Бонче – с.Крушевица – с.Волково – с.Штавица – с.Прилепец – с.Чумово – с.Селце – с.Лениште – с.Беловодица – с.Смолани – с.Дрен (нискостеблеста вегетација, сува трева и борова шума);
2. Општина Прилеп 2: м.в.Дервен (шума);
3. Општина Прилеп 3: с.Дрен – с.Смолани (букова шума);
4. Општина Прилеп 4: с.Вепрчани (сува трева и шума);
5. Општина Прилеп 5: с.Волково, с.Прилепец (сува трева и ниска шума);
6. Општина Прилеп 6: с.Дуње (сува трева и ниска шума);
7. Општина Прилеп 7: Во близина на Дата центар (сува трева)
8. Општина Долнени: с.Десово (сува трева и ретка деградирана шума).
9. Општина Чашка: с.Степанци ( мешана шума)
10. Општина Берово: место викано Паруца (ниска деградирана шума и сува трева)
11. Општина Теарце: с. Доброште (ниска вегетација)
12. Општина Желино 1: Касарна Еребино (сува трева)
13. Општина Желино 2: с.Групчин (сува трева)
14. Општина Липково 1: с.Матејче (сува трева и ниска шума)
15. Општина Липково 2: с.Никуштак (сува трева и ниска шума)
16. Општина Старо Нагоричане: с.Младо Нагоричане (сува трева)
17. Општина Зелениково: с.Горни Дејковец, с.Долни Дејковец (букова шума)
18. Општина Гази Баба: с.Идризово (ѓубре)
19. Општина Чучер-Сандево: Кај рудник Бањани (сува трева)
20. Општина Арачиново: с.Арачиново (ѓубре и сува трева)
21. Општина Кичево: с.Србјани (стрниште)
22. Општина Росоман: Во близина на архелошки локалитет Стоби (сува трева и ниска вегетација)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот за европски прашања Муртезани назначен за главен преговарач со ЕУ
На денешната седница на Владата, министерот за европски прашања, Орхан Муртезани, беше назначен за главен преговарач со Европската Унија за членство на Република Северна Македонија во Европската Унија, а за заменик на главниот преговарач е назначена заменик министерката за европски прашања, Викторија Трајков.
На оваа седница, исто така, беше задолжено Министерството за европски прашања да подготви нова Одлука за воспоставување на структура за преговори за пристапување на Република Северна Македонија во Европската Унија.
Македонија
Тошковски на конференција во рамки на Берлинскиот процес: неопходна е координација за справување со илегалната миграција
Денеска делегација предводена од министерот за внатрешни работи, Панче Тошковски учествува на конференција на министри за внатрешни работи во рамки на Берлинскиот процес, која се одржува во Берлин, Сојузна Република Германија.
Одбележувајќи ја десетгодишнината од постоењето на оваа иницијатива, беше истакнато дека регионот на Западен Балкан живее историски моментум во однос на неговата европска перспектива, а токму Берлинскиот процес може да постигне синергија на индивидуалните напори на шесте земји од Западен Балкан како механизам за подготовка за пристапување кон ЕУ.
Во рамки на сесијата посветена на борбата против нерегуларна миграција како и нелегално криумчарење мигранти, министерот Тошковски истакна дека миграцијата и миграциските движења веќе подолго време се еден од главните предизвици, не само за регионот на Западен Балкан, туку и за Европа и дека е неопходна координација на сите постоечки иницијативи и мерки за справување со илегалната миграција, криумчарењето мигранти и трговијата со луѓе, и тоа не само од страна и во регионот на Западен Балкан, туку и на ниво на Европската унија и нашите меѓународни партнери.
Во обраќањето во рамки на сесијата за борба против организиран криминал, Тошковски подвлече дека без оглед дали станува збор за организиран криминал, трговија со луѓе, илегални миграции, трговија со наркотици, навистина е важна секоја иницијатива за регионално поврзување во борбата против организираниот криминал и брзата размена на информации меѓу службите. Во таа заедничка борба против организираниот криминал, а особено кога станува збор за следењето на парите и финансиските структури на организираните криминални групи, од есенцијална важност е да се интегрираат сите надлежни институции, развивајќи на тој начин систем за рано предупредување како моќна алатка во борбата против организираниот криминал и другите незаконски активности.
Македонија
Филков – Солдатов: изразена подготвеност за продолжување на соработката во областа на бесплатната правна помош, зајакнување на капацитетите на затворскиот систем, економскиот криминал
Министерот за правда Игор Филков оствари средба со раководителот на Програмската канцеларија на Совет на Европа во Скопје, Олег Солдатов и претставници од Програмската канцеларија на Совет на Европа.
На средбата се дискутираше за соработката на Министерството за правда за проектите кои се имплементираат во рамките на канцеларијата на Советот на Европа во Скопје, а се поврзани со работата на Министерството за правда.
Министерот за правда изрази подготвеност да се продолжи со интензивна соработка во областа на бесплатната правна помош, зајакнување на капацитетите на затворскиот систем, слободата на изразување и медиумите, борбата против трговијата со луѓе, економскиот криминал , борбата против говорот на омраза, нетолеранцијата и дискриминацијата.
Министерот истакна дека соработката и поддршката на Советот на Европа е исклучително важна и значајна , сите области ќе бидат опфатени подеднакво и ќе се пристапи со заедничка соработка за успешно реализирање.