Македонија
Николовски: Земјоделците оваа година добиваат можност за поддршка во набавка на комбајни за жито
Модернизација на земјоделството значи држење на чекор со времето и технологијата. Затоа, пред нас си имаме поставено јасни цели, креираме конкретни мерки и политики за поддршка на земјоделците, кои даваат резултати, истакна министерот Николовски на средбата со земјоделците денска во Свети Николе.
„Мерката поддршка на бизнис план во земјоделствто, која стартуваше во 2023 година, ги даде своите резултати. Преку оваа нова мерка овозможивме секој индивидуален земјоделец сам да одбере во што ќе инвестира и каква опрема и механизација ќе набави. Мерка која како идеја произлезе токму од разговорите со вас земјоделците, токму тука во Свети Николе. Уште од првата година кај оваа мерка доделивме рекордни 206 договори за поддршка, во вредност од 1,5 милион евра“, истакна министерот Николовски.
Министерот Николовски додаде дека она што посебно не прави среќни е што од овие 206 апликации, 121 апликација се на млади земјоделци. Младите се повеќе се вклучуваат во земјоделскиот сектор. Имаат доберба во институциите, вложувајќи и работејќи дома, во својата држава.
Во 2023 година доделивме 730 решенија за набавка на трактори во вредност од 500 милиони денари, како кофинасирање од 50% до 75% од вредноста на набавениот трактор. Токму овде во Свети Николе, на 49 земјоделци доделивме решанија за набавка на трактор.
Модернизацијата на македонското земјоделство, низ годините наназад, преку програмата за рурален развој, ја реализираме и со поддршката на земјоделците во набавка на специјализирани комбајни и сушари за ориз, набавка на силоси, изградба на мандри, набавка на опрема за производство на тутун и поставување на системи за наводнување капка по капка.
Поддршката за модерно и развиено македонско земјоделство ја продолжуваме и оваа 2024 година. Преку програмата за програмата за рурален развој на располагање ставаме 10 милиони евра, за инвестиции преку мерката бизнис план и мерката за поддршка во набавка на приплоден добиток.
Оваа година, преку програмата за рурален развој, до земјоделците даваме нова можност за поддршка при набавка на комбајни за жито.
Секоја педа обработлива земјоделска површина ја ставаме на располагање, до земјоделците, за производство на храна. Токму земјоделците од Свети Николе, тоа можат најдобро да го потврдат. Нашето земјоделско земјиште, денес го работат нашите вредни земјоделци. Само во изминативме две години на располагање до земјоделците сме ставиле 17.956 хектари државно земјоделско земјиште, истакна министерот Николовски.
Министерот Николовски упати порака дека заедно со земјоделците, сите овие години, направивме многу во земјоделството, а можеме уште повеќе. Креиваме мерки прифатливи за земјоделците, што даваат резултати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лога по одлуката за „Балансерот“: Северна Македонија се лизга по пат кој е докажано фатален за неа
Според поранешниот министер за прaвда и потпретседател на Алијанса за Албанците, Кренар Лога, сите иницијативи што се однесуваат на прашањата за праведно и соодветно застапување, употребата на албанскиот јазик и другите етнички прашања во корист на немакедонските заедници ќе имаат иста судбина како прашањето за изводите од матична книга на родени, односно поништувањето на уредбата на министерот за правда и укинување на соодветните членови од законот.
Треба да се истакне, напоменува Лога, дека гласањето пред една година беше чисто етничко и мајоризирачко; такво беше и денес (6 македонски гласови наспроти 3 албански и турски).
„Своеремено, македонската политичка елита го користеше Собранието на Македонија за да ги мајоризира Албанците. Сега, откако тоа им е оневозможено во Собранието, тие ја префрлија оваа практика во Уставниот суд.
Додека во Уставниот суд не постои двојно гласање за законите со Бадентер, односно механизам за заштита на другите етнички заедници, ароганцијата на македонската политичка елита ќе се појави повторно, исто како во 1991 или 1997 година.
За жал, Северна Македонија се лизга по пат кој е докажано фатален за неа. Денес, нашата држава ги дели патиштата: или ќе оди кон Европа, или кон „Српски свет“; или ќе остане Северна Македонија и европска, или македонската олигархијата ќе направи дел од неа да стане „Јужна Бановина“, вели Лога.
