Македонија
Новото обележје на градот – комплексот „Гранд Скопје“ претставен пред локални и меѓународни професионалци за недвижности
Скопје денеска беше центарот каде на едно место се собраа голем број на професионалци за недвижности од земјава и странство со цел да ги разменат своите знаења, искуства и успешни приказни од областа на индустријата за недвижности.
Причина за овој собир беше првата Конференција за недвижности во земјава, на која златен спонзор беше „Гранд Скопје“.
Конференцијата создаде одлична можност за вмрежување и разговор на актуелни теми кои ја засегаат индустријата за недвижности, како најновите трендови, перспективи и предизвици со кои таа се соочува, а едни од клучните говорници беа токму претставниците на „Гранд Скопје“.
„ Станбено- деловниот комплекс „Гранд Скопје“ со своите карактеристики поседува потенцијал комплетно да ја редефинира урбаната слика на центарот на градот. Целиот комплекс е идеално поврзан со околината, а близината на самиот кеј на реката Вардар, и целата таа динамична и урбана средина која го опкружува, овозможува целосна функционалност и достапност на најразлични содржини. “, истакна Леонид Антиќ, член на Управниот одбор на „Гранд Скопје“ при својата презентација.
Антиќ во текот на претставувањето на „Гранд Скопје“ се фокусираше на најважните придобивки кои овој комплекс ќе ги обезбеди за неговите жители и посетители, акцентирајќи ја изградбата на урбан парк со големина колку Плоштад Македонија во склоп на комплексот.
„Во рамки на комплексот предвиден е парк кој ќе содржи разновидно парковско зеленило налик на светските уредени урбани паркови и простори оплеменети со современа фонтана и урбана смарт опрема. Но, она што е можеби и најважно е поголемата слика од само станбено- деловен објект. Комплексот ‘Гранд Скопје’ неспорно ќе донесе огромна придобивка и за нашиот град, бидејќи неговата реализација ќе создаде одлична атмосфера за економски развој, нови можности за вработување, а ќе се отвори дополнителна врата за развој на туризмот и културата“, заклучи Антиќ пред присутните.
Во рамки на конференцијата се одржаа и неколку панел дискусии на кои учество земаа претставници на „Гранд Скопје“ и ја пренесоа својата експертиза од полето на резиденцијално домување.
Спонзорството на оваа конференција ја покажува посветеноста на „Гранд Скопје“ за потребата за едукација, развој и унапредување на пазарот на недвижности.
Првата конференција за недвижности во земјава беше организирана од страна на Фортонмка, компанија која е стратешки партнер на Cushman & Wakefield- најголемата светска компанија за советување за недвижности.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Стевчо Јакимовски да каже како неговото семејство се стекнало со градежни парцели во Жданец и луксузна хациенда во Грција“, прашува ВМРО-ДПМНЕ
„Стевчо Јакимовски, кој постојано зборува за јавниот интерес, треба конечно да објасни како парцели што според деталниот урбанистички план биле означени како зеленило, одеднаш станале градежни парцели. И како се купува хациенда во Грција“, прашува ВМРО-ДПМНЕ преку соопштение.
„Јакимовски одамна се обидува да го претстави своето владеење како пример за ‘транспарентност’, но во реалноста би можел да послужи како пример за тоа како личниот интерес може да се сокрие зад службен печат и јавна должност.
Во рок од една година, членови на неговото семејство се појавуваат како сопственици на имоти во најскапата зона на општина Карпош, Жданец, токму во делот каде што живее и самиот Јакимовски.
Сосема легитимно прашање е јавноста да знае како од парцели за зеленило станаа градежни парцели.
Семејството на Стевчо Јакимовски во истиот период од таа една година се стекнало и со луксузна вила во Грција.
Доволно е од приказните за ‘искусен градоначалник’, искуството што го покажа е искуство претворање на јавен интерес во имотен лист.
Карпошани не се должни да слугуваат во процесот на енормно богатење на Стевчо Јакимовски“, се додава во соопштението на ВМРО-ДПМНЕ.
Македонија
Избрани се 50 најдобри средношколски идеи – започна трката за милион денари!
Со изборот на 50-те најдобри од вкупно пристигнатите 438 пријави, започнува втората фаза на натпреварот „Средношколец Милионер“ со онлајн гласање на платформата milioner.mk.
Од вкупно 438 пристигнати бизнис идеи од средношколци низ цела Македонија, избрани се топ 50 најиновативни и најперспективни бизнис идеи кои влегуваат во втората фаза на натпреварот „Средношколец Милионер“, организиран од Бреинстер Некст Колеџот и НУ Академиите за талентирани средношколци.

