Италија. Првата асоцијација е, секако, „долче вита“, а потоа не можеме а да не помислиме на „многу, многу“  пица, гондоли, убавиот Сан Ремо,  опера, венецијански маски, вкусот на тазе приготвена паста и чаша просеко покрај Фонтана ди Треви ... Според многумина, најубавата земја во Европа, бисер меѓу бисерите, доволно добар за да се започне неповторливата авантура која оваа убавица може да ни ја понуди при прва прилика.

Без разлика дали се повеќе или помалку посетени од туристи, сите делови на Италија се подеднакво атрактивни. Венеција, градот што тоне, Фиренца, Милано, Неапол, и Палермо и Сиракуза сместени во прекрасната Сицилија и, секако, вечниот град Рим. Секој на свој начин неповторлив и единствен, како и регионите Тоскана, Сардинија и Венето. Тука се и речиси неверојатните Алпи и Апенини. Опасните Везув и Етна постојано влеваат стравопочит и восхит.

Италијанската кујна изобилува  со ароми и „многу, многу“ зачини. Италијанците обично имаат два оброка, ручек и вечера, додека, пак, „појадуваат“  капучино  или еспресо. Маслиновото масло, рибата и доматите се есенцијални состојки на различни специјалитети. Нема шанси да ги избегнеме популарните пица, лазањи и тирамису. За љубителите на добри вина Италија го има  Пиемонт, најпознатиот вински регион од каде потекнуваат некои од најквалитетните вина во светот.

Богатата културно-историска традиција на Италија е нешто што нѐ потсетува на секој чекор од моментот кога ќе стапнеме  на почвата на оваа земја. Од Римската Империја до денес, „многу, многу“ бројни сликари, писатели, скулптори и државници  воспоставија една од водечките улоги во подигнувањето на столбовите на кои почива целокупното културно и историско наследство на денешна Европа. Да, Италија е „многу, многу“ убава.

Италијанците како народ се познати по нивното гласно и директно комуницирање, како и константното употребување  гестикулации со рацете. Тоа е една од најомилените карактеристики на овој народ, која без исклучок секогаш измамува насмевки. Размислувајќи за тоа како и не би се запрашале: Кои сѐ зборови најчесто се дел од разговорниот вокабулар на еден Италијанец? Особено имајќи  предвид дека тоа  е народ кој искажува „многу, многу“ емоции со секој споделен збор, мисла, поздрав.

Истражувавме и се уверивме дека најупотребуван збор кај нив е tanto, поточно неговиот суперлатив  tantissimo, што во превод би значело „многу, многу“.

Зошто токму овој збор? Одговорот е многу едноставен. Италијанците го живеат секој момент со полна пареа.  Сакаат „многу, многу“ да пијат еспресо, „многу, многу“ да подготвуваат пица и паста и „многу, многу“ да уживаат во насмевките, прегратките и љубовта со своите најблиски.

ПР текст