Македонија
Од денеска нема да има загарантирани работни места на Албанците и другите немнозински заедници, честито Таравари, велат од Алијанса за Албанците
По предупредувањата на претставниците на моноетничката Влада, Мицкоски, Димитриевски, Таравари, денеска Уставниот суд направи голем чекор од проектот за деалбанизација на државата. Денешната одлука за укинување на Балансерот е удар за еден од главните столбови на Охридскиот договор, правичната и соодветна застапеност оценуваат од Алијанса за Албанците.
„Од денеска па натаму нема да има загарантирани работни места и именувања на раководни позиции на Албанците и другите немнозински заедници. Му честитаме на господинот Арбен Таравари за големата „победа“ против Албанците и сервилноста кон оваа антиалбанска Влада. Тој ги надмина Мицкоски и Димитриевски изразувајќи се децидно против вработувања по етничка основа и беше последниот соопштувач на оваа одлука што следеше денеска“, додаваат во реакцијата.
Го потсетувамат, како што велат, Уставниот суд дека ова беше институцијата која во историјата на државата предизвика најголема дискриминација и неправда и како резултат на тоа најстрашни немири.
„Ја потсетуваме сегашната моноетничка Влада, каде не се разликуваат веќе ни сервилните партнери, кои беа во еден глас со Мицкоски и Стоилковиќ, дека ја враќат државата 24 години назад, до времето пред потпишувањето на Охридскиот договор. Денеска цела јавност виде кои се сценаристите на дестабилизацијата и кој сака тензии. Обвинувајќи ги Албанците и прегазувајќи ги Албанците во исто време, нема да можете да ги реализирате вашите планови, а камоли да не искомплицирате и исплашите. Ние заедно со Албанците нема да прифатиме вакви самоволни одлуки, со етничко надгласување, кои ги уништуваат досегашните достигнувања од Охридскиот договор“, нагласуваат во соопштението.
Нагасуваат дека ќе ги алармираат гарантите на ОД, меѓународната заедница, и ќе го кренат како што додаваат нивниот глас на секаков демократски и легитимен начин.
„Вие кои веќе ништо не вредите, а станавте сервилни и извршители на најтешките одлуки против Албанците, ќе останете долго запаметени во историјата по вашите предавства“, велат од Алијанса за Албанците.
Македонија
„Вреди“за „балансерот“: Одлуката нема да смени ништо за правата на Албанците, но е инспирирана од криминалните структури на претходната власт за создавање дестабилизација
„Вреди“ остро реагира на одлуката на Уставниот суд за покренување на постапка за оценување на уставноста и замрзнување на т.н. балансер, се наведува во соопштението од оваа партија.
Оваа одлука, велат од коалицијата, е инспирирана од очигледната потребата на криминалните структури на претходната власт за создавање меѓуетнички проблеми и дестабилизација на внатрешните односи во државата.
„Сакаме да укажеме на јавноста дека сите судии, без исклучок или било каква припадност, се избрани со гласови на ДУИ во претходните мандати. ДУИ давала поддршка на сите оние кои денес поведоа постапка против т.н. балансер.
ВЛЕН веќе работи на решавање на проблемот со правичната застапеност на Албанците во институциите, но на адекватен систематизиран и кодифициран начин. ВЛЕН ќе го реши овој проблем со нов закон на кој веќе се работи“, нагласуваат од коалицијата.
Потстеуваат дека принципот на рамноправна и правична застапеност е гарантиран со Уставот на Република Северна Македонија и тој не може да
биде оспорен и поништен дури ни од страна на Уставниот суд.
Дополнително, додаваат од „Вреди“ во десетици и десетици, можеби и стотоици материјални закони за функционирањето и работата на поединечни институции гарантирана е застапеноста на Албанците.
„Денешната одлука нема да смени ништо за правата на Албанците, ама ја покажува лошата намера на оние кои ги избраа овие судии во Уставниот суд. ДУИ не ги решааваше проблемите на Албанците, немаа време, беа посветени на своите бизниси, тендери, коцкарници, трговски центри, градежни фирми. ДУИ правеа криминал“, истакнуваат од „Вреди“ во пишаниот допис.