Македонија
Нови дојави за бомби во Скопје, Прилеп и во Охрид, наставата продолжува оналјн
![](https://makfax.com.mk/wp-content/uploads/2019/04/nikola-karev.jpg)
Нови дојави за бомби утрово има во Скопје, Прилеп и во Охрид.
Според информациите, закани за поставени електронски направи пристигнале на електронските адреси на 19 средни и 8 основни скопски училишта, едно училиште во Прилеп, како и во Основниот суд во Охрид.
„Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“, велат од МВР.
За еден час, наставата ќе продолжи да се одвива онлајн по препорака на Министерството за образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сообраќајна несреќа кај Групчин, автопатот Скопје-Тетово е затворен за сообраќај
![](https://makfax.com.mk/wp-content/uploads/2023/04/soobrakajka-noke-policija-202622.jpg)
АМСМ информира дека од 19:45 часот Автопат Скопје – Тетово, кај Групчин, е затворен.
Според информациите, затворањето е поради сообраќајна незгода.
Сообраќајот се пренасочува по стариот пат.
Македонија
„Наместо 15 години работен стаж, да се добива пензија со пет години работно искуство“: пензионерите предложија нов закон
![](https://makfax.com.mk/wp-content/uploads/2021/10/stari-lufe-penzioneri.png)
Пензионерите на протест побараа линеарно зголемување на пензиите по 5.000 денари и на средбата во Свети Николе го презентираа нивниот предлог Закон со кој бараат минималната пензија да се поврзе со минималната плата.
Авторот на законското решение Миле Тасевски појаснува дека тие бараат минималната пензија да биде 70 отсто од минималната плата, а истото да биде и за просечната плата, односно пензија. Дополнително во новиот Закон се предвидува наместо 15 години работен стаж, пензионерите да добиваат пензија со пет години работно искуство. Во однос на старосната граница промени нема.
-Основата на нашиот Закон, прво се врзуваме со минималната плата. Ние сакаме 70 отсто од минималната плата да добива пензионерот, вели Тасевски.
Пензионерите благодарност упатија и до премиерот Христијан Мицкоски за најавата дека пензионерите ќе добијат покачување од пет илјади денари, половина во месец септември и половина во месец март, наредната година.
Македонија
Средба на заменик претседателот на Владата и министер за транспорт Александар Николоски и Амбасадорот на Унгарија, Андраш Клајн
![](https://makfax.com.mk/wp-content/uploads/2024/07/IMG-1a720f5f17a630e51d946fa70a0e08c2-V.jpg)
Заменик претседателот на Владата и министер за транспорт Александар Николоски, денеска оствари работна средба со Амбасадорот на Унгарија, Андраш Клајн.
На средбата министерот Николоски упати честитки за преземањето на претседателството со Советот на ЕУ од страна на Унгарија, со порака дека Владата останува силно фокусирана на европската агенда.
Исто така министерот Николоски ги потенцираше реформските процеси, истакнувајќи ги плановите на Владата за регионална интеграција и зајакнување на односите со земјите од Западен Балкан.
На средбата се разменија информации околу искуствата за модернизација на регионалната инфраструктура, со посебен фокус на патната и железничката инфраструктура.
Во Унгарија гледаме како долгогодишен партнер и пријател и огромна е поддршката што ја овозможува Унгарија за евроинтегративниот процес како врвен приоритет, потенцираше на средбата министерот Николоски.
И двајцата се согласија за натамошно зајакнување на билатералните односи и интензивирање на соработката во области од заеднички интерес за двете земји.