Македонија
Николовски – Ватев: Добрата соработка ќе придонесе во зголемена трговска размена на земјоделско-прехранбените производи

Министерот за земјоделство, шумарство и водостопанство, Љупчо Николовски во рамки на Меѓунариодниот Самит „Зелена Транзиција, оствари средба со министерот за земјоделство и храна на Бугарија, Кирил Ватев.
На средбата двајцата министри разговараа за зајакнување на соработката помеѓу двете држави во областа на земјоделството, а како добра основа е потпишаниот Меморандум за разбирање меѓу двете министерства во делот на имплементацијата на инструментите за претпристапна помош од ЕУ. Потоа соработка во делот на земјоделските науки, шумарството, ловството, органското производство, полјоделството и сточарството.
Двајцата министри разговараа за оргaнизирање на заеднички бизнис земјоделски форум, заедничка соработка во делот на агродистрибутивниот центар што ќе се гради во Струмица, како и за создавање на бела книга на проекти што бизнис заедниците од двете држави имаат желба да се реализираат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Уапсена сопругата на докторот кој беше застрелан во Куманово, била вмешана во обидот за неговото убиство

Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но се наоѓа во стабилна состојба. Според информациите на МВР, сопругата е осомничена дека е вмешана во обидот за неговото убиство.
„Вчера полициски службеници од СВР Куманово ја лишија од слобода А.А. (43) од Тетово, поради основи на сомнение дека е поврзана со обидот за убиство на нејзиниот сопруг З.Ш. (43) од село Слупчане, липковско“, велат од МВР.
Исто така, во врска со настанот на службен разговор во СВР Куманово се повикани шест лица, а во домот на Б.С. (50) од Куманово по судска наредба, е извршен претрес.
По целосно документирање на случајот, против сопругата ќе следува соодветна пријава, додека против Љ.Ф. (36) од Гостивар, кој се сомничи за обид за убиство и се уште е во бегство, по консултација со Основното јавно обвинителство, исто така ќе биде поднесена кривична пријава.
Македонија
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен

Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот објект сместен на плоштадот „ВМРО“ веднаш до седиштето на владејачката партија ВМРО-ДПМНЕ. Полицијата веднаш излегла на терен, почнала евакуација на вработените од објектите околу плоштадот, а проверките покажале дека куферот е празен.
„Денеска (08.10.2025) во 12.55 часот лице од обезбедувањето на ЈП ‘Државни патишта’ пријавило дека на видеонадзор пред канцелариите на ЈП ‘Државни патишта’ на плоштадот ‘ВМРО’ во Скопје биле забележани две лица како го разгледуваат местото, а едно од лицата оставило куфер. Веднаш по добиената пријава, преземени се соодветни мерки и активности, извршени се потребните проверки и утврдено е дека куферот е празен“, соопшти МВР.
Македонија
Културен дом „Есма Реџепова“ на местото на старото матично во Шутка вети Орце Ѓорѓиевски: Вака ќе и оддадеме посебна почит

Кандидатот за градоначалник на Скопје од ВМРО-ДПНЕ Орце Ѓорѓиевски денес на жителите на Шуто Оризари им вети низа инвестиции што ќе создадат подобра локална инфраструктура, повеќе јавен простор и нови можности за спорт, култура, и социјална поврзаност пред се. Нов фудбалски стадион и нов културен дом кој ќе го носи името Есма Реџепова се главните проекти за Шутка.
„Во Шуто Оризари планираме изградба на нов културен дом ’Есма Реџепова’ на местото на старото матично. Ќе вложиме во културата како темел на заедништвото и локалниот идентитет овде. Домот ќе биде простор за театар, концерти, изложби, кино проекции и младински активности, но и симбол на достоинство, традиција и културна енергија на Шуто Оризари. Со тоа ќе оддадеме и посебна почит кон големата Есма Реџепова амбасадорка на ромската култура која со својот глас го претставуваше не само Шуто Оризари туку, Скопје и цела Македонија во целиот свет“, рече Ѓорѓиевски.
Со изградбата на нов фудбалски стадион во Шутка, Ѓорѓиевски очекува да се создаде современ спортски комплекс со терен за голем фудбал, трибини, соблекувални, осветлување и пристапна инфраструктура. Заедно со изградбата на новиот фудбалски стадион, Ѓорѓиевски предвидува и обнова на спортскиот центар Шуто Оризари, со целосна реконструкција на терените, засадување нови дрвја, зелени површини и нова урбана опрема.

И на жителите на Шутка Ѓорѓиевски им вети расчистување на депониите во првите 72 часа од преземањето на власта
На жителите на Шутка Ѓорѓиевски денес им го претстави проектот „Скопје, град кој се грижи за сите“ кој предвидува пакет социјални мерки со кои ќе се обезбеди системски одржлива и праведна поддршка за граѓаните во социјален ризик.
„Планираме градот да обезбедува поддршка за социјално загрозените семејства и поединци преку финансиска помош, хуманитарни пакети, психо-социјална поддршка и програми за образование и преквалификација“, рече Ѓорѓиевски.
Вложувањата во Шутка, Ѓорѓиевски ги претстави како дел неговата визија за Скопје како град кој расте рамномерно и создава можности за сите бидејќи, како што рече, Скопје е силно само кога сите негови општини се силни.
И на жителите на Шутка им вети расчистување на депониите во првите 72 часа од преземањето на власта заедно со Општината, граѓаните и општествено одговорни компании. Шуто Оризари е обиколено со големи диви депонии, а мини депонии има и на речиси сите места каде што се поставени контејнери и канти за отпад.