Македонија
Николоски тврди: најмалку пет земји од ЕУ сметаат дека Македонија не заслужува да почне преговори поради корупција
Темата која што се отвора е нешто што според мене е број еден проблем на Македонија, далеку над сите други проблеми, и проблем кој што директно го поврзувам со поткопување на националните интереси и негирањето на самобитноста на македонскиот народ. Затоа што високот ниво на криминал и корупција создава корумпирани политичките елити пред се во лицето на двете политички партии кои што ја водат владата, кои што обременети со потребата секој ден или секој втор ден да направат нов скандал на начин на кој што ќе ја испокрадат сопствената држава директно удираат во темелите на државата, вели Александар Николоски, потпретседател на ВМРО-ДПМНЕ и пратеник на денешната дебата во Струга, насловена „Борба со криминал и корупција, темелна европска вредност“ во рамки на кампањата „Важно е! Од тебе зависат промените“.
Потпретседателот на партијата Николоски истакна дека поради високиот степен на криминал и корупција, 5 големи земји членки на ЕУ сметаат дека Македонија не заслужува ниту почеток за преговори за членство со ЕУ.
„Доколку Македонија беше според перцепција за корупција во првите 30 во Светот, а во првите 100 како што е во моментот, верувајте многу поразлично ќе изгледаше проблемот со нашиот сосед Бугарија. Затоа што во моментот најмалку 5 земји членки на ЕУ, не мислам на Германија, но мислам на останатите мислат дека Македонија не заслужува ниту почеток за преговори за членство со ЕУ, пред се заради високо ниво на криминал и корупција, и затоа не се врши притисок врз Бугарија. Нема притисок, затоа што мислат дека државата не е спремна“, рече тој.
Николоски потенцираше ако претходно се зборувало само за висока корупција сега во владеење на СДСМ и ДУИ, корупцијата ја има од најниско до највисоко ниво од шалтерски работник па се до премиер, укажувајќи дека ако побарано се иселувале од Македонија заради економски причини, сега тоа се прави затоа што нема ред и поредок во државата.
„Ако во некои минати времиња се зборуваше за високо ниво на корупција, сега корупцијата ја имате од најниско до највисоко, од шалтерски службеник до премиер, комплетен систем на корупција, кој за жал ја јаде Македонија и прави многумина да се иселат од државата. Затоа што ако во минатото се иселувале од економски причини, сега многумина се иселуваат бегаат затоа што нема ред“, кажа Николоски.
Николоски нагласи дека корупциските скандали на владата на СДСМ и ДУИ, почнале уште со формирањето на истата, а тој бил првиот кој што го објавил криминалниот скандал на тогашниот генерален секретар на владата Драги Рашковски за набавка на радар за контрола на летање од италијанската фирма Леонардо тежок 1 милион евра.
Николоски наброј некои од криминалните скандали, како што рече, поврзани со влада на СДСМ и ДУИ, и порача дека со промена на владата и ослободување на институциите, ќе се истражат сите криминали и одговорност за истите ќе има.
„Дали да зборуваме за бизнис шемите на Вице Заев и неговите партнери во РЕК Битола, дали да зборуваме за фирмите на Зоран Заев во Петрич, Бугарија, дали да зборуваме за фабриките за марихуана, дали да зборуваме во текот на пандемијата со корона кога ги изгубија животите, а други се бореа за живот што се договараше исто една афера за набавка на вакцини по далеку повисока цена од фирма која што е регистрирана за јужно овошје, или да зборуваме за фирмите на Крмзов кој ги извадив на почетокот на изборната кампања во 2020 година кои што во услови на корона и намалена економска активност за 4 месеци имаа поврат на ДДВ од 6милиони евра, што значи дека требаше да имаат залихи од 25 милиони евра“, додаде тој.
„Причина зошто ги враќам сите овие афери, затоа што кај дел во јавноста постои впечаток дека ние ова сме го заборавиле или дека останало позади нас. Но, ништо од ова не е заборавено. За сето ова водиме јасна евиденција и сето ова ќе е обврска за работа на ослободените институции по формирање на нова влада предводена од ВМРО-ДПМНЕ, мислам тука и на МВР, на обвинителството, на финансиската полиција, УЈП, Царинската управа, и сите останати ќе го истражат ова едно до едно“, порача Николоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Оние кои го променија името на државата, нудат предлог за црвени линии- Нашиот приоритет се европските интеграции
„Втората работа што морам да ја прокоментирам е некаков предлог за црвени линии, за прашањето со нашиот источен сосед. Со радост го чекам тој предлог да видам каков ќе биде, во исчекување сум, со нетрпение го чекам – од истите тие кои прифатија декларација за непромена на името, па потоа го сменија, од оние кои викаа дека нема ултиматуми, па го донесоа францускиот предлог, од тие кои велеа „ајде на референдум“, па потоа не ги признаваа резултатите од него“, вели Христијан Мицкоски претседател на Владата на Република Северна Македонија.
Премиерот Мицкоски порача дека додека тој е претседател на Владата, нема да има игри со вакви прашање, потенцирајќи дека приоритет се европските интеграции, но тој пат не смее повеќе да биде срамен.