Во првата фаза учениците имаа можност да се пријават и да ја опишат својата идеја и нејзиниот потенцијал за решавање реален проблем. Во следната фаза кандидатите ќе ги изложат своите идеи пред јавноста, која ќе гласа за најдобрите 20 кои ќе ја продолжат битката за големата награда – еден милион денари.
„Оваа генерација средношколци не само што има идеи – тие размислуваат зрело, креативно и амбициозно. Нашата мисија е да им помогнеме да го претворат потенцијалот во реални решенија,“ – велат од Бреинстер Некст Колеџ.
Од денес започнува и втората фаза, во која ќе има официјално гласање за идеите на платформата milioner.mk каде што секој еден може да дознае повеќе детали за секоја од 50-те најдобри идеи и да гласа по еднаш за максимум 10 бизнис идеи предложени од амбициозните средношколци од цела Македонија. Гласањето ќе биде затворено на 16 ноември.
Најдобрите 20 идеи ќе влезат во последните две фази, во кои со поддршка од ментори ќе се подготвуваат за големото финале и борбата за освојување на 1.000.000 денари.
Целта на натпреварот „Средношколец Милионер“ е да ги поттикне младите во Македонија да размислуваат претприемнички, креативно и иновативно, да препознаваат реални проблеми во својата околина и да предлагаат одржливи решенија со потенцијал за развој во вистински бизнис.

„Кога бев средношколец, и јас имав многу идеи – но немаше каде и како да ги претворам во нешто реално. Пред 10 години кога го започнав Бреинстер, наидов токму на ваква поддршка каква што нудиме денес за оние со најдобрите идеи, односно даваме шанса каква што ни била дадена нас од луѓе кои веруваа во визијата за Бреинстер. Затоа верувам дека „Средношколец Милионер“ е многу повеќе од натпревар – тоа е шанса младите денес да направат нешто што нашата генерација немаше шанса да го направи додека учеше во средно школо. И да видат дека идејата вреди само ако се обидеш да ја спроведеш,“ вели Петар Ниновски, основач на Бреинстер, додавајќи дека токму ваквите иницијативи создаваат нова генерација млади луѓе кои не чекаат приликата – туку самите ја создаваат.
Преку натпреварот, Бреинстер Некст Колеџот и НУ Академиите за талентирани средношколци создаваат најголема платформа за младинско претприемништво во земјата, со мисија да ги подготват средношколците за идни професии и да им покажат дека идеите можат да станат реалност – со вистинска поддршка, знаење и труд.
Натпреварот не е само трка за награда од 1.000.000 денари, туку патување на учење, развој и инспирација, кое им овозможува на младите да изградат самодоверба, лидерски способности и вистински бизнис-дух.
(ПР)
Македонија
Здружението на пензионери на oпштина Центар: Се надеваме дека соработката со Герасимовски ќе продолжи во иднина
Здружението на пензионери на Општина Центар на средбата со кандидатот за нов мандат, Горан Герасимовски, ја потврди својата поддршка за него во вториот круг од локалните избори. Герасимовски, заблагодарувајќи им се на пензионерите, истакна дека нивната поддршка многу му значи.
„Тоа е генерација која заслужува внимание, почит и помош, а јас како градоначалник, заедно со мојот тим, секогаш сме излегувале во пресрет. Им благодарам што го препознаа сето она што го правиме за нив, преку разни проекти и иницијативи. На средбата разговаравме и за идните планови, како и за можностите за унапредување на квалитетот на нивниот живот“, истакна Герасимовски.

На средбата се разговараше и за новата програма во која се предвидува изградба на дом за стари лица, во кој највозрасните ќе можат да домуваат по субвенционирана цена, извести Герасимовски.
Здружението изрази надеж дека одличната соработка со општина Центар, а особено со градоначалникот Герасимовски ќе продолжи и во иднина.

Пензионерите изразија задоволство од проектот „Сервис за стари лица“, како и од континуираната соработка со општината и нивната вклученост во креирање на политиките на локалната самоуправа, се додава во соопштението од Герасимовски.

