Македонија
Николовска: Институциите си ја префрлаат топката во случајот со Мерко, тие не сакаат да го решат проблемот

Морам да укажам дека, за жал, ова што ни се случува, оваа недоверба во судството, во правосудниот систем, генерално во институциите поврзани со правосудниот сектор, за жал, е резултат само заради одредени поединци, вели Ружица Николовска, во рамките на акцијата „Пораки од реалниот живот – Ова е Македонија“ на денешната трибина со наслова „Криминал и корупција“.
Николовска посочи дека како адвокат кој речиси секој ден е низ ходниците има перцепција дека одредени предмети знаат да се протуркаат набрзина со кршење на човековите права, само да се донесе пресуда, а за други има молк.
Јас како човек кој буквално секој ден сум низ судските ходници – мојата забелешка и мојата перцепција се дека одредени предмети знаат да се протуркаат со максимална брзина и буквално со кршење на човековите права, само за да се издејствува пресуда, без разлика каква и да е, а за разлика од тоа постојат предмети каде што имаат молк. И не само што имаат молкум, туку ова што го гледам последниве денови, конкретно префрлањето ДКСК, случајот со Мерко, институциите, малку е смешно. Зошто? Затоа што има клучни институции кои си ја префрлаат топката и сега како мали деца не, не сум јас, јас пуштив на време, или не, не сум ни јас, јас не добив на ништо. Сакаме да настапи во суштина да го решиме проблемот или сакаме само формалистички нешто да пропагираме дека имаме институции, рече таа.
Николовска изјави дека била дел од неколку клучни предмети посочувајќи го предметот за конфискација на имотот на ВМРО-ДПМНЕ укажувајќи дека за да се конфискува нечиј имот, треба првин да се докаже дека тој навистина потекнува од одредено кривично дело, што не е случај со овој предмет.
„Конкретно за предметот во кој е конфискуван имотот на ВМРО-ДПМНЕ. Јас нема да навлегувам во тоа да ја објаснувам постапката. Зборувам од правен аспект, за вие да конфискувате нечиј имот, првин треба да покажете дека тој имот навистина потекнува од одредено кривично дело. Тоа е број еден работа“, нагласи таа.
Според неа, правосудниот систем е дојден до тој степен така што меѓународната заедница или некој странски дипломат треба да алармира, буквално како што рече, да ви кажеме на јазик на кој вие разбирате за нешто да почнете да менувате.
„Кога би биле во поинакви услови и околности, јас како секој човек кој чувствува припадност кон сопствената земја не би ми било сеедно како некој странски дипломат се меша во внатрешните работи, судството и слично. Но, очигледно е дојдено до тој степен некој да не алармира на таков начин и знаете каков впечаток има во смисла на тоа, мораме да ви кажеме на јазик на кој вие разбирате, за жал“, смета Николовска.
Очигледно е дека тука имаме глувост, па сега доаѓаме да нè критикува и меѓународната заедница, што е жално во крајна линија, и треба да се запрашаме што треба да промениме, заклучи Николовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце

Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје поради сомневање за алсиикување исправа.
„Во обид да влезат со приоритет, С.С., кој го управувал возилото ’голф’ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација. При дополнителна контрола на лицето и возилото биле пронајдени патни исправи, една биометриска страна за патна исправа, два пластични печати, четири лични карти и други предмети. Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода“, соопшти МВР.
Против двете лица ќе бидат поднесени соодветни ријави по расчистување на случајот.
Македонија
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот

Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години главниот град го остави во урнатини. Скопје се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи.
„Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти“, велат од Град Скопје.
Во рамки на одбележувањето 62 години од земјотресот, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“.
Македонија
На граничните премини Табановце и Пелинце се чека по 45 минути

Интензитетот на сообраќај на патните правци надвор од градските средини е зголемен, јави АМСМ. Поради летните одмори се бележи зголемена фреквенција на возила на граничните премини Табановце и Пелинце, а времето на чекање е околу 45 минути.
На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сојузот потсетува дека од 1 јули до 31 август на државните патишта во Македонија на сила е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни:
петок од 17:00 – 22:00 часот,
сабота од 09:00 до 18:00 часот и
недела од 09:00 до 22:00 часот.
Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:
петок од 15:00 – 22:00 часот,