Македонија
Нотарите и извршителите ќе поднесуваат анкетен лист за имотна состојба

Нов состав на Државната комисија за спречување на корупцијата (ДКСК), се прошируваат нејзините надлежности и се менуваат условите за именување претседател и членови на ДКСК, се новите измени на законот за спречување на корупцијата, кој денеска го презентира министерката за правда, Рената Дескоска.
„Се прецизираат и зголемуваат надлежностите на антикорупциска комисија, која ќе биде надлежна да го следи финансирањето на партиите. Во случај на сомневање за незаконито финансирање по сопствена иницијатива, ДКСК ќе презема мерки за утврдување на фактичката состојба“, рече Дескоска.
Со законот е предвидена и годишна контрола на имотната состојба на претседателот и членовите на ДКСК, а се проширува и кругот на лицата што ќе поднесуваат анкетен лист до ДКСК.
„Покрај сите избрани и именувани одговорни лица во јавни претпријатија, се предвидува и нотарите и извршителите да поднесуваат анкетен лист до ДКСК и УЈП и изјава за откажување од банкарска тајна“, додаде Дескоска.
Измените на законот се на јавна дебата, а министерката очекува што побргу законот да се пушти во собраниска процедура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода денеска корисниците од улицата Црвена Скопска Општина

Од ЈП Водовод и Канализација добиено е известување дека денеска, поради дефект во шахта (промена на шибер во шахта ф 50 мм) на улицата Кеј Димитар Влахов бр.4, прекинато водоснабдување ќе имаат корисниците од улицата Црвена Скопска Општина (сите објекти кои се наоѓаат на истоимената улица).
Водоснабдувањето ќе биде прекинато од 09:00 часот до завршување на работата.
Македонија
На Богородица се чека околу 30 минути

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по претежно влажни коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Богородица времето на чекање е околу 30 минути, додека на останатите гранични премини од македонска страна нема подолги задржувања при влез или излез од државата.
Македонија
Променливо облачно со сончеви периоди, наместа нестабилна облачност со пороен дожд и грмежи

Времето денеска ќе биде променливо облачно со сончеви периоди. Наместа ќе има појава на нестабилна облачност со пороен дожд и грмежи. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 26 до 32 степена.
Во Скопје, променливо облачно со сончеви периоди, ќе дува слаб до умерен северен ветер. Минималната температура ќе се спушти до 18, а максималната ќе достигне до 32 степени.
Времето во наредните денови
Од среда до петок ќе преовладува претежно стабилно време со пораст на дневните температури. Во деновите од викендот повторно ќе има услови за повремени локални врнежи од дожд и ретки грмежи, а дневните температури ќе бидат во опаѓање.