Македонија
Николоски: Од Прилеп му порачуваме на ДУИ, претседател на Македонија се бирало, се бира и ќе се бира од граѓаните на непосредни избори

Пред нас се историски избори за Македонија, избори кои што ќе ја одредат судбината на Македонија во следните 20 до 30 години. Не случајно нервозата е голема и кај Пендаровски со се цело СДСМ и кај ДУИ. Од една страна го гледате Пендаровски почна да навредува, од друга страна ДУИ мисли уште може да уценува. Ни едното ни другото не поминуваат, рече потпретседателот на ВМРО-ДПМНЕ, Александар Николоски од митингот во рамките на претседателската предизборна кампања во Прилеп.
Николоски додаде, „Стево Пендаровски наместо да одговори зошто штити криминал, зошто ги потпиша спорните измени на Кривичниот законик со кој што се штитат криминалците, наместо да одговори како прифаќа како прифаќа крадени народни пари за финансирање на неговата кампања, и наместо да одговори зошто не осуди ни една криминална афера во Македонија, тој навредува и тоа само го покажува неговото вистинско лице“.
„Гледам дека заедно со СДСМ и со ДУИ се обидуваат да внесат хаос во Македонија. Но, тој хаос нема да се случи и нема да помине. Гледам од ДУИ сеуште мислат дека можат да уценуваат, па велат, доколку сакате ова или она треба да поддржите избор на претседател на државата во Собрание“, рече Николоски.
Од Прилеп, Николоски упати порака до ДУИ, претседател на државата се бирал, се бира и ќе се бира директно од народот на непосредни избори и ниедна уцена нема да помине, затоа што не се во позиција да уценуваат, а граѓаните со масовната излезност и на 24 април и на 8 мај ќе кажат едно големо „не“ на уцените.
Во однос на парламентарната кампања коа почнува за неколку дена, Николоски посочи дека Стево Пендаровски не се појавува на настани заедно со Димитар Ковачевски, туку повремено се појавува со Венко Филипче и затоа, додаде, е чесно да одговорат на неколку работи.
„Прво, дали не ги гризе совеста за она што се случуваше во корона кризата. Прилеп, по број на жители е на врвот на црната статистика во Македонија. Во Прилеп состојбата беше најлоша. Само благодарение на неколку доктори херои, бројките и не беа полоши од тие што се. Во Прилеп, додека Венко Филипче тераше лична промоција и личен ПИ-АР, 608 луѓе го загубија животот, 608 семејства се зацрнија. И гледам дека не го гризе совеста за тоа, не зборува за тоа и повторно решава да тера личен ПИ-АР“, рече Николоски и додаде дека ова податоци околу ковид пандемијата се црни работи и на тоа треба да се потсети за никогаш повеќе да не се повторат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Митески: Наместо Градот, ние го собираме отпадот во Аеродром

Кандидатот за градоначалник на општина Аеродром, Дејан Митески, изјави дека општината самоиницијативно се справува со зголемените количества отпад, иако надлежноста за комуналната чистота е на Град Скопје.
„Сликата е жалосна во цело Скопје, но ние во Аеродром не чекаме – дневно депонираме повеќе од 10 тони отпад во Дрисла,“ изјави Митески.
Тој нагласи дека, пред да се воведат казни, неопходно е граѓаните да имаат услови каде да го одлагаат отпадот.
„За првпат како општина воведовме редовни акции коишто траат два месеци на пролет и на есен за одлагање на кабаст отпад, понудивме услуга преку нашето јавно претпријатие да може на повик, граѓаните дојдат и го депонираат отпадот за симболичен надоместок, за првпат лиценциравме јавно комунално претпријатие коешто може да одвезува и да транспортира неопасен отпад“, рече Митески.
Во гостување на Телма, тој додаде дека Аеродром веќе има лиценцирано јавно комунално претпријатие што може да одвезува и транспортира неопасен отпад.
Покрај тоа, Митески најави и дел од инфраструктурните и еколошките проекти од програмата – топлификација на Лисиче, нов културен дом и зелена офанзива со засадување нови садници во соработка со инвеститорите.
Македонија
Во тек голема акција: Финансиската полиција ја тресе прилепската болница, има приведени

Во тек е голема акција на финансиската полиција во Прилеп, поврзана со сомнежи за криминал во работењето на прилепската болница.
Според информациите за „Макфакс“, приведени се повеќе лица кои раководеле со болницата.
Од Основното јавно обвинителство, попладнево, соопштија дека Финнсиската полиција постапува по нивна наредба.
„Се преземаат дејствија во врска со постапка за наводи против повеќе лица за злоупотреби во работењето на прилепската болница. Акцијата е во тек“ соопштија од Обвинителството.
Повеќе детали ќе бидат познати во текот на утрешниот ден.
Македонија
Мециновиќ: Не планирам да водам деструктивна политика, ќе соработувам со сите советнички групи

Кандидатот за градоначалник на Скопје од Левица, Амар Мециновиќ, на првата прес-конференција по почетокот на вториот изборен круг обвини дека Левица е неправедно исклучена од медиумскиот простор, откако АВМУ не ѝ дозволи политичко рекламирање.
Според него, со тоа, нанесен е удар врз демократијата, но најавува позитивна и проактивна кампања, иако, како што рече, условите не се рамноправни.
„Јас не сум најпаметен, ниту најдобар од сите скопјани“, рече тој. „Но знам дека скопјани заслужуваат град каде што нивниот глас нешто значи. Локалната политика е нашето секојдневие: улиците, воздухот, јавниот превоз, зеленилото. Тие работи не смеат да зависат од партиски договори“.
Тој порача дека нема да води деструктивна политика и ќе соработува со сите советнички групи. Нагласи и дека проблемите во претходниот мандат произлегле од партиски суети и лични конфликти. Ги повика и разочараните граѓани да излезат на гласање:
„Овојпат изборот е реален – старите партии веќе не се најголемиот фактор.“
На крај, му порача на својот противкандидат: „Подготвен сум на дебата, па и на јавен дуел под отворено небо. Нека народот нè слушне и избере.“