Македонија
Николовски: Во следниот мандат владата на СДСМ ќе ја зголеми просечната плата на 34.000 денари

Го слушам мојот противник овде во третата изборна единица, најавува дека рудници ќе отворале на Истокот. Буквално не знаат што зборуваат. Владата не отвора рудници, туку дава концесии. Ние, заедно со вас граѓаните се боревме да ги спречиме ваквите штетни политики на ВМРО-ДПМНЕ и ќе го заштитиме Осоговието, ќе го заштитиме Истокот, вакви рудници на смртта нема да има, ќе има здрава и одржлива животна средина, порача Љупчо Николовски, генерален секретар на СДСМ и носител во третата изборна единица на синоќешната трибина со граѓаните од Свети Николе.
Тој рече дека СДСМ се обврзува дека минималната плата од сегашните 14.500 ќе порасне на 20.000, а просечната плата ќе порасне на 34.000 денари.
„Ќе растат платите во сите сектори, во здравството, во армијата, во образованието. Кон пензионерите имаме голема почит, ќе растат и пензиите. Во следниот мандат 21 процент ќе биде зголемувањето на најниските пензии. Домаќински работиме и затоа има пари за сè. Затоа ги решивме и стечајците, затоа ги зголемивме грантовите за младите земјоделци од 10 на 20 илјади евра“, рече Николовски и додаде дека со правилно работење земјата успеала да стане лидер во искористеност на ИПАРД-фондовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почина Панчо Минов, поранешен пратеник и градоначалник на Кавадарци

На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието.
Панчо Минов беше дипломиран правник и политичка фигура со повеќедецениско искуство. Тој два пати беше избран за градоначалник на Општина Кавадарци – прво како кандидат на Либералната партија (2000–2005), а потоа како независен кандидат (2005–2009).
Минов имаше и пратеничка кариера, учествувајќи во повеќе состави на Собранието.
Првпат беше избран во првиот повеќепартиски состав (1990–1998), а подоцна повторно стана пратеник преку ГРОМ (2016–2020) и СДСМ (2020–2024).
Македонија
Уште колку луѓе треба да настрадаат за Панче Тошковски да почувствува одговорност, прашуваат од СДСМ

Министерот Панче Тошковски без око да му трепне јавно соопшти дека не чувствува никаква одговороност за колапсот на безбедносниот систем и фактот што на улиците се пука како да сме Див Запад, велат од СДСМ.
Според нив, последиците од партизацијата на полицијата и претоварењето во партиски сервис на ДПМНЕ скапо ги чини граѓаните.
„До кога мисли Тошковски да се криe зад политички реторики додека улиците стануваат небезбедни за граѓаните?
Не е само последното пукање во Куманово, непрекинатиот раст на вооружените и насилни инциденти во различни градови е сигнал за целосно системско потфрлање на безбедниот апарат, нема ниту превенција ниту соодветна реакција.
За тоа мора да има одговорност“, додаваат од оваа партија.
Македонија
Парични казни за три градинки и едно училиште по спроведени инспекциски контроли во кујните

Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во градинките на територијата на цела држава. Спроведени беа 91 контрола во градинки и 23 вонредни надзори во училишта.
За утврдените недоследности, издадени се 9 решенија со наредби за нивно отстранување. Во две градинки, хигиената не била задоволителна во кујните, а една градинка немала спроведено задолжителен здравствен преглед на вработениот персонал во кујните. Парични казни изречени се за 3 градинки, и поради несоодветно чување, уништени се 24 килограми храна.
Од спроведените контроли во училиштата, незадоволителни услови констатирани се само во една училишна кујна. Отстапки во однос на добрата производствена и добра хигиенска пракса утврдени се во две кујни. Поради погрешно декларирање, уништени се 59 килограми храна.
Инспекциските служби на АХВ за утврдените недоследности со контролите во училишните кујни изрекле 1 парична казна и донеле 5 решенија со наредба за нивно отстранување.