Македонија
Нова група од 149 Авганистанци доцна синоќа пристигна во земјава, соопшти Владата

Република Северна Македонија останува посветена како дел од меѓународната хуманитарна акција за помош на граѓани од Авганистан кои во изминатиов период работеа на подобрување на човековите права, демократијата и мирот, соопштија денеска од Владата.
Доцна синоќа на Меѓународниот аеродром во Скопје пристигна нова група од 149 граѓани од Авганистан. Станува збор за стипендисти на Фондациите Отворено општество и граѓани кои работеа во меѓународните мисии за развој на демократијата во Авганистан, како и членови на нивните семејства, додаваат од таму.
Граѓаните, според владините служби, ќе бидат привремено сместени во Скопје додека не се обезбеди трансфер до нивната крајна дестинација. Трошоците во целост се покриени од меѓународните организации.
„По слетувањето доцна синоќа беше спроведена стандардна процедура, безбедносна проверка и заштита, медицинска поддршка, ПЦР-тест и можност за вакцина. Црвениот крст им подели хигиенски пакети и облека, а дополнително и за лицата кои претходно пристигнаа во Северна Македонија, Црениот крст дистрибуираше дополнителни средства за хигиена, зимска облека и обувки“, се наведува во владиното соопштение.
Потсетуваат дека до сега во земјава пристигнаа вкупно 450 граѓани на Авганистан за кои институциите прават сé да се чувствуваат безбедно обезбедувајќи им ја целата потребна поддршка и помош во текот на нивниот привремен престој во Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Андоновска: Мегафоните на СДСМ повикуваат на ликвидација на Мицкоски

Повод за овој прес е срамната и морбидна објава на социјалните мрежи од Бранко Тричковски, долгогодишен пропагандист и медиумски гласноговорник на СДС, кој во врска со настанот со лажната дојава за бомба во центарот на Скопје, пишува – цитираме: „Најголем предизборен штос би направиле кога во куферот би го напикале распарчaното тело на Христијан!“, изјави Викторија Андоновска од ВМРО-ДПМНЕ.
Според неа, овој морбиден испад не е изолиран случај, ниту дело на поединец со нарушена психолошка состојба. Според Андоновска, тоа е резултат на системскиот очај и политичкиот банкрот на СДС, кои, свесни дека немаат што да им понудат на граѓаните, се потпираат на омраза, лаги и повици на насилство.
„Кога мегaфоните на СДС повикуваат на распарчување на премиерот, тоа не е хумор – тоа е црна пропаганда насочена кон создавање страв, поделби и дестабилизација во изборен период. Тоа е дел од стратегијата на една потоната партија, која, наместо идеи, нуди омраза и агресија. Дополнително, фактот што медиуми кои важат блиски до СДС редовно ги објавуваат и промовираат ставовите на Тричковски, покажува дека станува збор за организирана хајка, диригирана од ист центар, со цел да се поттикне тензија, да се создаде впечаток на страв и да се измести фокусот од реалните теми што ја мачат државата и граѓаните. Да нема забуна – ова не е еден човек што зборува сам за себе, ова е гласот на очајот на СДС, кој се слуша преку нивните медиумски издувни вентили. Исто така, треба јасно да се потенцира и одговорноста на медиумите кои ги пренесуваат овие пораки — дали тоа го прават по налог и како дел од сценарио, или затоа што веруваат и се согласуваат со она што тој го пишува; во секој случај тие се соучесници во ширењето омраза и закани“, рече Андоновска.
Таа ги повика надлежните органи да проверат дали Тричковски има формални поврзаности со политички структури.
„Јасно нагласуваме: ова не е слобода на говор, туку повик за убиство — повик за криминален акт против животот на друг човек. Затоа, сите кои ги шират, ги оправдуваат или ќе го штитат овој човек немаат оправдување; тие се соучесници во поттикнувањето и нормализирањето на опасната реторика“, рече Андоновска и ги повика СДС јавно да се оградат од овој, како што кажа, срамен чин.
Македонија
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село

Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари.
Како што извести Царинската управа, делото е откриено на влез на граничен премин Ново Село, кога при извршен детален преглед на возилото со кое патувале осомничените, во багажниот простор се откриени вкупно пет нови „iPhone 16“, од кои три „iPhone 16 Pro Max“, како и еден употребуван „iPhone 16 Pro Max“.
Случајот е предаден во Одделението за истраги при Секторот за контрола и истраги, од каде се преземени предистражни дејствија. Во постапката е утврдено дека првоосомничениот, по договор со второосомничениот, во негово име ги презел мобилните телефони кои претходно биле порачани преку интернет од лице во Бугарија, за кои биле платени пет илјади евра во криптовалута.
По преземањето, телефоните биле скриени во багажниот простор со цел да се избегне царинската контрола и плаќање давачки кон државата во износ од 64 илјади денари.
Телефоните се запленети, а против сторителите е поднесена кривична пријава до Основно Јавно Обвинителство Струмица, соопшти Царинската управа.
Македонија
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот


Скопје ја добива првата подземна сообраќајница во нашиот главен град, нешто што досега било несвојствено за нашата држава, рече Ѓорѓиевски
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје, рече денес кандидатот за градоначалник на Скопје од ВМРО-ДПМНЕ, Орце Ѓорѓиевски. И тој како и неговите претходници Данела Арсовска, Петре Шилегов и Коце Трајановски, им вети на скопјани дека ќе изгради три кружни тека со кои ќе ја поврзе подземната сообраќајница, која пак треба целосно да ја изгради „Лимак“.
„Се работи за клучен проект што ќе го растовари целосно метежот во центарот на Скопје. Новиот кружен тек кај Нова Македонија, и двата кружни тека кај булеварот Кочо Рацин и улица Железничка, кај што се наоѓаме во моментов, ќе донесат побезбеден проток и паметни сообраќајни решенија според европските стандарди. Со пуштањето во употреба на подземната сообраќајница под ’Лимак’, Скопје ја добива првата подземна сообраќајница во нашиот главен град, нешто што досега било несвојствено за нашата држава. Таа ќе има шест ленти, четири за двонасочен сообраќај за автомобили, две за автобуси и дополнителни тротоари за пешаци. Со оваа подземна сообраќајница под ’Лимак’, сообраќајот би течел сосема непречено, а центарот ќе заживее значително растоварување што ќе го направи движењето низ целиот град многу покомфорно и пред се побезбедно“, рече Ѓорѓиевски.

Предвидуваме уште едно капитално решение, а тоа е улицата Даме Груев да премине во булеварско решение, кажа денес Ѓорѓиевски
Тој најави и уште еден проект што многумина пред него го ветуваа но се покажа дека е тежок за реализација па остана само на хартија иако се правеа низа анализи, проекти и планови изминативе три децении.
„Мислам дека ќе успееме да постигнеме и целосно ослободување од метежот во Центарот бидејќи предвидуваме уште едно капитално решение, а тоа е улицата Даме Груев да премине во булеварско решение. Иако постојат предизвици со зградата на ’Макотекс’ имаме јасен план за правно и техничко решение“, вели Ѓорѓиевски.

Ѓорѓиевски и Лабудовиќ заедно ќе градат катна гаража во Буњаковец и монтажни паркинзи под Калето и во Капиштец
Паркирањето во Центар Ѓорѓиевски најави дека ќе го растоварува со нова катна гаража зад Буњаковец, на местото на дотрајаните бараки и сегашниот монтажен паркинг, а заедно со Мирослав Лабудовиќ, кандидатот за градоначалник на Општина Центар од ЗНАМ, најавија изградба на монтажни паркинзи под Калето и во Капиштец покрај другите заеднички проекти за надминување на сегашниот хаос во градот и во Центар.