Контакт

Македонија

Николоски: Со измените на Законот за урбанистичкото планирање се предвидува училишта, градинки, амбуланти, болници и катни гаражи да се градат по поедноставена процедура и побргу да бидат реализирани

Објавено пред

Министерот за транспорт Александар Николоски на денешната собраниска Комисија за транспорт, дигитална трансформација, животна средина и просторно планирање истакна дека измените кои ги предлагаат на законот за урбанистичко планирање не се обемни нити големи и се насочени кон три цели.

dobivaj vesti na viber

„Првата цел е реализација на стратешката определба на Владата која беше една од носечките ветувања на изборите на кои убедливо оваа Влада освои мнозинство вкупно во Собранието скоро 2/3 мнозинство имаме како Влада што е јасно изразување на волјата на народот и на огромното мнозинство на народот. Значи ова не е Влада која има 61 или 62 пратеници како претходните влади туку ова е Влада која во моментов ја поддржуваат скоро 2/3 од пратениците во Собранието. Едно од основните ветувања на владата беше дека ќе се зајакне процесот на децентрализација со конечно завршување во овој четири годишен мандат на сите прашања кои се поврзани со инфраструктурното уредување на општините. Целата јавност е свесна дека со исклучок на десетина урбани општини во Македонија кои имаат и свои проблеми остатокот од државата се бори за тоа да добие канализационен систем, водоводен систем, асфалтирани патишта, пристојни училишта, по некоја градинка итн., и затоа решивме да ги децентрализираме средствата кои се однесуваат на капитални расходи и секоја година 33% од капиталните расходи да слегуваат во општините, ако проценета вредност на капитални расходи во буџетот е некаде 750 милиони евра тогаш нашата заложба која ја реализираме е веќе од следната година по 250 милиони евра да се спуштаат во општините со цел веќе после 4 години веќе да не зборуваме за тоа дека има неасфалтирана улица, дека има место кое нема канализационен или водоводен систем, дека има село или населба која останала без училиште, градинка, амбуланта, болница“, истакна Николоски.

Министерот за транспорт Николоски истакна дека основната измена на законот се однесува да целосно финансираните проекти од буџетот на Република Македонија бидат во поедноставена процедура и побрзо реализирани.

„Основата на измената на законот се однесува на тоа да можат училишта, градинки, амбуланти, болници и катни гаражи кои се целосно финансирани од буџетот на Република Македонија или од буџетот на општините и се во целосна општинска или државна сопственост и целосно финансирани од буџетот, значи не се работи за приватни болници, градинки, училишта, напротив за исклучиво државни објекти да можат да се градат во поедноставена процедура, која ќе значи истите побрзо да бидат реализирани односно побрзо да се направат проектите кои овие објекти ќе можат да се реализираат. Тоа не значи дека воопшто ќе нема процедура, туку таа процедура ќе е многу поедноставена“, вели Николоски.

Министерот за транспорт Николоски продолжи и ја образложи втората измена која се планира.

„Втората измена која ја планираме за која претпоставувам ќе има и несогласување но јас ќе го кажам мојот став а тоа е во однос на претходните измени на законот за урбанистичко планирање во кој е ставен рок од 4 години со кои треба да се завршат веќе почнатите постапки за донесување на ДУП-ови а доколку истите не се завршат да се вратат од почеток. Оваа одредба е оспорена пред Уставниот суд и прашање на време е кога Уставниот суд ќе ја прифати затоа што не може со закон да креирате правна несигурност, а креираната правна несигурност овде е во три насоки. Прво како е определен рокот од 4 години зашто не е 3, 5, 6 или 2 години. Второ кој вели дека планот мора да се донесе и трето во моментов преку 600-тини планови се заглавени и не се ни напред ни назад, нити јас како министер можам да ги прифатам нити можам да ги одбијам, нити министерството може да даде позитивно мислење нити негативно мислење“, рече Николоски.

Министерот за транспорт Николоски укажа дека се предлага и укинување на правилото молчење од 20 дена кое значи одобрување на ДУП.

„Третата работа заради претходно дивеење на одредени општини ја зајакнуваме улогата на министерството за транспорт со бришење на правилото молчењето е одобрување. Веќе нема да може да се прават манипулации и финти кои се правеле во минатото да се користи оној рок од 20 дена досега законот велеше дека во рок од 20 дена доколку министерството за транспорт не се произнесе по однос на ДУП истиот се смета дека добил позитивно мислење од министерството. Таква работа веќе нема да има и нема да може да се манипулира“, потенцираше Николоски.

Македонија

ЦУК: Спасувачка акција на повредено лице при превртување на теренско возило на планинскиот пат над село Јеловце

Објавено пред

Фото: архива

Центарот за управување со кризи денеска попладне добил пријава за едно повредено лице при превртување на теренско возило на планинскиот пат над село Јеловце, општина Врапчиште.

dobivaj vesti na viber

Веднаш за настанот биле известени полициските станици Гостивар и Галате.

