Македонија
Николовски и Оздемир на првиот академски час на Факултетот за земјоделски науки и храна: германскиот аташе за земјоделство ќе ги координира процесите

Во рамките на посетата на делегација од германското Министерство за храна и земјоделство и Амбасадата на Сојузна Република Германија во Северна Македонија, денеска, министерот за земјоделство, шумарство и водостопанство, Љупчо Николовски, заедно со сојузниот министер за земјоделство и храна на Германија, Џем Оздемир, и германската амбасадорка Петра Дрекслер, учествуваше на првиот академски час за студентите од Факултетот за земјоделски науки и храна – Скопје.
„Развојот на земјоделството почнува токму од тука, од образовните институции. Овде се градат идните земјоделски инженери, кои ќе ја имаат клучната улога во развојот на земјоделскиот сектор. Денеска, на сите вас кои ја почнувате вашата кариера, сакам да ви кажам дека се гордеам со сите вас млади луѓе, кои сте избрале да изучувате земјоделски науки. Со вашиот избор на земјоделските науки вие придонесувате и кон развојот на државата бидејќи најразвиените земји имаат силен земјоделски сектор“, потенцира Николовски.
Сојузниот министер за земјоделство и храна на Германија, Џем Оздемир, ги поздрави студентите, им посака успешна академска година и ја претстави европската перспектива на агросекторот во земјата по примерот на европските држави, каде што земјоделскиот сектор е еден од најзначајните и најпочитувани.
„Младите се иднината на секоја држава и затоа ги поздравувам вашите политики за поддршка на студентите со стипендии и вклучувањето на студентите во работењето на Министерството преку практиканство. Ја поддржувам и вашата одлична соработка помеѓу Министерството за земјоделство, шумарство и водостопанство и Факултетот за земјоделски науки и храна. Нашите факултети се отворени за соработка и размена на студенти на патот на нивната едукација во областа на секторот за производство на храна, дигитализацијата и иновациите. Воедно, сакам да потенцирам дека германскиот аташе за земјоделство ќе биде овде нашиот претставник што ќе ги координира сите процеси за брза и ефикасна комуникација, за сите барања и за целокупната поддршка што ви е потребна и која ние со задоволство ќе ја насочиме кон јакнење на науката, младите и агросекторот во целина“, потенцира Оздемир.
Делегацијата од Сојузна Република Германија оствари средба со повеќе од 30 декани и продекани на македонските факултети и факултетите од соседните земји. На средбата се потенцираа можностите за развој кога научните достигнувања се споделуваат и интегрираат во науката и образованието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„СДС и Филипче да одговорат дали Заев на поранешен премиер на Бугарија му понудил продажба на македонска телевизија и прислушкувани материјали“, прашува ВМРО-ДПМНЕ

„СДС лидерот го менува, но навиките не. Прислушкуваните материјали и купопродажбата на имоти, како и на државните интереси, продолжуваат да му бидат навика и на Венко Филипче, како на неговиот претходник и ментор, Зоран Заев. Затоа го прашуваме Филипче да каже дали Зоран Заев му понудил стик со прислушкувани материјали на поранешен бугарски премиер, како и една шема за купување на две големи фирми, од кои едната била телевизија“, прашува ВМРО-ДПМНЕ
„Венко Филипче да не молчи, туку да одговори што содржел стикот со прислушкувани материјали, кое неговиот, ментор Зоран Заев го дал на поранешен премиер на Бугарија, која сега ги злоупотребува механизмите на членка во ЕУ за да ја блокира државата.
Освен за стикот, СДС и Филипче, исто така, треба да кажат дали и зошто Зоран Заев понудил шема за купување на две големи фирми во Македонија од страна на фирми од Бугарија блиски до тој поранешен премиер и дали една од тие фирми е една голема телевизија, преку која требало да се врши бугарска пропаганда во државата?
Оттука произлегува уште едно прашање, на кое СДС и Филипче должат одговор, дали ова е подарокот кој Заев го дал во замена за логистичка и финансиска поддршка од Бугарија би им ја давала на партија и сега и во иднина и дали зад кампањата на СДС стои тој поранешен бугарски премиер со кој Заев е во контакт?
Од се ова можеме да видиме дека Венко Филипче не е ништи друго, освен алатка за реализација на планот на Заев и неговата таканаречена резолуција е само продолжеток на тој план за потчинување на државата во однос на Бугарија.
Овој нивен план е откриен, Филипче и неговиот ментор и гуру се фатени на дело.
Нивните планови нема да успеат, затоа што на претстојните избори народот жестоко ќе ги казни и со заокружување на број 9 ќе го направат вистинскиот избор, за твојот човек, за твоето место, за твојата иднина“, соопшти ВМРО-ДПМНЕ.
Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)