Македонија
Ништо не е сменето во ДПМНЕ, фатени во нова лага, немаат потписи за Силјановска, велат од СДСМ

„Ништо не е сменето во ДПМНЕ, тоа е партија која функционира со ширење лаги и невистини. Фатени се во нова лага за потписите на Силјановска“, велат од СДСМ.
„Откако не успеа да собере валидни, законски потписи за својата кандидатка, ДПМНЕ ја поднесе кандидатурата во ДИК со потписи на пратеници, а не со потписи од граѓани. Зад кандидатурата на Стево Пендаровски застанаа 22.449 граѓани а зад Гордана Силјановска само 40 пратеници од ДПМНЕ. А, ДПМНЕ, помпезно на прес конференции се фалеа дека за неколку часа биле собрани потписи, дека биле собрани повеќе од потребните. Но, се покажа дека немаат потписи за Силјановска, дека не биле собрани“, дополнуваат од СДСМ.
Според нив, ДПМНЕ, повторно ги излажал граѓаните.
„Нема никаква промена во ДПМНЕ. Ниту ДПМНЕ, ниту Силјановска не можат да донесат промени на подобро“, завршуваат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Голем пожар до Струмица

Голем пожар избувна попладнево во близина на Струмица меѓу Градските гробишта и селото Баница и зафати огромна површина и со голема брзина се шири кон месноста Софилар и куќите во тој дел на градот.
Според командирот на ТППЕ Струмица, Александар Гудев, се работи за пожар од големи размери, кој засега го гаснат 30 пожарникари и 10 возила, а побарана е помош од пожарникарите од Валандово и вклучување на хеликоптер.
Од СВР Струмица попладнево упатија апел до граѓаните да не се движат во делот зафатен со пожар, а лицата кои се затекнати таму веднаш да го напуштат подрачјето.
Македонија
Револуционерна здравствена апликација најавена од министерот Алиу

Пациентите наскоро ќе можат полесно и побрзо да комуницираат со своите лекари преку нова апликација што ја најави министерот за здравство Азир Алиу. Новото софтверско решение е дел од стратегијата за дигитализација на здравствениот систем и ќе овозможи секој пациент во секое време да внесе здравствени параметри – како притисок, шеќер или други индикатори – на кои докторот ќе може веднаш да реагира.
Тој нагласи дека оваа апликација е само дел од поширокиот процес на дигитална трансформација, кој вклучува и усогласување на 12 закони со цел поголема транспарентност и ефикасност во здравството.
Министерот објави и новина во онколошката грижа – третманот на пациенти со карцином веќе нема да биде ограничен само на Скопје. Онколошките услуги ќе бидат дисперзирани и во болниците во Штип, Тетово, Битола и ГОБ „8 Септември“.
– Во завршна фаза сме со изработка на протоколите. Почетно, лекувањето ќе се врши со асистенција преку телемедицина од Скопје, а наскоро очекуваме во овие центри да се воспостават и ЦТ симулатори. Така пациентите ќе добијат квалитетен третман поблиску до своите домови – додаде министерот.
Македонија
Бугарски Несебар ќе го одржува чист Стариот град со електрична машина од ГМ на Брако

Општина Несебар, еден од најпознатите туристички центри во Бугарија, избра да ја одржува чистотата во старото градско јадро со целосно електричната машина GM400ze од брендот Green Machines.
Оваа компактна машина, произведена од компанијата БРАКО, работи без никакви штетни емисии и е идеално решение за чувствителни урбани средини. Благодарение на иновативниот REX систем за рециклирање на воздухот, GM400ze овозможува чистење без подигање прашина, што е особено важно во историски подрачја како што е стариот Несебар, кој се наоѓа под заштита на УНЕСКО.
Операторите веќе поминаа техничка обука спроведена од овластени претставници на Green Machines во Бугарија и се целосно подготвени за користење на машината. Со својата тивка и прецизна работа, GM400ze е совршено решение за тесни улички, пешачки зони и зони со висока туристичка фрекфенција.
Оваа испорака следи по набавката на моделот GM636 во бугарскиот град Поморие, што уште еднаш ја потврдува присутноста на Green Machines на овој пазар.