„Пријавата е добиена преку Едиствениот број за итни повици. Бидејќи теренот е тешко пристапен за возило на Итна медицинска помош, по барање на директорот на ЦУК, Мухамед Али, ДОЦ достави барање до Министерството за внатрешни работи за ангажирање на хеликоптер и специјални единици (алпинисти) за спасување на повреденото лице“, информираат од ЦУК.

Оттаму додаваат дека лицето ќе биде транспортирaно до Клинички центар за укажување на понатамошна медицинска помош.

Прикажи повеќе...

Македонија

Андоновски: Македонија прва од регионот ќе ги исполни условите за „роаминг како дома“

Објавено пред

Фото: архива

Земјите од Западен балкан на претстојниот Дигитален самит кој ќе се одржи на 1 и 2 октомври во Скопје ќе усвојат заедничка изјава со повик кон Европската Унија да се забрза процесот „роаминг како дома“ и нула трошоци за интернет за нашите граѓани во ЕУ.

dobivaj vesti na viber

Унијата пред еден месец излезе со патоказ што треба да го исполниме како држави за да пристапиме кон оваа зона, но потребна е активност и од нејзина страна.

Министерот за дигитална трансформација, Стефан Андоновски, вели дека Македонија ќе ги заврши своите обврски до декември годинава и очекува наредната година први да го потпишеме договорот за роаминг со нула трошоци за македонските граѓани.

„Главна беше измената на Законот за електронски комуникации за исполнување на клучните регулативи и директиви на ЕУ што ние веќе го направивме летово. Остануваат уште неколу подзаконски акти што треба да ги завршиме до крајот на годинава и со тоа ќе ги исполниме условите. Во напредна фаза сме, го изработивме нашиот Акциски план и мислам дека ќе бидеме први од регионот“, кажа Андоновски.

Прикажи повеќе...

Македонија

Дигиталниот Самит на Западен Балкан 2025 повторно во Скопје – 1 и 2 октомври во Музејот на современата уметност

Објавено пред

Фото: Министерство за дигитална трансформација

Министерот за дигитална трансформација, на прес конференција, ја најави организацијата на Дигиталниот Самит на Западен Балкан 2025, кој повторно ќе се одржи во Скопје, на 1 и 2 октомври 2025 година, во Музејот на современата уметност.

dobivaj vesti na viber

Ова регионална платформа ги поврзува владите од регионот, деловната заедница, академијата и меѓународните партнери со цел забрзување на дигиталната трансформација во регионот.

Самитот ќе биде организиран на две сцени – главна и технолошка, со три носечки приоритети:

• Дигитален паричник – сигурен и препознатлив пристап до јавни и приватни услуги.

• Интероперабилност – поврзување на системи и регистри за прекугранични електронски услуги.

• Сајбер-безбедност – заштита на личните податоци и критичната инфраструктура.

На технолошката сцена ќе бидат отворени теми за вештачка интелигенција, 5G и оптичка инфраструктура, дигитални вештини и пристапот на регионалните компании до единствениот европски дигитален пазар.

Министерот подвлече дека се очекуваат повеќе од 800 учесници и говорници, меѓу кои: претседателот на Владата Христијан Мицкоски, министри од Црна Гора, Албанија, високи претставнци од Србија, Косово, Босна и Херцеговина, високи претставници на Европската комисија, Регионалниот совет за соработка (RCC), ITU, бизнис секторот од регионот и други меѓународни организации. Меѓу најважните гости и говорници ги очекуваме и Ренате Николаи (DG CONNECT), генералниот секретар на RCC Амер Капетановиќ, заменик-генералниот секретар на Меѓународната телекомуникациска унија (ITU) Томас Ламанускас, видео-обраќање од Томас Јарзомбек (Парламентарен Државен секретар на СР Германија), како и од приватниот сектор Свјатослав Сењута од VISA, Марк Васич од Дојче Телеком и Кејт Марш од British Council.

Министерот Андоновски, подвлече дека самитот има исклучително значење затоа што ќе го продолжи „Нашите напори за понатамошно намалување на роаминг трошоците WB6–ЕУ со патека кон „роаминг како дома“, за 0 трошоци за интернет за македонските и граѓаните од Западниот Балкан кога патуваат во ЕУ.“

Прикажи повеќе...

Најново

Економија12 часа

Ќе има мерки за цените на прехранбените производи

Владата подготвува мерки за високите цени на прехранбените производи во маркетите. Премиерот Мицкоски вели дека екипи на Државниот пазарен инспекторат...

Економија13 часа

(Видео) Андоновска: ВМРО- ДПМНЕ ги враќа достоинството и сигурноста на македонскиот земјоделец

Развојот на земјоделството е стратешки приоритет на Владата предводена од ВМРО- ДПМНЕ. Земјоделците се клучни за руралниот развој и економската...

