Координативното тело на Македонците во согласност со Обединета Македонска Дијаспора објави апел за обединување на македонскиот народ и креирање на граѓанска алијанса за национална координација.

Во прилог нивниот апел во целост:

„Водени од својата неизмерна љубов и почит кон својата татковина, инспирирани од досегашната стагнација во последните децении, исправени пред одговорноста за зачувување на македонските национални вредности и пренесување на идните генерации, а во согласност со предасномските уставно-правни традиции, на Крушевската Република и одлуките на АСНОМ, на Референдумот за независност од 1991 година, како и почитување на волјата на макеоднскиот народ за непромена на името на државата Македонија на Референдумот од 2018 година, потврдена со Одлуката на ДИК, се донесува следниов Меморандум за Обединување и сплотување на македонскиот народ.

Натпартиско обединување на Македонците околу зачувувањето на името, jазикот, идентитетот, нацијата, прикажување на националната истражувачка историја и научната вистина од Македонија, возвраќање на моралот и вредностите, воспоставување на правна држава;

Поддржување и создавање на повеќепартиска македонска коалиција „Семакедонска национална коалиција” во која сите граѓански и политички партии, вклучувајќи ги и тие партии кои се дефинирани како етнички, на таа коалиција ќе ги дефинираат или потпишат основните постулати на македонската државност и ќе ги дефинираат идните чекори за стабилизација и зачувување на Македонија со своите уставни определби, регулативни и сервисни тела на државата.

Оваа коалиција не припаѓа на ниту една политичка партија или граѓанска организација или претставници на истите. Доколку граѓанските организации или политички партии, не припаѓаат на оваа коалиција, вклучувајќи ги и партиите дефинирани како етнички, а сакаат да бидат дел од креацијата на национални политики на Македонија, ќе биде повикано целото членство за бојкот на нивните активности во било која од извршната, законодавната или судската власт. Оние претставници кои не се потписници и нема да ги вметнат одредбите на семакедонската алијанса во нивната агенда или статут, ќе се смета за нелојален политички претставник и целосно изолиран од одлучување за националните македонски прашања кои ќе бидат дефинирани од страна на алијансата.

Ургентно креирање на поволен граѓански амбиент за успешна и детална координација за специфицирање на билатералните и мултилатерални договори склучени од сите досегашни влади и барање начини за нивно имплементирање или отфрлање имајќи ја во предвид државноста и вољата на македонскиот народ.

Институционално втемелување на македонската дијаспора во државата, како еден од примарните столбови на било која идна македонска влада и креирање алатки за мапирање на дијаспората.

Нашето лично и македонско национално достоинство, нашата совест и свест ни налагаат во овие тешки историски времиња да се оградиме како Македонци од било кој чинител, начин и метод што ја повредуваат државноста и представуваат географска поделеност и закана за културно и етничко сплотување на теориторијата Македонија.

Нашите заложби остануваат недвосмислено во борбата за Македонија и Македонците.

19 февруари 2024 година

Вашингтон, Женева, Сиднеј, Канбера, Лондон, Брисел, Љублана, Мелбурн, Њујорк, Скопје, Малмо, Куритиба,Торонто

Организации во светот:

Координативно Тело на Македонците во Европа и светот

Обединета Македонска Дијаспора

Светски Македонски Конгрес од Канада и Лондон

Совет на Македонските Општини од Австралија

Македонска Радио Програма ЗЗЗ од Мелбурн

Обединети Македонци од Канада

Македонска Заедница Обединето Кралство

Здружение Цар Самоил од Белгија

Македонско-финско здружение од Финска

Асоциација Француско македонска средба -Рефрама од Женева“.