„Ајде да видиме какви се тие црвени линии, чија боја ќе биде побледа од најбелата боја, затоа што не може во исто време да се збори за црвени линии, а да се вели „мора да се прифати се што е на маса, безусловно“. Но ви велам, да бидете сигурни, додека јас сум претседател на Владата, нема да има игри со вакви прашање. Државата ќе биде сигурна. Наш приоритет се европските интеграции. Биле, се и ќе останат, но тој пат не смее повеќе да биде срамен. Треба да биде достоинствен, треба да биде пат по којшто ќе бидеме рамноправни со сите останати европски народи, а не понижени и засрамени како што за жал денес сите од нас се чувствуваме“, нагласи Мицкоски и додаде:
„Но, мојот фокус како претседател на Владата е подобро образование, вистинско европско образование, среќни земјоделци, млади коишто остануваат дома, пензионери коишто се радуваат на своите најубави денови после се она што го направиле во својот живот, за своето семејство и за својата држава, работници коишто имаат услови за работа исти онакви какви што имаат нивните колеги во Европа. Силна економија, инвестиции, животен стандард најдобар на Балканот и еден од водечките во Европа. Тоа е мојот сон и сонот на мојата генерација, сигурен сум дека секој еден од вас ќе се согласи дека вреди да се жртвуваме за да го отсонуваме овој сон.“
Македонија
Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот
Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста се осврна и на новиот скандал со прислушкувањето, нагласувајќи дека се следи и прислушкува од 90-тите години и една иста структура, речиси исти луѓе и оперативци, блиски до некоја мината власт, оперираат со системот, додавајќи дека со ваквите чекори се удира по основите на демократијата, се удира по уставниот поредок, а последиците на таквиот извитоперен систем не само што уништуваат генерации луѓе, туку и ја доведуваат во опасност целата држава, каде на тацна го ставаат безбедносниот систем.
„Само кусо да се осврнам на една тема од секојдневието која пак има важност за покрупната слика за системот во кој опстојуваме. Тоа е прислушкувањето. Нелегалното, незаконското прислушкување и злоупотреба на системот. Се следи и прислушкува од 90-тите години. И една иста структура, речиси исти луѓе и оперативци, блиски до некоја мината власт, оперираат со системот. Со ваквите чекори се удира по основите на демократијата, се удира по уставниот поредок, а последиците на таквиот извитоперен систем не само што уништуваат генерации луѓе, туку и ја доведуваат во опасност целата држава, каде на тацна го ставаат безбедносниот систем. Ваквите удари уништуваат и човечки судбини, најчесто измислувајќи ситуации, контакти, додавајќи работи кои во суштина не постојат“, вели тој.
Мицкоски нагласи дека не е прашање дали материјалите ќе се декласифицираат, тука прашање е како да се спречи ваквата злоупотреба и повеќе ова да не се повтори.
„За ова сум сведок и јас лично, гледајќи го материјалот поврзан со мене, а богами и со моето семејство. Ајде разбирам јас, ама децата?! И тука сакам да подвлечам: не е прашањето дали ќе се декласифицираат материјалите-тоа е сосема ирелевантно и на таквите работи гледам како на страв и паника на оние кои повикуваат на такво нешто, и како на изговор за дефокусирање од вистинските дилеми.
А да не зборувам што со тоа се разоткрива и расклинкува цел еден оперативен систем. Вистинското прашање е како да ги спречиме злоупотребите и повеќе ова да не се повтори“, рече премиерот Мицкоски.
„Тоа ќе се случи само и само кога ќе има одговорност. А одговорност мора да има. Сите материјали од институциите и сознанија за незаконското следење се предадени на обвинителството. Ги знаеме нивните слаби капацитети и за жал ниската доверба во нив, но овој случај ќе го следиме одблиску и само да знаат дека оваа работа нема да се стави под тепих.
Ова е прашање на опстојување на државата. И во периодот што следи ќе се одмотува овој гордиев јазол“, истакна Мицкоски.
Македонија
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се шест, под контрола е еден, а изгаснати се два пожари, извести Центарот за управување со кризи.
Активни се пожарите во општина Берово: Дрџински рид, м.в. Стојковото, село Русиново (дабова, букова шума и папрат); општина Липково 1: село Никуштак (нискостеблеста деградирана шума и дабова шума); Општина Липково 2: село Оризаре (мешана шума и ниска вегетација); Општина Студеничани: село Варвара (мешана шума и ниска вегетација); Општина Струга: село Ложани (ниска вегетација) и исто така во општина Струга: село Белица (ниска вегетација)
Под контрола е пожарот во општина Гази Баба: Вардариште (каде што гори ѓубриште)
Како што информираше ЦУК изгаснати се два пожари.
Едно и полгодишно дете од Радовиш пренесено во Клиничката болница Штип, според таткото испило таблета
Вчера во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено...
Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот
Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста...
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...
Ахмети: Никаква опасност, на ниту еден Македонец, а уште помалку на нашата држава, не и се заканува од еднаквоста со Албанците
„Годишнината од прогласувањето на независноста на Северна Македонија е секогаш повод да рефлектираме за тоа како беше, како е и...
(Фото) Започна увидот во опожарената фабрика во Виница
Јавен обвинител од Основното јавно обвинителство Кочани го започна увидот по настанатиот пожар во фабриката „Макпрогрес-Винчини“ во Виница. Увидните дејствија...
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот...
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
Во пожарот во „Винчини“ повредени се пожарникари, доброволци и вработени во фабриката
Медицинска помош во текот на синоќешниот пожар во фабриката Макпрогрес-Винчини побарале 16 лица, изјави градоначалникот на Општина Виница, Миле Петков....
Зеленски тврди дека речиси 60 проценти од оружјето што го користи украинската армија се произведува во Украина
Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во...
Подметнат е големиот пожар кој избувна кај селото Косово Дабје близу планината Голак
Пожарот кој синоќа околу 23 часот избувна кај селото Косово Дабје во Општина Делчево, е целосно изгаснат и ставен под...
Пожарот во фабриката „Винчини“ е под контрола, пожарникарите со часови се бореле со огнот
Ставен е под целосна пожарот што изби вчера во фабриката за кандирани производи и вафли „Макпрогрес“ во Виница позната по...
Руската вакцина против рак успешно ги помина претклиничките испитувања и е подготвена за употреба
Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова,...