Економија13 часа

(Видео) Димковски: Алармантно, над 20 милиони килограми грозје стои неоткупено

Бербата на винското грозје е при крај а состојбата со откупот на терен е алараманта, рече денеска на прес-конференција, Трајан...

Македонија14 часа

Дигиталниот Самит на Западен Балкан 2025 повторно во Скопје – 1 и 2 октомври во Музејот на современата уметност

Министерот за дигитална трансформација, на прес конференција, ја најави организацијата на Дигиталниот Самит на Западен Балкан 2025, кој повторно ќе...

Македонија14 часа

Филипче: ВМРО-ДПМНЕ понуди само ароганција и лаги, ние нудиме чесни и компетентни кандидати на изборите

Претседателот на СДСМ, Венко Филипче, на средби со граѓаните на Струга порача дека власта на ВМРО-ДПМНЕ нуди само ароганција и...

Економија15 часа

Анализа на ССМ: Зголемувањето на минималната плата не води кон затворање на компании

Зголемувањето на минималната плата не придонесува за затворање на компаниите и не ја уништува економијата, туку создава услови за развој...

Македонија16 часа

Сиљановска-Давкова ќе учествува на 80. Генерално собрание на ОН

Претседателката Гордана Сиљановска-Давкова ќе престојува во работна посета на Соединетите Американски Држави по повод учеството на 80. Сесија на Генералното...

Свет16 часа

Во нови израелски напади врз Газа убиени најмалку 30 лица

Најмалку 30 лица денеска загинаа во воздушните напади на израелските сили врз Газа, објави Ал Џезира. Од 30 жртви, 28...

Македонија1 ден

(Фото) Ангелов: Пожарот над скопско Батинци е намерно подметнат, имаме целосна контрола над огнот

Големиот пожар над скопско Батинци е под целосна контрола, вели директорот на ЦУК, Стојанче Ангелов. „Поради ветерот пожарот се ширеше...

Македонија2 дена

(Видео) Кузеска: Додека народот се гуши во канцерогени честички, власта на Мицкоски се занимава со измислени приказни за хибридни напади

Владата вчера го потврди скандалот кој го објавивме и призна дека среде најголеми пожари 400-те пожарникари, кои помпезно ги најавуваше...

Економија2 дена

Вредноста на синдикалната минимална кошница во септември намалена за 430 денари

За покривање на основните животни потреби, во септември на четиричлено семејство му се потребни 65.077 денари, пресмета Сојузот на синдикати...

Македонија2 дена

Порака од претседателката Сиљановска-Давкова по повод 80. годишнината од основањето на ООН

Пред осумдесет години, Обединетите Нации се издигнаа од урнатините на Втората светска војна за да спречат идни војни, да го...

Македонија2 дена

(Видео) Филипче: Се потврди труењето во Трубарево, барам истрага и оставки од надлежните министри

Претседателот на СДСМ, Венко Филипче, денеска ја обвини Владата дека лажела за степенот на загадување и доцнела со реакција по...

Македонија2 дена

(Видео) Алиу: Во рекордно време реализиравме над 1.250 вработувања во јавно здравство

Министерот за здравство, Азир Алиу заедно со заменик министерот, Јовица Андовски, ги поздравија присутните на отворањето на 27. Синдикална школа...

Свет2 дена

Полска подигна борбени авиони поради руски напади врз Украина

Полските воздухопловни сили, заедно со сојузнички сили од НАТО, утрово беа ставени во состојба на највисока борбена готовност поради масовните...

Свет2 дена

Лекорни: Франција размислува за воведување на опционален воен рок

Канцеларијата на францускиот премиер, Себастијан Лекорни, наговести дека е во тек воведување на ревидиран, опционален воен рок во земјата. Доброволниот...

Свет2 дена

Кошта: На 1 октомври ЕУ ќе разговара за одговорот на руските провокации

Претседателот на Европскиот совет, Антонио Кошта, изјави дека лидерите на Европската унија ќе одржат состанок во Копенхаген на 1 октомври...

Свет2 дена

Руското министерство за одбрана ги отфрла наводите за нарушување на естонскиот воздушен простор

Руското Министерство за одбрана објави, во врска со обвинувањата на Естонија дека три руски борбени авиони го нарушиле воздушниот простор...

Свет2 дена

„Може да биде голем проблем“, рече Трамп за руското нарушување на воздушниот простор на Естонија

Американскиот претседател Доналд Трамп изјави дека наскоро ќе добие детални информации за руското нарушување на воздушниот простор на Естонија и...

Свет2 дена

Премиерот на Естонија бара консултации по член 4 од НАТО поради руските авиони

Естонија одлучи да побара консултации согласно Член 4 од НАТО поради нарушувањето на нејзиниот воздушен простор од страна на руски...