Македонија
Николовски: Почитувањето на здравствените протколи на работните места е важно за да нема застој на производствените процеси
Вицепремиерот задолжен за борба против корупцијата и криминалот, одржлив развој и човечки ресурси, Љупчо Николовски, денеска во Штип одржа работна средба со директорката на Инспекторатот за труд (ДТИ), Јована Тренчевска, и со дел од инспекторите од овој Инспекторат. На средбата се разговараше за работата на ДТИ, надзорите што се спроведуваат на терен, како и за идните активности на Инспекторатот.
Вицепремиерот Николовски посочи дека во овој период на пандемија предизвикана од коронавирусот, освен мерките за заштита на граѓаните, важно е да нема застој на производствените процеси и сите активности на фирмите, фабриките и на другите капацитети да продлжаат непречно да се извршуваат.
„Затоа, од исклучителна важност е работодавците да обезбедат безбедни услови за работа, со кои ќе го заштитат здравјето на работниците, и почитување на правата на работниците, а со тоа ќе се обезбедат услови за одржливо производство и за продуктивност на економијата во целост. Токму Државниот инспекторат за труд е клучниот контролен механизам за надзори врз примената на уредбите и здравствените протоколи за работа на работните места. Работниците се моторот на нашата економија и во оваа здравствена криза мора да се грижиме и да носиме мерки за да го зачуваме секое работно место“, изјави вицепремиерот Николовски.
Притоа Николовски посочи дека и овој инспекторат доби надлежност да постапува и по новите уредби и ковид-протоколи, а кои се однесуваат на превентивни мерки за сите работни места, дополнително со најновите измени на Законот за заштита на населението од заразни болести, Трудовиот инспекторат исто така доби поголеми надлежносити за постапување со прекршителите на уредбите и протколите.
Директорката на Инспекторатот за труд, Тренчевска, изјави дека овој Инспекторат врши инспекциски надзори во сите јавни и приватни правни субјекти во однос на примената на законите и другите прописи за работните односи, вработувањето, безбедноста и здравје при работата и колективните договори, договорите за вработување, а со појавата на пандемијата Инспекторатот доби надлежност да постапува и по новите уредби и ковид-протоколи, а кои се однесуваат на превентивни мерки за сите работни места.
„Во ноемрви се спроведоа 2.272 надзора во правни субјекти, издаени се 106 решенија за утврдени нерегуларности кај правните субјекти и издадени се 15 платни налози за непочитување на Протоколот 1 и на одредбите од Законот за заштита на наслеението од заразни болести. Во текот на декември, односно изминатите три дена се извршени 391 надзор кај правни субјекти и издадени се 15 решенија за утврдени нерегуларности во согласност со регулативата за работни односи и Законот за здравје и безбедност при работата. Не се утрвдени нерегуларости во делот на почитувањето на здравстените протоколи, што знали дека постепено правните субјекти ги почитуваат протколите“, изјави Тренчевска.
Вицепремиерот Николовски потенцира дека во владина процедура е информацијата за кадровско зајакнување на инспекциските служби, со што в година ќе се овозможат нови вработувања во оние инспкециски служби каде што има потреба во согласност со анализата на Инспекцискиот совет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Герасимовски: Воведуваме „Центарска картичка“ со попусти за културни, спортски настани, локали и продавници
Кандидатот за градоначалник на Општина Центар, Горан Герасимовски, денеска најави дека се воведува „Центарска картичка“ со попусти за културни и спортски настани, локали и продавници.
„Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички“, како и попусти за влез на базен. На нашите центарци, на децата и возрасните им овозможуваме подобри услови и поволности“, рече Герасимовски.
Македонија
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување.
Јонуз беше активен во политичкиот живот во Македонија не само како аналитичар и колумнист, туку и како поранешен советник и портпарол на поранешниот претседател на Собранието, Лупчо Јордановски и на поранешниот премиер Бучковски.
Во 2021 година Јонуз беше носител на листа на советници за Град Скопје предложен од „Твоја Партија“.
Јавноста го познаваше како чест гостин во политичките дебатни емисии на телевизиите.
Погребот на Агим Јонуз ќе се одржи утре, 26 октомври 2025 година, на гробиштата во Бутел.
Македонија
ВМРО-ДПМНЕ веќе има 35 градоначалници, рече Мицкоски по повлекувањето на опонентите од Могила и Македонски Брод, очекува 59
Премиерот и претседател на ВМРО-ДПМНЕ, Христијан Мицкоски од денешниот митинг во Неготино изрази увереност дека кандидатката од ВМРО-ДПМНЕ која има предност пред нејзиниот опонент од СДСМ, ќе биде следниот градоначалник на општината.
Мицкоски нагласи дека граѓаните јасно ја изразиле својата волја и доверба кон ВМРО-ДПМНЕ и Коалицијата, која во првиот круг освоила 33 градоначалници, наспроти тројца од СДСМ, а во вториот круг влегла во 26 општини.
„Веќе во две општини противниците на нашите кандидати се откажаа – Македонски Брод и Могила – така што во овој момент коалицијата има 35 градоначалници и уште во 24 општини е во втор круг. Тоа се 59 потенцијални градоначалници“, рече Мицкоски, додавајќи дека тоа ќе биде историски најголем триумф на македонската политичка сцена.
Тој посочи дека ВМРО-ДПМНЕ е апсолутен победник на овие избори, имајќи мнозинство и во 58 општински совети, а го истакна и водството на кандидатот за градоначалник на Град Скопје, со предност од над три спрема еден во однос на противкандидатот.
Мицкоски ги повика граѓаните масовно да излезат на гласање на 2 ноември и да го заокружат бројот 9, за, како што рече, да се потврди „најголемата победа во историјата на Македонија“.

